ZKIZ Archives


那些年劉華力捧過的女生阿徐伴舞狂收負皮

1 : GS(14)@2016-03-19 22:15:55

又到講歷史時間,主角繼續係劉德華同佢long long time ago嘅愛將,除咗久違了嘅陳少霞,想當年,劉德華其實仲有兩個愛將,唔知大家有冇印象呢?第一個--徐濠縈,冇錯,你冇睇錯,係大家所認知嘅E神嫂、肯雅徐、康堤阿媽、潮流icon……!當年,同樣係90年代,正確啲嚟講,係92年,18歲卜卜脆嘅徐濠縈畀劉德華發掘,加盟「天幕」成為藝人。當時眼矇矇鼻唔細嘅徐濠縈,仲畀人話佢似足華仔個妹。得到老闆賞識,徐濠縈同年先後做咗華仔《謝謝你的愛》同《一生一次》嘅MV。93年劉德華喺紅館開20場演唱會,徐濠縈仲做埋劉華嘅伴舞嘉賓,風頭一時無兩,可惜當年外間對阿徐嘅反應認真麻麻,劉德華為咗顧全大局,亦要忍痛易角,臨時拉夫搵咗好友關之琳頂阿徐個位……。阿徐出道嘅第一部作品《天長地久》,就係飾演華仔個女,可惜星運一般,及後離開天幕之後,同陳少霞一樣,轉投無綫,但發展平平,徘徊喺二、三線角色之間,如《忘情闊少爺》、《天降財神》同《真命天師》,直至99年邂逅E神,扭轉命運……過去一段黑歷史,相信連E神嫂都唔多記得囉!第二個--亞視出身嘅劉錦玲當年畀華仔睇中,覺得佢有一種獨有氣質,即係o依家所講嘅「仙氣」。當年華仔更大膽起用劉錦玲做當時投資嘅電影《天長地久》擔正做女主角——係喇,即係徐濠縈做華仔個女嗰部,結果票房同口碑得出一個字--差。事後劉華亦承認呢套戲令天幕蝕得好甘,唔單止蝕錢,外界仲批評劉德華,唔應該搵一個藉藉無聞嘅新人去襯自己。錢銀事少,面子事大,自此,劉錦玲再冇出現喺華仔投資嘅電影。失落大銀幕,劉錦玲95年加盟無綫,拍過幾齣電視劇,最有印象都係《天龍八部》入面做深愛喬峰嘅阿朱。10年前約滿無綫息影,轉行賣保險,從此消失於幕前。





來源: http://hk.apple.nextmedia.com/entertainment/art/20160319/19536473
PermaLink: https://articles.zkiz.com/?id=298501

三角朱古力驚見巨罅偷工減料惹負皮

1 : GS(14)@2016-11-10 07:31:51

三角朱古力偷工減料?你冇睇錯,呢個就你由細食到大嘅三角朱古力,出現咗條大Gap,個樣怪怪咁。新設計不僅令朱古力份量減少,其粉絲亦紛紛表示“stupid”及“ridiculous”。有過百年歷史嘅三角朱古力品牌Toblerone,喺官方Facebook解釋,由於成本增加食材價格上漲,為保留其標誌性三角形以及保持零售價不變,喺英國出售嘅兩款唔同重量三角朱古力會減磅,大包裝重量由400克減至360克,輕量裝重量由170克減至150克。減磅之餘,外形都唔同晒!每格朱古力中間就出現左條巨罅,已經唔再喺以前嘅三角朱古力,不過品牌Facebook cover photo就仍然顯示朱古力前身的形狀,似乎未敢發佈朱古力的「新形象」圖片。至於減磅後嘅三角朱古力會否於英國以外地方登陸?官方並無落墨。但網民似乎唔多Like三角朱古力新形象,隨即在Facebook留言插爆,直指這是錯誤的決定,寧願減少朱古力長度,「減磅冇問題,不過點解要整條大Gap?好樣衰囉,可唔可以要返以前個樣但短啲。」因為英國脫歐導致英鎊大跌,一些食品生產商早前紛紛宣佈提升產品價格。Toblerone母公司美國Mondelez International就話,「這不是脫歐的結果,但不少公司於脫歐公投後將產品加價,以抵銷英鎊下跌。」雖說呢場係三角朱古力嘅公關災難,但卻激發一眾英國人買三角朱古力然後狂拍照post上網,甚至有一系列改圖出現,反而收咗宣傳效果。




來源: http://hk.apple.nextmedia.com/financeestate/art/20161109/19827927
PermaLink: https://articles.zkiz.com/?id=314657

接王晶羅鈞滿班 蘇永康搶做新一代負皮王

1 : GS(14)@2016-12-24 10:55:36

負皮是如何煉成的?其實唔難嘅,只要口沒遮攔兼惹火,或者係不斷有是非,都好易引起網民圍剿,再講多幾句,久而久之就好易變成「負皮王」喇。王晶:王晶不嬲都好有「自信」,一向都有同網民開火嘅習慣,試過為《大唐雙龍傳之長生訣》選角問題同fans嗌交;又試過就雨傘運動同前學民思潮召集人黃之鋒喺facebook駁火。俾人負評唔係一日嘅事,今年初仲有人話杯葛王晶套賀歲電影《賭城風雲3》,而王晶又好寸咁話香港,票房只係得內地嘅25分之1……王晶啲言論咁唔重視佢出身嘅香港,就知點解點啲人要負皮佢啦。羅鈞滿:講起羅鈞滿,會諗起啲乜?滿身是非囉!幫佢數一數,2012年違反交通條例停牌3個月;13年被指曾經炒燶窩輪,幾十萬債要家人幫手填數;之後又博出位,指王維基嘅香港電視不獲發牌係商業失敗;2015年又背住女友張文采搭上空姐,結果被對方狠批浪費花陰;再到今年3月,再次因為醉駕,被判社會服務令同停牌兩年。咁多是非,有人就寫咗篇網文《做人別太羅鈞滿》,一邊暗寸佢唔生性,一邊叫人唔好學佢。負評太多機會又冇珍惜,結果係連大台都唔同佢續約,喺上個月台慶日,羅鈞滿要宣佈離巢。蘇永康:蘇永康一向都好有火,睇佢年中同「天下第一關」鄭紹康隔空開火,就知佢像講嘢唔顧後果。上月底蘇永康宣佈老來得子,咁高興當然要分享啦,不過佢講到對個隻嘅期望,就好狠咁話:「我唔想生個梁天恆,我唔想生個游蕙禎,我要佢識分莊閒。」一次過拉咗梁頌恆、梁天琦同游蕙禎落水,搞到網民反感。蘇永康仲被人拎番以往吸毒件事嚟講,又俾人喺facebook洗版,不過統統都俾蘇永康刪除晒啲留言,成為新一代負皮王。




來源: http://hk.apple.nextmedia.com/entertainment/art/20161224/19875760
PermaLink: https://articles.zkiz.com/?id=319994

澳洲餐廳遭負皮女店主鬧爆唔想接中港客

1 : GS(14)@2017-02-05 10:39:31

澳洲珀斯一間日式自助餐廳,近日聲名大噪,因為餐廳女店主宣稱不接待香港和內地食客,更挑釁指「黃色絲帶是港獨佔中的標誌」。事件遭網民非議,在facebook和微信朋友圈議論紛紛,並有網民在fb以港人和內地身份訂位「洗版」。事源去年12月,一名來自香港的Jackie到該餐廳用餐,由於餐廳食物味道欠佳,Jackie將用餐意見和建議在該餐廳的fb專頁上發表,並希望餐廳改善。其後有網民寫到:「餐廳景觀好但食物質素差,生蠔不太新鮮,而刺身看起來是一日前的貨色,一點味道也沒有,以75澳元(約440港元)價格有點昂貴,肯定不會再次光顧。」餐廳fb專頁的留言引起女店主不滿,宣稱以後都不願意接待香港和大陸客人,還指香港客人太過挑剔。該女店主在微信朋友圈寫道:「好煩啊,我們還是想主打老外市場,華人只有17萬,老外是200萬啊。」「我真是不願意在朋友圈發這些牢騷,但是我真的忍不了,來到珀斯也要被這群xx港獨攻擊,真是繞地球一圈來找事,港獨真是超級無聊,沒有共產黨香港只會淪落得更快!」該日式自助餐廳已將大部份留言刪除,根據fb紀錄顯示,周一有自稱「中華人民共和國香港特別行政區香港永久性居民」的食客查問可否2月5日訂位,該餐廳以英語回覆,餐廳觀迎任何國家和宗教人士入座,餐廳的團隊來自香港、日本、中國、緬甸、西班牙、愛爾蘭、意大利、美國、新加坡、英國、馬來西亞、巴西,以及他作為餐廳總經理則是英國和澳洲的雙國籍人士。
facebook/微信/億億網




來源: http://hk.apple.nextmedia.com/international/art/20170203/19916747
PermaLink: https://articles.zkiz.com/?id=325272

【檢閱林鄭班子】「三耳署長」熟書+勤力 聶德權做政制局長無負皮

1 : GS(14)@2017-06-23 02:46:37

新任政制及內地事務局局長聶德權現時53歲,開始為政界熟悉源於他09年擔任社會福利署署長,當時他有「三耳署長」稱號,勤快及熟書作風深獲黨派讚賞,連時任政務司司長的林鄭月娥亦另眼相看,2013年6月至12月特別調任為政務司司長私人辦公室專員(特別職務),與林鄭拍住上專責處理人口政策,其後任新聞處處長,與傳媒建立良好關係,其後任食衞局常秘,亦與黨派有商有量,政圈風評不俗。政制及內務事務局局長譚志源大讚「接班人」聶德權,指對方曾任學生會會長,當時已經「好威」,86年加入政府曾任駐京辦主任,了解內地事務,出任新聞處長期間亦曾與他一同陪梁振英訪問內地,並參與過政改,故此是有經驗之人,直言由聶出任下屆局長是「深慶得人」。【聶德權小檔案】‧姓名:聶德權‧年齡:53歲‧婚姻狀況:已婚‧學歷:觀塘瑪利諾書院畢業、港大社會科學學士、哈佛大學公共行政碩士‧月薪:常秘屬首長級第8級(D8),月薪約26萬至27萬‧資產:在香港、內地及英國均持有物業;太太在內地亦有兩個物業‧仕途/政途:1986港大畢業後加入政府政務職系,歷任多個部門2004年至2006年曾任駐北京辦事處副主任2009年至2013年任社會福利署署長2014年至2016年任政府新聞處處長2016年7月任食物及衞生局常任秘書長(衞生)‧任內爭議/代表作:獲時任政務司司長林鄭賞識,2013年6月至12月調任政務司司長私人辦公室專員,特別職務,專責處理人口政策



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170622/20065012
PermaLink: https://articles.zkiz.com/?id=336529

Next Page

ZKIZ Archives @ 2019