【人人係食家】蘋民自選街頭米芝蓮 腸粉炸豬耳有Fans
1 :
GS(14)@2015-11-08 23:57:23又到咗一年一度《米芝蓮指南香港澳門2016》名單公布嘅大日子，嘩，豪畀佢跟住去食先！入選一星(41間)、二星(14間)及三星(6間)嘅食肆當然贏開巷威到盡，鑑於大眾化口味從來不輸，所以今年首度推介「街頭小食店」！恭喜晒北角利強記雞蛋仔、旺角十八座狗仔粉強勢入選。正所謂食家在民間，我哋每個人心目中，都有屬於自己嘅米芝蓮名單。動新聞主播Gi同斌斌，今日跑到街上，尋找「你的米芝蓮」…張先生的米芝蓮：五谷香粥店「腸粉夠滑，價錢喺銅鑼灣區可接受。」地址：銅鑼灣渣甸街40號地下人均消費：$40李先生的米芝蓮：怡和街麥當勞「魚柳包，因為我食開，食慣覺得好好食。」地址：銅鑼灣怡和街46-54號魚柳包單買：$10
Cheryl的米芝蓮：杏花邨北海道牧場餐廳「平時喺杏花邨食開，我覺得佢個午餐肉幾足料，同埋唔算好貴。」地址：杏花新城東翼地下G55號舖人均消費：$50陳先生的米芝蓮：Hotel Icon自助餐「尖沙咀嗰間Hotel Icon係好食嘅，一般自助餐價錢，個燉湯好好飲。」地址：尖沙咀科學館道17號唯港薈1樓人均消費：$700劉先生的米芝蓮：大鍋口海鮮火鍋「$150加一任食，兩、三個鐘內，推介雪花肥牛同手打丸，仲有海蝦都好正！」地址：荃灣眾安街55號大鴻輝(荃灣)中心16樓全層人均消費：$150謝先生的米芝蓮：江仔記「江仔記好好食，除咗牛筋河、魚旦粉好好味，我一定飲佢杯咖啡，好好飲。」地址：銅鑼灣堅拿道東2號人均消費：$40王小姐的米芝蓮：Stone Nullah Tavern「佢好神奇，有炸豬耳食。我每次都叫三文魚他他，裏面有Nachos，好好味。」地址：灣仔石水渠街69號地下人均消費：$250黃先生的米芝蓮：潮興魚蛋粉「潮洲麵店潮興魚蛋粉好正，牛雜河粉好味。」地址：銅鑼灣謝斐道481號下人均消費：$40李小姐的米芝蓮：太子百利火煱「地方比較殘舊，但醉雞鍋好好食，但依家貴咗好多。」地址：太子基隆街3號地下及2樓人均消費：$350
Ling的米芝蓮：銅鑼灣百德新街 el Born「銅鑼灣食街嘅el Born啲西班牙海鮮飯同小食唔錯，接近西班牙口味。」地址：銅鑼灣Fashion Walk百德新街58-64號地下D舖人均消費：$300
Burger的米芝蓮：拾悅咖啡店「火炭玻璃屋嘅拾悅咖啡，我鍾意食佢嘅意粉同雜錦拼盤。」地址：火炭山尾街18-24號沙田商業中心1樓16號舖人均消費：$40
來源:
http://hk.apple.nextmedia.com/entertainment/art/20151106/19361296