ZKIZ Archives


為愛情 全班包尾變考第一

1 : GS(14)@2016-09-09 04:48:46

【本報訊】24歲當選最年輕區議員、33歲時成為超區票王,鄺俊宇不屬於人生勝利組,屋邨出身,中四試過考第尾,誰料到超區會是第一名?考過6次會考英文才合格的鄺俊宇強調,「大家真係唔好睇小任何起跑線高與低嘅人,如果的起心肝做,一樣得。」當選翌日即在旺角跳街舞謝票,原來他17歲人生第一份工,就在屋邨內的青年中心服務邊緣青年,鄺俊宇會教他們跳舞,曾幾何時,跳舞確是他的夢想,「我自己睇電視學,冇學過師,我當時中五畢業想去演藝學跳舞,但我係屋企大仔,決定養家、決定搵工,就冇再追當時跳舞嘅夢想。」


考6次會考英文終合格

元朗朗屏邨長大,現亦為當區區議員,辦事處設在舊居地下。他與這條邨有很深的淵源,「二、三年班時因為太頑皮,媽咪照顧我嘅方法,係隊我落樓下青少年中心做義工,而我畢業第一份工作係返同一間中心」。鄺俊宇為網民津津樂道的,包括他前後考過6次會考,他對此非常坦然:「我會考有13分,只係欠英文(合格),後來做議員讀社工,會考成績已經唔係重要,但我同自己講唔服輸,我係一個好唔服輸嘅人,在最後一屆會考拎到英文合格……其實同我升學嘅路唔係太大影響,但我要證明一件事,就係你堅持做會做到。」本身是愛情小說家的他,以自身經驗作例亦離不開愛情情節,笑言中四時全班考第尾、中五逆轉勝變全班第一,「嗰個暑假發生咗《那些年》嘅劇情,有重要嘅承諾,你應承咗人,我就要考畀你睇,要有好成績你睇,中五成績一出,我班上嘅人跌晒眼鏡,因為差唔多拎晒所有科目嘅第一,除咗英文。」他說小時候覺得成績好的同學全是「怪物」,認為他們的世界離自己很遠,但原來只要認真做,他亦可以。至於那些年的故事結局,他賣關子稱:「那些年嘅故事同《那些年》一樣。」鄺俊宇常常解答他人愛情疑難雜症,但對自身感情卻三緘其口,「十個記者挑戰過我呢個問題,十個都唔會答……我會好努力保護我鍾意嘅人,所以從來冇人喺我個口問到我嘅古仔。」鄺俊宇說未來寫作方面要減產,若要議員、作家二擇其一,他會選擇向讀者說抱歉,「因為我哋呢個城市病咗,好希望為呢個地方做多嘢。」鄺俊宇係唔會怕,鄺俊宇表明,最驚失聲。■記者陳雪玲




來源: http://hk.apple.nextmedia.com/news/art/20160908/19764306
PermaLink: https://articles.zkiz.com/?id=308116

Next Page

ZKIZ Archives @ 2019