譚耀宗喜歡紅封包嗎?
1 :
GS(14)@2011-05-29 10:54:56http://hk.apple.nextmedia.com/te ... 866&art_id=15294929
【本報訊】立法會議員負責監督政府和審批政府開支，但本報發現，無論泛民主派或建制派，都有議員亂花公帑，每年 9月立法會財政年度最後一個月更是議員的瘋狂購物月，務求將撥款用到盡，狂買濫印宣傳品和紀念品。民建聯主席譚耀宗最離譜，竟狂印 100萬個兔年利是封，到今天仍有大量「派唔出」。民間組織批評：「如果用啲錢直接幫助基層，肯定比造利是封同月曆，更加有意義。」記者：林浚川
2 :
GS(14)@2011-05-29 10:55:26陳淑莊、梁家傑好高科技的..
http://hk.apple.nextmedia.com/te ... 866&art_id=15294942
【本報訊】公民黨與社民連五名議員去年辭職，推動變相公投，最終全部重返議會。原來公民黨的陳淑莊與梁家傑毫不愛惜公家錢，重新當選後棄用立法會的舊電腦和電子設備，花費公帑重新購置，可謂貪新忘舊；反觀社民連的「長毛」梁國雄和「大嚿」陳偉業，辭職前自費買下大部份舊設備，重新當選後毋須買新貨。陳淑莊承認當時考慮不周，稱處理上有改善空間。記者：林浚川
3 :
亞力士(1473)@2011-05-29 23:00:02好事多為的黨
4 :
草帽(1253)@2011-05-30 22:42:43睇葛輝事件, 係咁易都幾億, 由特首親自欽點建制派必定中標, 妳就知建制派D錢係多到駛唔晒啦. 0個D利是封一千萬個都冇問題.
5 :
龍生(798)@2011-05-30 23:35:19葛輝事件證實了....鬼佬真的比人夠薑.....
6 :
亞力士(1473)@2011-06-01 00:40:23都係唔同佢續約先爆大鑊啫
7 :
草帽(1253)@2011-06-01 08:40:56聽燒若元講話佢係新民黨既人. 不過我唔明點解ICAC唔做野囉.
8 :
GS(14)@2011-06-01 21:34:327樓提及
聽燒若元講話佢係新民黨既人. 不過我唔明點解ICAC唔做野囉.
因為都唔知邊個收錢，同埋一做了，香港點算?
9 :
龍生(798)@2011-06-01 22:48:53係...如果今次真係爆得成, 真係唔知點算
下一期又仲有成年, 呢年點過?
我估大把人搵緊呢條葛鬼傾偈....
10 :
GS(14)@2011-06-01 22:51:59都是想要多D先爆
11 :
草帽(1253)@2011-06-01 23:34:48唔係喎....欽點0個個組識叫互聯網唔知咩野協會, 大會黎喎. 入面全部都係建制派既人. 就算當妳唔知入面有咩Q人, ICAC都要高調上去查一查D相關文件卦? 而家灘凍晒, 就算要查, 咩野文件都畀佢地燒晒啦.
12 :
GS(14)@2011-06-02 07:57:02好似是呢個葛輝被人不予續約先咁做
㩒釘的使用方法 譚耀文
1 :
GS(14)@2015-06-11 12:42:362015-06-11 NM
是有點不好意思的，時距「㩒釘華」囊括男配角獎項事隔十六年，本刊仍以此作為拍攝主題，於是我美其名曰插旗——寓意紅遍中港。當事人倒形容是見縫插針：「搵食啫。」他一貫謙卑得近乎自卑。其實值得高興，一個角色令人印象咁深刻，至今內地暱稱他「圖釘華」，語言差異嘛，我偏愛個㩒字，用手㩒，不經外力敲擊鎚打。譚耀文說：「浮浮沉沉，總想不違背初衷。」人在經濟大機器裡，渺小得像螺絲；但至少，有權做一粒靠自己的㩒釘，屹立不倒。秘訣在於用陰力，難怪阿譚永遠奸奸哋……Sorry
細心看，譚耀文耳朵內藏助聽器，他不張揚搏同情，卻不忌諱：「隨着年紀退化，機器要定期換更強的，然後總有一天幫不到忙。」聽覺受損，並非享受寧靜。「機器不識選擇，想它清楚的不清楚；有時遠處的風聲卻被放得大大。」雜音的確不少。十年來轉戰內地，奉承者讚猛龍過江，刻薄者說他另尋出路；近排回歸香港，一樣可以任君對號入座。譚耀文耳聰目明清心直說：「受『㩒釘華』影響，斟我的港產片通常是窮兇極惡、兩日戲、角色欠背景交代嘅。我話你俾多啲資料我揣摩，演得深度啲喎；Sorry，冇。「到大陸拍劇，做主角，劇本長，想搵的滿足感都搵到了。」包括錢？「當然。我通常扮大俠、神仙，原來，他們習慣用港、台藝人抽離地演古裝，我話我想做烈士，『Sorry因為你講廣東話』。我練到普通話能與對手交流，但機制是必須配音。廣東人也有烈士呀，『南方人就是不似』。年紀大咗，大俠要黐起堂眉扮英，自己都不好意思了，我更想演時裝，又係sorry，去到尾仍被認定不夠地道。「我初衷是塑造生活化、紮實的人物，想想，係時候嘞，國家新政策下，大明星如范冰冰、黃曉明都回流，我們外人應該知『定』，人家有本土，香港也有本土。」
割裂
夠果斷吧？由唱Blues，到演大反派，到北漂南歸，每次他割裂得一刀兩斷。「才不是。」譚耀文說：「我思前想後，腦袋沒一刻停下，但表現出來，這個圈怎能被人睇穿猶豫不決？「我猶豫不決又不敢同人講，多少因為自卑，小時候家境麻麻，我玩雜耍出身，發哥表演踩雞蛋，我便有份幫手。說雜耍，包括在海洋公園做小丑，當然唔開心，畫花臉連亮相也談不上，但沒必要同人呻。事情可以沉澱，身手後來應用在跳舞，不做歌手便應用在拍戲武打，甚至到了所謂演技派唔使跳來跳去，我幻想着有一天上台領獎即興來part踢躂舞，一樣帶來驚喜。「我耳朵不好，不擅交際，酒酣耳熱的朋友或許是真心的，但我模模糊糊只不停聽到『飲杯啦』，不停飲杯，解決唔到問題。」活該他新作《我們停戰吧》演自閉中年教師。譚耀文算是最不似新秀的新秀（八八年冠軍），新秀通常熱熱鬧鬧；但人夾人緣，他是梅艷芳罕有的入室弟子之一，又是cool到出名的葉德嫻契仔。「貴精不貴多。」
避避避
譚耀文戲裡戲外都做不成內地生活派，老婆仔女留守香港。「是這樣我才有番生活，一放假便回來。」沒問題嗎？「我明你意思……」譚氏招牌奸笑來了：「對有些人可以變成大問題。這樣說吧，內地女仔很熱情，穿州過省，唔知幾時再遇到，一見面便恨不得傾訴通宵，難怪嘅；有時，是男星自己諗多咗。「OK，就當有下文吧，類似案例也發生不少，但我唔習慣嚟得咁快，她們真是眉梢眼角拋晒出面，怎可能搞到咁？」譚耀文曾說，內地避緋聞，香港避狗仔隊。「的確要積極地去避，別諗住自己把持得定，一走埋嚟想繑實，助手即刻幫我擋咗先，咁最穩陣。第一步是吃飯，你說吃飯是應酬，係，同老闆要，但其他時候往往自己搵藉口enjoy啫，仲愈群愈多人，而緋聞，總由飯局開始……但世事冇我講得咁完美，我怕吃飯應酬，可能正是我在內地冇得再上的原因，所以要回流囉。」在香港出出入入家庭樂，何必避狗仔隊？「並非我故作神秘，亦很少狗仔跟我。但我覺得有責任。公認最好的演員是羅拔迪尼路和阿爾柏仙奴，大眾何曾需要知道他們的私生活？知得愈多愈難投入，怎麼演極都諗起佢現實係個住家男人嘅？就冇dream了。「再講責任。藝人希望被fans們關注生活瑣事；反過來，藝人不可能關注到每個fans的生活瑣事。咁唔fair嘛。」
然後
沉鬱的譚耀文在暢談沉鬱，幾弔詭，其實反映當事人已經走出沉鬱。「的確開心咗。」因為條路順咗？「是先因為個人開心了，條路自然才順。」不再埋怨的，包括配角命。在香港，配角通常被視為上位主角的踏腳石，或退下火線的資深演員之餘暉；這苦了譚耀文，金馬金像最佳男配角早在十幾年前給他攞盡，少年得志，然後，漫長的然後呢？「今次回流，希望多些做主角，但那種兩日戲的反派，仍將有不少，這市道，怎能不睇住budget？以前我話，導演你幫我豐富吓個角色吖；現在我識得幫導演在有限資源之下豐富番個角色。「我曾演厭了大俠；但態度上，我鍛鍊自己成為俠士——俠士不會找人麻煩，俠士有責任幫人解決麻煩。」
小丑不醜
談及早年那份工，我謹慎措辭，以「雜耍」、「肢體表演」來形容；譚耀文倒坦然：「就係小丑囉。」係，我在迴避——有冇有好聽啲嘅稱呼o架？譚耀文搖頭道：「沒有。」為什麼迴避？請看秋官名曲：「施捨的恩惠未接受，未報以笑面做小丑！」唱得真爽，《誓不低頭》讚頌的是尊嚴，但堂堂正正任職小丑的尊嚴又何在呢？其實不只這首歌，當做雞都能講成「性工作者」時，大眾口頭禪裡，沒有比做小丑更不堪了，即使是比喻，對當事人也太沉重。他怎會沒經歷過白眼？「初入娛樂圈常聽到人背後話我：『果然係做小丑嘅。』已經不用說下去。」《豪語錄》多年前訪問譚的前女友陳芷菁，富家女笑笑口憶述：「我就係將美容coupon俾咗阿譚，搞到佢識咗個做facial嘅（指後來的譚太Fiona）。」一句「做facial嘅」，彷彿亦不用說下去。我今天想講，美滿的結局不一定是王子與公主怎樣怎樣……小丑與facial也可以從此快樂地生活。
譚耀文出個人首日封
1 :
GS(14)@2016-02-03 14:43:48譚耀文最近獲中國郵政局表揚，以「華夏情、中國夢」主題推出紀念首日封、十款專屬郵票及兩款電話卡的紀念珍藏版郵冊，以表揚他過去27年來的工作成績和貢獻。之前甄子丹亦同樣獲邀推出個人郵票，阿譚開心說：「心情真係好興奮，被選中發行郵票覺得非常榮幸，我會好好保存，已經留起咗五套，第一套當然係送畀媽咪，第二套會送畀老婆，其餘三套就送畀一對仔女，同埋內地經理人。」阿譚希望藉個人郵票警惕子女要做個對社會有貢獻的人，他並感謝內地經理人一直鞭策他。撰文：陳以晴
來源:
http://hk.apple.nextmedia.com/entertainment/art/20160203/19476481
【馮仁昭四圍超】20年冇唱廣東歌譚耀文推戲再執咪
1 :
GS(14)@2017-02-03 03:10:36譚耀文係第7屆新秀歌唱大賽金獎得主，但已經有20年冇唱廣東歌，最近為4月演出嘅《風雲5D音樂劇》再唱廣東歌《慾望面前》，日前佢喺中環接受專訪坦言：「呢個真係慾望，自己鍾意嘅唱歌同做戲擺埋一齊，覺得好親切。」咁多年冇唱有冇擔心唱功？佢笑話：「冇喎，有少少輕敵㖭。」阿譚為咗呢部音樂劇，推咗一部電影同一部內地劇，佢話：「20年先唱一次，梗係值得。」
■早前譚耀文（右三）同成班演員一齊宣傳《風雲5D音樂劇》。
■譚耀文（中）係第7屆新秀歌唱大賽冠軍，銀獎係何國星，而鄭秀文就得銅獎。
■認為做咁多年賺到最珍貴係家人嘅譚耀文，一有空檔就陪老婆同囝囝。資料圖片
「有白手興家感覺」
十多年前轉戰內地拍劇，捱咗咁多年嘅阿譚表示：「呢行好得意，今年係咁，明年可能唔係咁，冇永遠肯定感覺畀你，尤其我呢啲自由身，冇大公司支持。咁多年我賺到最珍貴嘅係家人，有幸福家庭，有白手興家感覺，太太照顧屋企好偉大，令我好放心工作。」喺內地有冇受過引誘？阿譚坦言：「自己有穩定感情冇諗呢啲嘢，其實我係一個幾悶嘅人，唔會風花雪月，做好工作一定有回報。」問到有乜嘢實質回報？阿譚笑笑口話：「唔係好多，咪就係住緊嗰層樓，都有三、四個商廈舖位投資，做咗30年嘢有啲揸拿，?家樓價癲到太離譜，我冇買樓好耐，諗到啲人冇樓住好慘。」鍾意香港定內地嘅生活？佢話：「香港因為媽咪喺度，仲有好多責任，一定係香港，工作就全世界都得，不過呢排唔敢拍古裝怕甩頭髮，已經冇乜喇，再冇埋就大鑊。」撰文：馮仁昭
來源:
http://hk.apple.nextmedia.com/entertainment/art/20170202/19914932
Next Page