ZKIZ Archives


何君堯籲認識中國周庭 : 俾返張回鄉證我先啦

1 : GS(14)@2016-05-25 10:04:23

最後一對《跟住矛盾去旅行》,由「學民女神」周庭,本來係對「Dreambear」劉夢熊,但開拍前劉夢熊被判監,就換上建制區議員兼律師何君堯,估唔到平時係律師嘅佢,俾周庭「質」到完全冇反擊之力,唔知佢係咪特登扮唔識啦,總之問到「六四」「土地政策」「功能組別」等問題,何君堯係完全答唔到,牙尖嘴利嘅周庭,講親都一輪咀,段段精采:(往機場路上)由日本是否民主國家講到功能組別。。。何:你知唔知佢哋日本有民主選舉,知唔知同香港差別有幾大?除咗特首嘅問題?周:咁人哋成個國會都係選出嚟,但係我哋都唔會成個立法會係選出嚟。何:我哋立法會,係選出嚟o架喎,間選同直選喎周:係,係,零票當選都係選出嚟,不過係不民主咁選出嚟何:自動當選唔係零票當選周:即係一票都冇啦何:係有票,只係冇其他候選人,所以係自動當選唔係零票當選周:咁呢個係唔合理囉,功能組別本身就係唔合理,有啲幾百票選出嚟,有啲幾萬票選出嚟,呢啲係幾咁不平等,咁當然你可能唔會介意啦,但我哋仲要喺香港生活多5,60年,其實你去日本之前都可以wiki下睇下先。何: ok,維基(面燶燶)。周庭,我唔係識晒咁多嘢,你知道幾多咪話比我聽,等我知道又會學習,當我細路仔咁囉。(到日本在van仔)何君堯問一般香港人生活係點?周:佢(劉鳴煒)唔會知道年青人18歲就要開始排公屋,50幾歲先有。年青人係唔應該係呢個時候諗呢啲問題,但香港就係令到年青人18歲時要諗呢排唔排公屋。何:點解呢?我18歲嗰時真係冇諗呢啲。周:香港嘅土地政策係好有問題,地產商買地後會起好貴嘅樓,明明有好多囤積咗嘅地,或者係空置單位又唔去處理。何:你屋企有幾人住?周:呢個問題關咩事?我未必係出生係最貧困嘅家庭,唔係住板間房,但係香港好多人係咁樣囉。何:係幾多到呢?周:點解何生你問得出呢個問題呢?其實呢啲嘢你係要比我清楚。何:未必一定,所以我唔知周:咁你有咩係清楚?香港堅尼系數有幾高?你冇理由唔知道有幾多香港人生活喺最艱苦嘅情況。何:咁我係香港人都唔知晒香港嘢,地球人都唔會知得晒地球人嘅嘢啦。(在東京大空襲資料中心)講國民教育睇到日本二戰時教科書,何君堯話:「40年嘅,都係講愛國呀,美好嘅將來,正面嘅訊息。」周:其實就係洗腦囉,同一個國家小朋友講我哋o依家嘅戰爭幾有正當性,而呢種洗腦嘅國民教育無論喺有冇戰爭時都唔應該出現,包括香港,當年香港課程指引都係話見到國旗要流眼淚,之後仲話要計分,完全係冇獨立思考。何:我贊同我哋唔需要洗腦,教育只係灌輸基本知識。周:但你當年贊成推行國教,雖然佢唔係講戰爭。何:國民教育只係對國家認知,我諗唔係去洗腦。周:對國家認知點解中史唔可以呢?點解喺公民教育入面擺咁少錢?喺國民教育入面就擺咁多錢?香港連公民教育都做唔到,就唔好做國民教育啦。何:又唔得咁講,數學唔得就唔讀書咩?周:何生不如你分清楚咩叫公民同國民教育啦(兩人同時係咁不斷講)(在東京大空襲資料中心)周庭問何君堯「六四」立場周:每一個國家其實佢好有需要去面對佢嘅歷史,包括日本中國,一方面我哋會話日本唔願意承認當年嘅事,其實中國都同樣地有好多唔願意承認自己歷史,每個國家都有呢個責任。何:你講得啱,最緊要知錯能改,了解歷史可以為未來作計劃。周:不如唔好扯咁遠啦,講下你點樣睇「六四」。何:我都高興你帶出呢個問題,「六四」呢個問題呢,都係我哋中國走過條路,可以話係一個悲劇嚟o架,我曾經講過一條人命損失都嫌多,我自己曾經對六四嚟講學生嘅情懷係完全可以理解,但現實往往有時同我哋現實有差距。周:但係如果日本人同我講,我哋都係思維唔同,我諗你哋都唔可以接受囉。所以你頭先個答法係有點奇怪,因為你都係唔願意直接回答個問題。何:我已答咗,六四可以避免就避免,係一個悲劇,當你睇歷史往往都會有人命損失。周:唔代表你可以正當化政府嘅錯。何:冇合理化。周:雖然我好鍾意日本嘅文化,但我唔係盲目祟洋,絕對唔會認同呢種行為,做人唔好雙重標準,當我哋講日本必須面對歷史責任,中國都係一樣。此時何君堯語塞。(在公園中)檢討何君堯笠高帽:佢對日本嘅欣賞程度出乎我所料,但我哋中國咁大嘅歷史再認識多啲呢,呢一代嘅青年發揮嘅機會肯定係無限。周庭爆seed:咁你叫佢哋俾返張回鄉證我哋啦不如!叫我哋認識下中國,又唔俾我哋入境。何:祖國自己有個套考慮因素,可能有特別原因。(blah blah blah…)何君堯喺節目,係完全冇反擊之力嘅。





來源: http://hk.apple.nextmedia.com/entertainment/art/20160525/19625708
PermaLink: https://articles.zkiz.com/?id=301463

姚松炎:林鄭批評證我盡責

1 : GS(14)@2016-11-16 05:38:41

【本報訊】政務司司長林鄭月娥(圖)日前出現香港建築師學會60周年晚宴時,不點名提到剛上任的建築、測量、都市規劃及園境界議員姚松炎是「極難合作」(extremely difficult to deal with)。姚松炎認為林鄭批評等同肯定他的工作,因議員責任就是要監察政府。姚松炎昨回應林鄭對他的批評,他上任前後一直關注多項土地規劃及發展項目,包括備受關注的橫洲事件等,認為林鄭的說法,等同肯定他的工作,「證明我有盡立法會議員應有嘅職責去監察政府」,自言會繼續努力「令司長滿意我作為立法會議員監察政府嘅天職」。建築師學會會長吳永順拒絕評論林鄭的有關言論,不過他認為姚松炎是選民經民主選舉作出決定的選擇,如果相信民主就必須尊重選舉結果。他被問到會否因此增加業界與政府溝通的難度,吳永順說,未試過又怎知道,相信溝通要雙方付出。他希望與姚松炎建立一個恆常的溝通機制,透過對方能反映建築師業界的意見。■記者陳雪玲




來源: http://hk.apple.nextmedia.com/news/art/20161116/19835324
PermaLink: https://articles.zkiz.com/?id=315747

97新生代:上街證我哋重視民主

1 : GS(14)@2017-07-02 14:17:40

【本報訊】20年過去,年輕一代見證回歸後的香港禮崩樂壞,每年7.1不難見到一張張年輕面孔,走上街頭疾呼。1997年出生的洪小姐第5次參加7.1遊行,今年遊行人數減少,她難免感痛心,「大家好似面對咗現實,我哋會畀中共收番,出嚟都冇用」,但她仍寄語港人戰勝無力感,「7.1係幾有意義嘅日子,畀香港人表達訴求,出嚟起碼證明我哋重視民主、民生」。洪小姐是教育大學學生,「我唔會因為回歸(同年)出世,就覺得自己係中國人,或者鍾意中國或認同中國」。她強調自己是香港人,因兩地的文化和價值觀有差異,對中國政府在政治上干預香港尤為反感。回歸廿年,洪小姐覺得最大變化是文化,以前香港傾向西方文化,但回歸後變得「好中國」,「以前大家都好重視英文,但?家就變咗普通話。」中大文化研究學生黃柏熹22歲、出生於回歸前,但已連續第6年參加7.1遊行,他說,今年上街的最大目的,是反思本港的民主運動如何走下去。他說,民主派近年予人「越退越多」之感,例如今年初一場特首選戰,民主派最後力捧曾俊華,不禁令人質疑,「咁樣做係咪真係好撐民主運動?係咪到關鍵時候就會退讓,甚至同對方『又傾又砌』?」



■中大學生黃柏熹第6次參加7.1遊行,希望反思香港民主運動前路。

18歲女斥政府漠視民意


除了7.1遊行常客,有年輕一代在回歸20周年首次上街。剛剛滿18歲、文憑試重讀生邱同學表示,過去兩、三年已想響應遊行,但因要專注學業及家人不批准,未能成行,今年才終於第一次偕友人上街,她說,香港社會近年發生很多荒謬事,「政府做完(荒謬事),但我哋嘅意見係冇被接納、冇被聽見,例如(西九)故宮博物館」。邱同學慨嘆,本港的警民關係、官民關係撕裂一直加深,縱自覺個人力量微小,「都想為社會做少少嘢,就算方式不同,大家目標係一樣,都係想要一個正常番嘅社會」,促請政府聆聽青少年的意見。■記者周婷、王家文



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170702/20076126
PermaLink: https://articles.zkiz.com/?id=337607

Next Page

ZKIZ Archives @ 2019