ZKIZ Archives


諗樣內地行: 周六福珠寶 Home Blogger

http://www.homebloggerhk.com/?p=5157
筆者在廣州街頭的上九路走著,看邊是G2000。我走進去將西裝攞起,查看在大陸G2000賣的價位和香港差幾遠。小牌子上寫的是人民幣千九元,心想: 乜內地人工真係加得咁快嗎? 千九蚊人仔可是三分一之月薪了! 是否我對國情了解錯誤?? 旁邊的小李見我定哂神去想,佢用廣州話既口吻同我講:「先生! 呢個檔次既西裝係要賣呢個價錢的! 不貴便不好看了!」我心諗貴同好睇關咩事? 小李見我一副諗樣,於是再道:「你係咪唔知呀?? 早排G2000咪比個杭州人告佢商標侵權囉! 說到底就係有個杭州人係大早前登記左”2000”呢一個商標,而當香港G2000想登記自己在內地的標權時,即刻比佢告同索償二千萬。就當佢轉用G2都比人追住唔放。最尾杭州法院判田生敗訴,我諗一定係佢要收番賠左筆錢要賣貴d啦!」

我走出門口,告別千九幾蚊(人仔)一套西裝既侏儒村,行下行下發現了「周六福珠寶」,well,而佢對面又有間「六福珠寶」,頭先經過亦有間「六福」。於是心中在好奇心驅使,當然要入去見識下!

首先講佢地企係門口既「靚女」,心口大大隻字掛住佢地係香港周六福珠寶集團既分店,已令在港居住超過七年既我「O哂咀」。再行入d,發覺佢地有類似賽車女郎既物體戴住首飾比你睇,化「行」哂粧招呼一眾「內地龍友」,搞到我以為入左動漫展。係被人一推再推之下,我黎到櫃台,終於可以查問價格。發覺金飾價位不比香港貴,手工仲全免。 同頭先千九幾蚊套西裝既發現南轅北轍。係面前盡是人流、而打扮成小丑既大使想將波波送比我之際,我決定離開。.

 

行左咁耐,走過對面華星冰室飲返杯野。叫香港食時嗌開既『黑松露炒蛋』,一食之下真係連吐都吐唔切! 我都知華星係大陸開分店最後被人連自己一份都食埋既story,估唔到比人食左間鋪仲要係大陸比人整衰個朵。唉「係大陸搵人攪JOINT-VENTURE,都唔容易。

 

被人Triple-hit之後,唯有走過對面屈能氏藥房買番包清熱酷下氣。我只能求神保估,我飲緊既唔係會令小雞係45日大起來既化學藥!

PermaLink: https://articles.zkiz.com/?id=42067

相逢恨晚!如早三個月巳睇諗樣兄文章決定必不同(答) Home Blogger

http://www.homebloggerhk.com/?p=7511

是的,投資樓市前是先做點功課。小妹入的兩件貨都唔好,一件間隔差,一件樓齡舊。當然細價樓在呢幾年升幅跑贏大價樓,用事後孔明來說小妹是做對了! 惟其原意是否睇準此浪而捕捉,相信佢心中有數,另外諗樣認為長遠計都係大碼樓號贏細價樓,詳細解說在交流會時再作交待。

 

 

對打工人仕,最好都係由計出借貸力開始。因打工仔借貸力最易計出,亦是其用予「逆轉勝」之「武器」。讀者家庭月入約7萬至9萬,最大借貸力為$(90000*50%/10000)*2.59=11.6mil,$$(90000*50%/10000)*2.59=9mil之間。現在持貨為4.2mil+4.2mil+6mil=14.4mil。大為超出可承受能力,亦因此小妹睇埋筆者之文章後會有對最近入貨有點後悔。筆者所作的,只是為大家買唔買樓,加唔加碼時提供一個客觀的考慮吧。還有一點要留意是個人借貸力在淡市有可能大幅縮少的! 金融地產行業更要留意。

 

上段陳列客觀事實後,應做的就是減磅。現在三間樓只得自住青衣沒SSD,讀者覺得好住不會搬出,現只可考慮沽出奧運站單位,賺價有一定水位,舊版SSD比埋5%都賺近80萬。當然市況未危急,可以密切留意市況等一等,何況近日睇樓人潮再現,且看二月所出辣招可在五月被消化,當然最緊要係環球市場無震盪消息,因香港樓市熾熱是國際金融亙動所產出的問題,只可因國際金融崩壞而瓦解。

 

除了沽樓減磅外,可能三間房之樓按轉到不同銀行。三間樓總借貸為$(2.0+2.94+2.8)mil=7.74mil。即負債約為找貨(14.4mil)之一半。當然不代表樓市跌一半小妹都仲未有負資產風險,因為結欠是不平均的。可將自住樓加按,如留在原銀行加按,可以傾下有冇得保留原有hibor計劃,而今次加借的就用prime plan計數,利息約為2.4%。萬一樓市走勢向下,請萬勿依戀只剩二百萬的低息hibor貸款,轉按作靈活按揭計劃,放番一半借出金額在戶口中收等同按息之活期利率,洗費不是差很遠而矣。提高現金流是萬全之策,就當每個月比多一至兩千蚊當買個保險亦是明智。

 

在新政策下新買入三房而不能「反手」沽出,政府想業主們乜都唔好做,你賣樓就係逆佢意,話比人應賣樓有錢賺更應被批鬥! 至於讀者亦不好有感相逢恨晚,現在計清楚自己盤數,預先作出準備,第時見生天時有三間樓在手實是令人鼓舞。自己唯有保重身體,萬勿令自己現金流切斷,多留意市場為妙!

PermaLink: https://articles.zkiz.com/?id=55001

Next Page

ZKIZ Archives @ 2019