|
||||||
|
黃金海岸上週六舉行遊艇展，百通都有去湊熱鬧，仲乘機去參觀全場最貴、價值六千五百萬的英國品牌Sunseeker遊艇，走到入去，以為自己去咗間豪宅，四房兩廳，仲有兩間船員房，簡直睇到嘩嘩聲。 呢隻海上豪宅係Sunseeker最新型號Predator 92，老友爆料話原本係恒基二公子李家誠訂咗，舊年年尾剛剛收貨運到香港，遊艇入面的裝修仲係由二公子搵專人設計，單係裝修費都用咗接近二百萬，不過，唔 知係咪因為徐子淇剛剛响年尾證實懷咗第三胎，所以二公子竟然嫌呢隻艇細咗啲，決定訂過另外一艘多兩個睡房、廳大房大、價值一億零五百萬的Predator 115，不過，呢隻新艇起碼要到年底先到香港。咁呢隻「細咗啲」嘅究竟點算？原來已經有買家表示有興趣，廣東邦家租賃有限公司董事徐坤啱啱响週六已經一口 氣用咗三億買咗五隻唔同大細、唔同型號的遊艇，佢見到呢隻裝修得咁靚，竟然心郁郁想買埋佢。買咁多做乜？徐總話，內地唔少有錢商家想體驗富豪生活，呢類頂 級奢侈品在內地需求甚殷，租賃富豪遊艇生意大有可為噃。 |
||||||