|
||||||
|
中原集團主席施永青月初自爆將把名下近三十億元的中原股份，悉數捐給慈善機構，鋪路淡出中原，投身公益事業。 這一着，施永青終於了斷和拍檔王文彥卅年的恩怨。回顧過去，他留下一句：「我認命！」 約施永青訪問，女秘書說施生「正在開會」，記者在他辦公室等了廿分鐘，才見他挾份報紙進來。 「不是無為而治嗎？點解咁忙？」 「你估我真係去開會咩？我去廁所咋！秘書話我去開會，好聽啲嘛！你唔見我挾住份報紙返嚟咩？」 施永青的坦白，像他的退休安排一樣，在銅臭商場中別樹一幟。篤信老子的施永青因為道家「無為而治」，在商場賺得盆滿鉢滿，但亦因老子提倡「財富最終會散於萬民」，他決心在明年六十大壽之前，散盡家財，淡出中原。 返鄉下耕田 「好 多有錢佬副身家，使來使去都係面嗰浸，你再搵多啲疊喺下便，都無意思。可能佢哋鍾意過好奢華生活，買飛機大炮私家島，我又唔係呢類人！我人生有兩大願望， 第一係坐監，因為人一寂寞就可以反思自我，不過而家喺香港想坐監都唔係咁易，所以我唯有完成第二個願望，就係返鄉下耕田。」施永青講笑。 施永青打算明年把自己在中原集團、中原地產代理及中原中國各佔的四成半股份（另有四成半由另一創辦人王文彥持有，其餘一成屬老臣子黃偉雄所有，但黃在○五年捐給中原慈善基金），注入以自己命名的慈善基金，基金章程規定只可用作慈善用途。 「我關注嘅範圍好多，教育、醫療、農民等等，都會去幫。退休之後我會自己搞慈善項目，全力扶貧，已經請咗個幫手，但而家唔講得係邊個。」說起做善事，施永青就扭扭擰擰：「費事老婆話我沽名釣譽！」
中原未上市，若以另一大地產代理、上市的美聯物業市值七十四億元計算，估計施永青所佔的四成半股份市值至少三十億元。另外，日後中原集團的盈利及年度派息，都會按比例直接注入慈善基金，單是去年，中原盈利已高達十億元。 一口氣捐出大筆財富，家人不反對嗎？「我以前賺嘅錢一半都俾咗老婆，佢已經唔使憂！三個仔女我都有供佢哋讀書，之後條路，就要由佢哋自己決定啦！」施永青有兩女一仔，大女在英國修讀經濟，今年畢業；兒子剛入大學，同樣讀經濟；孻女讀中學。 可有想過子女會承繼父業？「你估個個都想做地產代理咩？」施永青一臉無奈。管教子女，施永青同樣採取無為而治，唯一的堅持，是不會向子女派利是及慶祝生日。「我唔想佢哋不勞而獲，就算你唱衰我唔派利是，我都係咁！」 黎明楷接棒 除了「捐身家」，施永青亦計劃全面淡出中原，去年十月他欽點主管中國部業務的黎明楷，晉升副主席，接掌中原，自己只保留非執行主席一職。他說睇中黎明楷，其一是對方認同自己的「無為而治」管理哲學。 事 實黎明楷的實幹作風，才是施永青相中他的最大原因。年僅四十三歲的黎明楷，八九年加入中原任職項目投資部，由低做起，九二年中原涉足內地市場，但一直「水 土不服」，業績只是一般；直至九八年黎明楷出任中原（中國）董事總經理，大事改革，成立中央行政、財政、研究及 IT部門，實行集權中央，改善「無為而治」的「副作用」，並在重慶、大連、南京等二線城市開公司，令中原發展成內地大型地產代理之一。 繼任人冇股份 然 而，黎明楷執掌中原，卻「有權無利」，未分得任何中原股份。施永青透露，原來與他糾纏三十載的拍檔冤家王文彥有關。「我贊成分啲股份俾佢，但王文彥反對， 即使我賣自己嗰啲（股份），佢又有first right of refusal（優先承購權），同價他就有優先權購買。黎明楷都同王生傾過幾次，但最終都得唔到咩嘢！」截稿前，王亦未對施捐股份有任何回應。 繼任人安排只是施、王鬥氣幾十年其中一件事。三十年前，剛涉足地產界的施永青，與本身為中學同學的「行家」王文彥感到個人發展有限，各自拿出五千大元合辦中原地產。不過，施管理愛無為而治，王則要強勢管治，生意愈大，兩人分歧愈深。 例 如，施永青形容自己用人「狗屎垃圾都用」，但王文彥則要下屬有好背景，對下屬採用高壓手段。「佢成日鬧同事無料到，無管理視野，又話分得太多錢俾佢哋。搞 到人人都怕咗佢。」有一次，九十年代初沙田分行一主管返工經常遲到，還吩咐女行政助理幫他「打卡」，女助理向行政部告狀。其後以施永青為首等董事，因為看 重營業部，未有處分主管，反而把女助理調走，令王文彥深感不滿。
王文彥無法容忍施永青，終在九一年退出管理層，自立門戶成立長安地產，但仍持有四成半中原股份，與施股份一樣多。離開中原前，王怕施亂花錢，要他簽下刻薄條文：包括人工加幅不得超越公司平均加幅，沒有房車司機、房屋、旅遊津貼。九九年，王依然不滿中原董事酬金偏高，登報轟施「相煎何太急？」 施永青不服氣，除了在報章回敬他洋洋萬字，展開漫長筆戰，一次在股東大會上，他公開叫王文彥：「我覺得你而家最緊要係搵番個老婆，生番個仔。」揶揄王與前妻離異以及前妻曾兩度流產的不愉快經歷，令兩人仇怨更深。不過時至今日，施永青堅稱自己並非刻薄，只是「為朋友着想」。 王文彥「撒手鐧」是反對中原上市。多年來施永青曾建議分家，包括在九一年以平價一千萬元，建議王文彥收購或賣出中原全部股份，但遭到拒絕。去年施永青再度開價三十億，但王再度say no。 有此拍檔我認命 多年來眼見施永青無計可施，基金經理都紛紛自動上門獻計，教施永青「飛甩」王文彥，例如以公司需要擴充大陸生意為由，大規模集資供股，「溝淡」王的股份，甚至全面收購其股份，但施永青為免做壞榜樣，一一拒絕。 「如 果我咁樣踢走個partner，第日啲同事都可以用呢條橋踢走我。」兩個昔日打天下的好友，今天關係淪落到如斯地步，施永青回首三十年的恩怨情仇，拋下一 句：「上天要安排他做我拍檔，我認命！為了中原呢個仔，我哋同床異夢咁多年，還各自散發異味，可能有生之年，我哋都無得分家！」 不過，施永青今年決心把名下股份捐給慈善機構，他相信王文彥「無得出聲」，兩人糾纏不清的關係，亦可暫告一段落。 報紙繼續搞 唯 一他仍沾手的生意是○五年豪擲一億元創辦的免費報《am730》，兩年內《am730》蝕足五千萬，至去年才轉虧為盈，每月淨賺約一百萬左右，出紙約三十 萬份。施永青說：「我而家最重要係想趕走啲讀者！《頭條日報》日印七十萬份，我唔會同佢鬥多，但希望讀者質素比人家好，所以份報紙會減少娛樂、唔好咁八 卦，等人覺得唔好睇，咪可以趕走啲人，留低啲知識水平高嘅，可以收多啲廣告費！」 施永青檔案 出生︰1949年上海出生 婚姻狀況︰已婚，育有一子兩女 學歷︰中五畢業 現職︰中原集團主席、免費報《am730》創辦人 工作經歷︰ 68年畢業後在左派學校重生中學執教鞭，一教八年。 76年四人幫下台，脫離左派，先後在新昌及萬宗財務工作。 78年與王文彥創辦中原地產 01年入股利嘉閣成為大股東，坐擁身家逾三十億元。 公職︰房委會成員、策發會委員、香港地產代理監管局成員等 買樓教路 施永青炒樓時有斬獲，沙士前後密密購入商廈、住宅單位十七個，至今賣剩八個，賺了五千七百五十三萬。 施永青認為，現時中小型房屋樓價仍然偏低，加上利率低，供樓利息成本平過租金，而且現時部分樓價未升到九七水平，「以後就會買唔起，或者只可以買細間啲。」 施永青現持物業 |
||||||