|
||||||
為咗鼓勵啲學生哥喺數學科方面多多努力,恒隆地產(101)搞咗個數學獎鼓勵吓佢哋。到底點解香港人咁少喺數學界發展呢? 創辦人陳啟宗(圖)噚日出席數學獎頒獎禮之後話:「我哋呢一代人嘅role model係科學家,我哋下一代嘅role model就係李嘉誠(華華絕對係佢下一代o架!),o依家呢一代就係劉德華,其實都係時候畀返科學家一啲尊重……」 Well,超人同劉華都係好多人嘅偶像,而且仲係永恒o架,話口未完,宗哥繼續話:「真正叻嘅人全部都係搞科學,好似我細佬咁,我呢啲中等嘅只係從商……」 宗哥一啲都唔認叻,而且仲咁睇o依家嘅商人,果然係豪情壯語呀! 李華華 |