不滿大財團蝦小商戶阿詩搞二手巿場 助年輕人創業
1 :
GS(14)@2015-04-12 16:27:29■何韻詩昨日親身到九龍城地攤造勢。
自從去年何韻詩投身雨傘運動，到上月宣佈不再跟所屬唱片公司續約，成為獨立歌手後，她自言工作量減少7至8成，但無減她支持年輕人創業的行動。她跟nomad nomad機構合辦的「有種市集」地攤，共有80多個商戶參與，一連兩日在九龍城兆基創意書院擺檔，昨日是首日開賣，阿詩更與父親一起到場宣傳。另外，阿詩在場內開設名為「Hall1c」的雜貨攤，她表示希望為年輕人開創自力更生的門路，雜貨攤的所有收入將全數撥捐何韻詩慈善基金。阿詩接受訪問時表示跟nomad nomad合共投資五位數字資金租場，再以相宜的價錢分租給各商戶，她說：「而家喺社區入面，要搵方法生存，因為香港不斷俾大財團大商店霸晒，令小商店冇生存空間，所以越嚟越多創意市集。而家啲年輕人好難用傳統方法創業，所以有呢個二手市場，自己又多雜物，所以拎晒出嚟，循環再用。」
■何韻詩獲父親撐場，兩父女搭膊頭合照。
■何韻詩以相宜價錢租地攤給小商戶（圖）。
■何韻詩與黃耀明（中）一起拍廣告，並由夏永康（左）操刀拍攝。互聯網圖片
台灣騷有錢落袋
何韻詩提到她早前在台灣開騷亦是自資主辦，她說：「嗰次演唱會投資咗50萬元左右，唔止冇蝕，仲有錢賺，叫做夠生活費。自從上年（雨傘）運動後，自己工作狀態唔同咗，所以要諗方法，加上唔甘心屈服，點解大家覺得冇咗某市場唔得呢？」她更強調自己餓不死。另外，除了自力更生亦有商戶對阿詩不離不棄，前日她在Ig貼上一張跟黃耀明及攝影師夏永康的合照，據知，夏永康（Wing Shya）將操刀為阿詩及明哥拍攝新一輯的廣告照片。阿詩留言稱：「其實真係好振奮，仲有商戶客戶唔會因為我哋講咗一啲嘢而唔搵我哋，係好榜樣好感謝。其實就好鬼得人驚，會因為講咗真話，憑心去做而受打壓，而令其他人嚇怕咗。呢樣嘢係好驚。」採訪：黃曉妍攝影：仇志德
【做善事】搶手貨咪走雞
何韻詩的「Hall1c」售賣的貨物包括二手雜物、結他、DVD、汗巾及tee等，是場內最吸客的地攤，非常多人幫襯。阿詩落手落腳sell客，在她離開個多小時後回來驚叫：「嘩，冇咗咁多嘢喇！」而放在一旁的何韻詩慈善基金籌款箱亦告滿溢。今日有種地攤繼續營業，以下是部份阿詩出售的貨物。
■絕版的Supergoo Plush，會唱歌會面紅，是去貨去得最快的貨品之一。
■只此一個的鐘瞬間已經售出。
■阿詩極力推薦，着過多次的牛仔襯衫。
■阿詩的地攤除cap帽、太陽眼鏡外，連結他都有售。
■DVD收藏中有郭富城、謝霆鋒的碟，牆上的「霸氣」字樣非常搶眼。
■阿詩是愛貓之人，當然不能少的是印有貓貓圖案的產品。
來源:
http://hk.apple.nextmedia.com/entertainment/art/20150412/19109096