【《蘋果》專訪】JM全裸戲 「可以再降底線」
1 :
GS(14)@2016-10-24 06:12:24文詠珊（Janice Man）、林家棟及許志安日前在鰂魚涌宣傳新片《兇手還未睡》，該片焦點落在JM的全裸戲，她接受本報專訪時坦言考慮了整個月才接拍：「收到劇時本覺得好震撼，猶豫唔係尺度，最大考慮係咪自己拿揑到，尺度係要豁出去。」
JM因為壓力太大，拍攝時情緒不穩，拒絕與人交流。經過今次全裸演出，JM發現自己可以再放寬底線：「原來遇到今次角色，自己又會將底線再降低，初時拍攝有啲唔適應，要投入情緒都唔理有冇走光。」拍裸戲前，JM有與男朋友溝通，她說：「話畀佢聽係基本嘅尊重，佢唔會反對我嘅工作。」
情挑安仔 被家棟摑
JM與許志安於戲中有激烈親熱戲，她說：「喺一個好細嘅浴室拍，我冇尷尬。」安仔指親熱戲不算激烈，他笑說：「兩場都企喺度，都冇床，唔會好激。」安仔指拍攝前未有特別與JM溝通，怕越溝通越尷尬，不知怎樣開口。戲中安仔要拒絕JM的性要求，安仔笑言：「對女仔嚟講絕對係侮辱，現實我唔會拒絕人哋，唔會畀呢件事發生。」林家棟有一幕掌摑JM致倒地的戲份，家棟說：「係一個考驗，要摑到佢跌落地，一定要用力，但唔可以NG，再打佢會腫，佢都叫我放心打。」採訪：張俊銘
■JM表示拍攝時情緒不穩，拒絕與人交流。
■JM在電影《兇手還未睡》中破格全裸演出。劇照
來源:
http://hk.apple.nextmedia.com/entertainment/art/20161024/19810084