裕美未準備生B
1 :
GS(14)@2016-01-19 23:06:35裕美、鄭俊弘與麥潔文昨日於九龍灣化身大廚侍應，宣揚職安健訊息，裕美自言最愛煮家常便飯，但丈夫卻甚少品嚐到她的手勢，她說：「我媽咪食我煮嘅嘢多啲，我最叻整金菇肥牛卷，因為我手工OK，當食物係藝術品，尤其係日式嘢食，可能係細個嘅情意結，以前細過媽咪都會整便當，而家有時間都會預備吓。」結婚兩年的裕美，被問到有否生育計劃？她說：「遲啲先，而家尚年輕，生咗想多啲時間陪小朋友，女人要把握青春，等我準備好先進行呢件事。」而裕美透露正忙於排練舞台劇，今次將瞓身演出。而鄭俊弘自言甚少下廚，拍拖時也少有跟女友「煮飯仔」，他說：「難食就唔好。」採訪、攝影：羅慧敏
來源:
http://hk.apple.nextmedia.com/entertainment/art/20160119/19457283
陳柏宇講舊愛 只認裕美
1 :
GS(14)@2016-01-24 17:07:56陳柏宇（Jason）日前接受商台的《1圈圈星光背後》訪問，談到曾與鄧紫棋（G.E.M.）、裕美等傳緋聞，他說：「得裕美係真，分開因為大家都冇咗嗰種感覺。」隨後他大方公開與模特兒女友符曉薇（Leanne）拍拖，並承諾35歲時和女友結婚，Jason坦言早已認定對方為終身伴侶：「佢同一般女仔好唔同，性格坦誠，有乜嘢都唔會收埋，遇到問題都可以一齊去解決。我哋有共識，求婚同結婚方式都想低調，希望得我哋兩個。」
Jason又指當初由加拿大回流返港簽約唱片公司，收入極不穩定，最艱難時月入僅得4,000，多得錢國偉邀他拍《喜愛夜蒲》，多了內地夜店登台機會，收入才得以改善。撰文：陳以晴
來源:
http://hk.apple.nextmedia.com/entertainment/art/20160124/19464548
拍片剖白三角關係黃子恆：知家暴想保護裕美
1 :
GS(14)@2016-06-20 05:45:20■黃子恆昨在Ig拍片剖白，直指裕美跟丈夫分開牽涉家暴問題。
人妻裕美近日被指背夫與無綫藝員黃子恆偷食事件峰迴路轉，裕美日前在Instagram拍片剖白，聲稱去年與圈外人老公林恩浩（Jason）分開，二人正辦離婚，但Jason就於fb拍片否認離婚，又籲黃子恆若喜歡裕美的話便站出來。結果黃子恆前晚返將軍澳電視城開工時首度現身，聲稱認識裕美時，對方表示已跟老公分開，又表示自己會在Ig拍片交代。至昨日下午，黃子恆於Ig上載短片剖白，看來有點憔悴的他說：「連日嚟關於我嘅報道，令到好多人擔心我，好對唔住。我喺大半年前喺公司度認識裕美，認識佢之後，從佢口中得知佢同老公分開咗，喺朋友嗰度住，而當中嘅原因係牽涉一啲家暴嘅問題，但當時佢唔敢同其他人去傾訴，我再慢慢了解到佢嘅情況、了解到佢嘅處境之後，有好想保護佢、支持佢。而事情發展到呢步，我知道已經影響咗公司、影響到其他人，若然公司對我呢件事嘅任何處分，我甘願承擔，一人做事一人當，而外界對我嘅任何批評我都甘願接受。」
■潛水多日的黃子恆，前晚愁爆現身將軍澳準備開工。
■Jason與裕美去年12月賀結婚兩周年，跟友人食韓燒。互聯網圖片
「的確有錯失」
黃子恆之後又承認自己有錯：「喺整件事入面，我的確有錯失嘅地方，就係冇清楚了解佢同佢先生嘅關係清楚咗未。裕美係一個好善良嘅女仔，我唔希望他日見佢嘅時候，佢好似之前咁活喺陰霾之下，而係可以開心、愉快、安穩咁生活嘅一個女仔。」記者昨曾致電裕美，但未獲回覆。其實去年12月15日，是裕美與Jason結婚兩周年，在Jason fb見當日夫婦二人孖住曾演少年「方展博」的黃寶龍等友人食韓燒慶祝，之後有指同月20日二人起爭執，發生家暴事件。黃寶龍昨晚透過WhatsApp回覆本報：「兩個都係朋友，希望佢哋能開心生活。」採訪：魯吉
來源:
http://hk.apple.nextmedia.com/entertainment/art/20160620/19660891
裕美開工畫花仇家架車？王君馨及時阻止
1 :
GS(14)@2016-06-21 07:39:06裕美近日被指背圈外人老公林恩浩（Jason）暗交無綫藝員黃子恆，自從爆出「偷食事件」，裕美日前以唔舒服及發燒為由，臨時缺席馬鞍山場騷，一直未有公開現身，昨早為電視劇《心理追兇》喺九龍灣拍外景，終於現身喇！在場早有約三十名記者守候，裕美喺場戲得兩句對白，講佢行落嚟畫花架車，原定9點出現嘅裕美，一直留喺crew車，直至9點50分，裕美終落車蒲頭，講完婚變嘅嘢，佢就埋手拍攝，場口講佢同王君馨、楊明三人並排而行，裕美忽然見到疑似「仇家」架車想用鎖匙畫花佢，之後被王君馨阻止，拍到上午11點幾拍完，裕美先返公司休息。
來源:
http://hk.apple.nextmedia.com/entertainment/art/20160621/19662824
寄居王君馨家裕美現身 認戀黃子恆
1 :
GS(14)@2016-06-21 07:39:07■被揭背夫偷食的裕美，昨日復工時一臉憔悴，向傳媒透露自己正單方面申請離婚。
裕美近日被指背住老公林恩浩（Jason）暗交黃子恆，昨日上午她首度現身，與王君馨和楊明於九龍灣為無綫劇集《心理追兇》拍攝外景。一臉憔悴的裕美先向傳媒交代事件，因病聲沙的她說：「2014年我同Jason喺屋企發生咗啲事，細節我就唔講啦，當時我覺得有啲嘢可以包容同容忍，但之後我越嚟越驚，我亦唔知道應該點處理，我唔敢同人哋講，直到我覺得唔可以再同佢生活落去，所以我四處去姊妹屋企寄居。」之後裕美承認與黃子恆關係時說：「其實我係決定離婚，但我唔想刺激到對方。今年，我同黃子恆係開始咗段感情，我承認呢件事我係做得唔好，因為我只係同佢講咗我同Jason係分開咗，我知道我係可以處理得更加好，呢個我真係真心好抱歉。其實一段婚姻，大家都有唔啱嘅地方，亦都唔想搞到今日咁嘅地步，我唔想影響Jason嘅家人同朋友。」
拒回應家暴
問裕美所指的問題是否家暴時，她說：「呢個我唔方便回應，因為我而家申請緊單方面離婚。」可否覺得拖累了黃子恆？裕美說：「我好抱歉，我唔想影響到任何人，無論黃子恆又好，我身邊人又好，都係想同佢哋講對唔住。」問現時與黃子恆感情狀況及會否繼續發展，裕美則拒作交代，只說：「想搞掂自己呢邊先。」
■裕美受訪後向傳媒90度鞠躬致謝。
■王君馨（右）昨與裕美拍外景，裕美收工後更到其將軍澳家暫住。
向傳媒鞠躬
對於Jason表示沒有收過離婚通知，裕美強調一切已交由律師處理，而Jason也沒跟她聯絡，裕美續說：「我只係希望大家做唔成夫妻，都可以做朋友。」訪問後，裕美向傳媒90度鞠躬，然後就開工拍攝外景，至中午收工後前往將軍澳廣場王君馨家暫住。此外，裕美昨日接受《東張西望》節目訪問，說到感激母親體諒和信任時一度眼濕濕。採訪、攝影：梁繼光、朱志聰
■裕美拍攝劇集後到一工廈接受《東張西望》訪問。
■黃子恆日前表示認識裕美時，對方指已跟老公分開。資料圖片
來源:
http://hk.apple.nextmedia.com/entertainment/art/20160621/19662292
同裕美未斬纜黃子恆夜會朱晨麗「同兄弟食飯啫」
1 :
GS(14)@2016-07-09 06:36:00■朱晨麗與黃子恆十分老友，皆因二人同屬一個經理人。微博圖片
黃子恆在無綫捱了多年，近年遇上小生逃亡潮，令他有幸衝上二線。早前黃子恆卻被爆跟人妻裕美搞婚外情，有周刊更影到裕美在其寓所在露台晾bra，裕美亦承認跟黃子恆發展感情，而黃子恆表示裕美告知他已經與老公林恩浩離婚，日前他去樂易玲生日會時，卻又透露和裕美沒有再見面。裕美與黃子恆事件發展至今不足一個月又有新進展，昨日有周刊報道，指本周一影到黃子恆夜會朱晨麗，報道指當日二人先與洪永城、唐詩詠及何雁詩等人打羽毛球，之後黃子恆陪朱晨麗返住所換衫，然後再往附近酒店餐廳食飯，還刻意選一個暗角位坐，食足3小時才離開。
■黃子恆與朱晨麗日前連同洪永城、唐詩詠等人去打羽毛球，之後二人去夜會。微博圖片
■裕美與老公林恩浩（右）搞離婚，並撻着黃子恆。資料圖片
見過鬼怕黑
記者問黃子恆是否因裕美的事情不開心，找朱晨麗傾心事？黃子恆回應並沒有關係，大家只是打波後一齊吃飯，表示跟朱晨麗只是朋友兼同事。《蘋果》昨日致電黃子恆，問他是否與朱晨麗拍拖？他說：「梗係唔係喇！梗係唔係喇！」是否見過鬼都怕黑？他直言：「梗係驚喇！但我都係同兄弟食飯箒，我哋出入餐廳影到就作咁多嘢！我都唔知點，其實唔好意思，我唔係好方便回應咁多，多謝關心！」不過，據知黃子恆和裕美並未割席，只是雙方有共識先專心工作，待裕美處理家事後，再考慮會否復合，這期間不會見面。採訪：非非
來源:
http://hk.apple.nextmedia.com/entertainment/art/20160707/19684064
傳女方婚前偷食童顏張彥博同裕美婚事撻Q
1 :
GS(14)@2016-07-13 05:15:44裕美背住人夫偷食大台藝員黃子恆，事隔近一個月，女嘅話要冷靜吓，兩個男嘅亦封口潛水，偷食事件算係告一段落。前日裕美29歲正日生日，佢冇陪新歡，咁更加唔會見舊愛啦！壽星女反而約咗王君馨同楊明一班藝人，一齊食飯慶祝。講番裕美嘅情史，佢除咗同過E-kids嘅阮民安拍拖，亦試過同陳柏宇行埋。不過最經典嘅係，大台呢期熱爆嘅「廢青」張彥博(亦係前組合「赤子」成員)，原來亦同裕美有個一段情，裕美仲幾乎做咗張太㖭！喺5年前，張彥博喺教會識咗仲未做人妻嘅裕美，二人仲影埋結婚相，盛傳好事近。當時裕美喺微博貼圖寫道：「我們的結婚相。」2011年2月，兩人出席教會活動「Love is.....Concert2011」，甜蜜拍照，又大談婚事及性事。裕美當時話婚期未定，但應該唔係今年嘅事，又直言：「信主後，我啲貞潔返咗嚟，雖然之前已經冇咗！」至於張彥博都甜絲絲謂：「追咗佢(裕美)好耐，05年首次見面，佢對我一直都忽冷忽熱。」點知婚照曝光冇耐，裕美就俾人撞破同鼓手鄧應祈喺車廂激咀，有指當時裕美仲同記者求繞，不過一腳踏兩船事件，令佢同張彥博嘅婚事撻Q，而激嘴男就扶正變做男友，佢哋拍拖兩年分手。裕美接二連三同「偷食」扯上關係，張彥博作為第一代受害男，今日佢就喺電話回覆傳媒話：「其實到o依家都有同裕美send message聯絡，我都有叫佢諗嘢正面啲！」問到佢係咪差啲同裕美結婚，張彥博就有啲隱晦咁話：「總之我哋係friend底！」至於嗰張「婚紗相」，張彥博解釋：「嗰次同裕美着婚紗禮服，係幫祖藍首歌《祢永遠不會改變》拍mv。」
來源:
http://hk.apple.nextmedia.com/entertainment/art/20160713/19692329
張彥博自爆與裕美戀情內幕
1 :
GS(14)@2016-08-03 02:19:032016-07-20 HJ
無綫新劇《一屋老友記》收視、口碑同樣咁標青，令到劇中演員人氣急升，當中演「細寶」嘅張彥博，呢排都人憑劇貴，忽然冒起終於有人識。
其實，佢早喺〇五年以赤子樂隊身份出道，今年已經三十五歲，不過佢仍然keep住一臉童顏，成塊「小鮮肉」咁，真係完全睇唔出佢嘅真實年紀。而且，佢就連心態都好young㗎，睇番佢喺社交網嘅相，見佢成日扮萌、瞇眼、嘟嘴玩自拍，真童星都唔及佢咁kawaii呢！
佢喺呢個圈浮沉咁多年，識彈琴、打鼓、彈結他兼唱得，多才多藝，但就苦無發揮嘅機會，之前成日匿埋喺屋企唱好多cover，最近趁住「細寶」個勢，仲喺尖沙咀街頭，搞咗個快閃表演，算係小小哋滿足咗佢嘅歌星夢。
東姑見到佢，就順便問埋佢當年同裕美拍拖嘅陳年舊聞，嗰時仲傳出，裕美偷食另一音樂人鄧應祈添。張彥博解釋話，從來冇同裕美拍過拖，只因兩個人嗰時做婚紗代言人先影婚照，後嚟又喺MV客串做兩公婆；同埋因為將自拍照放上網，所以先會惹來誤會。而且，佢仲喺東姑面前，暱稱裕美做MayMay維護佢話：「我同MayMay好好感情，當正佢妹妹咁，因為大家同期出道，仲返同一個教會。嗰時傳三角關係，大家誤解咗，其實我同應祈都一樣係好兄弟。」終於真相大白喇！
裕美仍冧黃子恆
1 :
GS(14)@2017-02-06 07:28:06裕美前晚現身觀塘apm，力撐台灣導演魏德聖率眾演員出席的新片《52Hz, I love you》首映禮。裕美自言雖經歷過婚姻失敗，但對愛情依然充滿憧憬，所以鍾情看愛情片。她又指離婚手續已辦妥：「?家冇拍拖，好enjoy自己一個人。」問到和前度黃子恆有否復合機會？裕美說：「要好好裝備吓自己先，大家要有共同目標方向。我覺得如果係真愛點都走唔甩，今日唔知聽日事。」她坦言對黃子恆有好感，但暫時沒復合機會，更指之前雙方曾因信仰衝突。魏德聖則表示今次執導難度是要在拍攝前憑空想像製作音樂。採訪：羅慧敏攝影：仇志德
來源:
http://hk.apple.nextmedia.com/entertainment/art/20170206/19918996
《乘勝》癡男曾戀人妻裕美見光即斬纜
1 :
GS(14)@2017-02-26 13:24:08黃子恆喺大台劇《乘勝狙擊》演「癡情男」周兆良，演技唔差，夠出位，成功再入屋，算係洗底，話晒上年佢同裕美被爆婚外情，形象插水，佢同裕美都要拍片交代成件事。裕美同圈外人老公林恩浩(Jason)喺2013年底閃婚，上年爆出裕美疑背夫偷食，暗交無綫藝人黃子恆，二人唔只拍拖行街市，裕美仲去男方家過夜，又流出疑似裕美同黃子恆嘅WeChat情慾對話截圖曝光，一時又傳出裕美曾遭家暴，不過裕美接受訪問，否認離婚跟第三者有關，亦完全冇提及黃子恆。而黃子恆喺IG上載短片剖白，稱大半年前喺公司度認識裕美，識佢之後，從佢口中得知佢同老公分開咗，喺朋友嗰度住，而當中嘅原因係牽涉一啲家暴問題，但當時佢唔敢同其他人去傾訴，我再慢慢瞭解到佢嘅情況、瞭解到佢嘅處境之後，有好想保護佢及支持佢。後來這段情因見光而死，同時將對方「降呢」做朋友，裕美更話離婚件事搞掂晒，暫時未拍拖，好enjoy一個，對於佢同黃子恆嘅戀情因輿論壓力分手，裕美坦言如果係真愛點都走唔甩。而黃子恆被問感情事，佢亦話個腦一片空白，想放假休息下。
來源:
http://hk.apple.nextmedia.com/entertainment/art/20170226/19940240
Next Page