ZKIZ Archives


【《蘋果》專訪】全裸成名 轉戰內地藍燕密密賺:好彩拍咗《肉蒲團》

1 : GS(14)@2017-02-11 18:58:02

■藍燕無悔拍過三級片《肉蒲團》,認為一脫成名令她人生改變。



現年26歲的D奶內地演員藍燕,11年被選中演出蕭定一投資的電影《3D肉蒲團之極樂寶鑑》做女主角,一脫成名,並挾「3D女神」之名在內地不停拍戲,自爆六年間升呢成千萬富婆,在北京和上海狂掃豪宅,稍後更打算來港置業。


自爆有富二代追

藍燕日前在金鐘接受本報專訪,不忘炫富,她坦言接拍三級片是人生轉捩點,不但無後悔,更沾沾自喜。藍燕說:「好彩拍咗《肉蒲團》,內地知名度高咗好多倍,每部片酬最少100萬,商演登台都係咁接。」如果蕭定一再開拍新版《肉蒲團》,她想再演:「咁要拍4D喇,要拍VR(Virtual Reality即虛擬技術),我可以一齊投資。」採訪:楊定攝影:陳俊強場地提供:L16


■藍燕在《肉蒲團》中有濕身演出。

■在內地知名度大增的藍燕拍《隋唐英雄》,密密搵銀。劇照



來源: http://hk.apple.nextmedia.com/entertainment/art/20170211/19924627
PermaLink: https://articles.zkiz.com/?id=326379

富二代富三代爭住追 藍燕唔願結婚怕倒貼

1 : GS(14)@2017-02-11 18:58:07

■藍燕不時在網上貼出駕駛波子出遊的照片。



事業得意的藍燕不乏追求者,去年中才跟老外男友甩拖,自爆年底即獲10億內地富二代帶着逾百萬禮金求婚,可是她不為所動而拒絕:「呢啲人可以破產,萬一我同佢結婚,老公借錢後走佬,我要負債,我幾千萬身家都貼埋畀佢。」藍燕擇偶鍾情巨胸男,也要男方極度遷就:「我強勢,要主導,我一定要做女王。」



■藍燕去年中跟老外男友分手,但仍不乏追求者。

「要生就搵代母」

藍燕更指即使結婚也不生仔:「畀好多錢都唔生,對方畀你好多錢,都只係暫時好多錢,佢將來破產點算?要生就搵代母,我怕生後身材走樣,又驚痛。」並考慮過幾年冷藏卵子。出道時,藍燕曾簽約英皇老闆楊受成,不過她的桃色新聞較受注目。她早年向周刊爆料指曾與導演唐季禮拍拖兼發生性關係,她稱當晚在男方上海的別墅內,沒避孕下一晚發生三次性行為。藍燕事後公開向唐季禮帶來困擾鞠躬致歉,唐季禮則發聲明指事件嚴重損害聲譽,交律師處理。




來源: http://hk.apple.nextmedia.com/entertainment/art/20170211/19925118
PermaLink: https://articles.zkiz.com/?id=326392

數住上鏡次數《肉蒲團》藍燕自稱獲康城「高度認可」

1 : GS(14)@2017-05-28 10:38:17

喺康城影展入面,紅地毯嘅女星絕對係睇頭之一,因為多靚女嘛,但係要有咩資格先可以行紅地毯呢?好似曾經拍過《3D肉蒲團之極樂寶鑑》嘅藍燕咁,佢都有喺康城嘅紅地毯上面出現。藍燕喺紅地毯上面出現,相信佢真係好開心,因為喺藍燕工作室嘅微博上面,佢就打咗一大段嘢去形容自己行紅地毯:「抹殺全場兩邊海外媒體的菲林,還以全程5分鐘時長未受保安阻攔走完紅毯,#3D女神藍燕#驚豔的女俠造型也贏得了#戛納電影節#戛納電影節開幕式組委會官方大螢幕的3次正面特寫和5次中景跟拍,官方給予高度認可。」先唔講點解藍燕打「#」要好似「開閂引號」,咁前後打;睇到段文嘅中段,仲以為佢係贏咗某啲獎,但原來只係3個正面大頭同5個中景跟拍,藍燕呢種咁樂觀嘅精神,完全係值得尊敬,同平時啲藝人話入圍當贏咗係一樣,唯一唔同就係佢行咗當贏。網上曾傳出康城影展有入場券賣嘅消息,好似話入場行個紅地毯嘅價錢,就要9千歐羅(約78,000港元),不過康城就講到明呢啲飛係犯法,如果捉到,一定追究到底。另一個重點就係,藍燕話自己行咗5分鐘,都未受到保安阻攔,但大家唔好誤會藍燕會係買呢啲飛,所以先怕被人捉,其實因為好多星都會喺紅地毯行到唔捨得走,所以會有保安出手阻攔,而藍燕應該係講緊呢樣嘢。




來源: http://hk.apple.nextmedia.com/entertainment/art/20170528/20036520
PermaLink: https://articles.zkiz.com/?id=334332

Next Page

ZKIZ Archives @ 2019