ZKIZ Archives


薛凱琪為祖名復出打氣

1 : GS(14)@2015-06-10 09:00:06

張晉有份拍攝的電影《殺破狼II》前晚在九龍灣舉行首映,他因身在上海拍戲缺席,由任達華、薛凱琪(Fiona)、Tony Jaa等現身首映。Fiona被問到舊愛房祖名傳獲內地解封,她說:「如果係真想恭喜佢,佢係一個好勤力嘅人,話晒我都係佢半個fans,佢做戲同唱歌都好好。」
Fiona承認有跟祖名保持聯絡,問有否鼓勵對方?她說:「佢係好識諗嘅男仔。」祖名復出會否想合作?Fiona說:「都唔使我出聲,好多人都想,完全唔抗拒,好耐之前佢同我講話想拍笑片,話自己好好笑,但我就覺得自己好笑過佢。」此外,曾國祥拖女友王敏奕到場,問是否公開示愛?曾國祥說:「係呀,佢知㗎啦。」問王敏奕是否交個心給男友?她面都紅晒說:「我冇佢咁識表達。」採訪:黃曉妍攝影:陳慧安



■Tony Jaa被問到成龍和李連杰誰最好打,他指二人都有自己風格,很難比較。

■曾國祥大方拖女友王敏奕睇首映,女方更怕醜到面紅。



來源: http://hk.apple.nextmedia.com/entertainment/art/20150610/19178486
PermaLink: https://articles.zkiz.com/?id=290754

薛凱琪上海撞車嚇到尖叫

1 : GS(14)@2015-06-15 01:25:37

■薛凱琪(小圖)的保母車昨在上海機場與另一部車相撞。互聯網圖片


薛凱琪(Fiona)昨日在上海出席其代言產品記者會及接受訪問後,便立即飛返香港,但她乘的保母車到上海機場時卻發生交通意外,據知撞擊力甚大,Fiona在車上一度尖叫,幸無損傷,因她趕乘飛機,事件交由司機處理。
Fiona事後接受電話訪問報平安,她淡定說:「多謝大家關心,唔使擔心我。頭先喺上海去到機場嗰時,我哋架車撞咗另一架車,兩架車都凹晒。我當時喺車上面尖叫,因為好驚。我同助手都冇受傷,件事有祈禱,多謝神保護我。」採訪:王連連





來源: http://hk.apple.nextmedia.com/entertainment/art/20150613/19182282
PermaLink: https://articles.zkiz.com/?id=290963

薛凱琪加印EP送唇印

1 : GS(14)@2016-05-26 17:39:40

薛凱琪(Fiona)昨日在灣仔dbc數碼電台宣傳新歌《MISS FIONA》,她特意穿上印有新歌名的衣服現身,Fiona說:「大家留意我微博,到時玩遊戲就有機會得到呢件衞衣,不過最大獎品係一盞有人咁高嘅『F』燈,盞燈同我一齊出過騷。」她表示新歌一出,引起不少迴響,現加印多100隻單曲碟:「其中有啲碟入面有我嘅唇印,真係睇你好唔好彩喇!」
Fiona早前穿上性感泳衣拍攝歌曲MV,問到開騷時會否同樣性感?她說:「泳衣外面加件男裝外套性感、定係南灣啲人性感啲?可能大家未見過我性感,其實做騷好容易走光,又或者我着番MV入面另一個洗碗裝。」採訪、攝影:黃曉妍





來源: http://hk.apple.nextmedia.com/entertainment/art/20160526/19627279
PermaLink: https://articles.zkiz.com/?id=301503

薛凱琪趕出新歌錄到喊

1 : GS(14)@2016-08-13 14:59:45

薛凱琪(Fiona)前日35歲生日,為趕及生日當天推出新歌《十年後的我》,在越南拍電影後,即趕回港通宵錄音。她說:「十年前Wyman送咗《給十年後的我》呢隻歌畀我,因歌詞太到肉,當日邊錄邊喊,冇諗過十年後有呼應版。」回港後她獲唱片公司舉行生日飯局,母親、公司兩大高層黃柏高(Paco)與Alex都有現身,Paco更開金口唱《Imagine》賀壽。撰文:小米




來源: http://hk.apple.nextmedia.com/entertainment/art/20160813/19734036
PermaLink: https://articles.zkiz.com/?id=305685

Juno自殘孖薛凱琪拍MV

1 : GS(14)@2016-09-04 18:03:42

■Juno和Fiona以驚慄造型拍MV。



麥浚龍(Juno)、薛凱琪(Fiona)前晚在清水灣為合唱歌《結》拍攝MV,兼任導演的Juno,豪花6位數字製作費,為Fiona設計一個紅白女鬼驚慄造型,Fiona說:「我好鍾意,因為視覺上畀到好多刺激,可能大家唔認得我係邊個,拍時會盡量唔照鏡,因為平日睇完恐怖片都會發噩夢。」
Juno透露拍攝期間遇上很多意外:「有個巨型漏斗,啲沙淋落嚟,刮損晒我條頸,最痛苦係啲沙入眼,同自殘冇乜分別。」採訪:盧妹攝影:仇志德




來源: http://hk.apple.nextmedia.com/entertainment/art/20160904/19759167
PermaLink: https://articles.zkiz.com/?id=307457

【馮仁昭四圍超】薛凱琪呻成人唔好玩

1 : GS(14)@2016-09-09 05:09:16

十年前喺薛凱琪生日,黃偉文送咗首《給十年後的我》,今年又送咗首歌《十年後的我》做禮物。噚日薛凱琪喺商台宣傳話唱親《十》都喊:「呢首歌係話畀大家知我做咗10年大人,但唔好玩,唔太鍾意,所以今年立志做番個有智慧嘅小朋友。」薛凱琪又話用十年嚟搵快樂,佢話打坐學識唔好影響人影響環境,學識自強。撰文:馮仁昭




來源: http://hk.apple.nextmedia.com/entertainment/art/20160908/19763628
PermaLink: https://articles.zkiz.com/?id=308217

薛凱琪聽哥哥聲落淚

1 : GS(14)@2016-09-11 05:50:33

薛凱琪(Fiona)昨日於尖沙嘴出席「張國榮60周年誕生祭」,身為張國榮(哥哥)超級粉絲的她說:「我一世人得一個偶像,睇佢演唱會十次都唔厭,所有CD都有,我記得《紅》嗰隻CD係要同屋企人搶,所以要買三隻,爸爸、媽媽同自己各自聽。」更透露每次開騷也會選唱一首哥哥的歌曲,她說:「之前睇莫文蔚演唱會,有段係播咗哥哥把聲,我聽到喊。」
Fiona入行那一年碰巧哥哥離世,當年只在澳門演唱會見過面,又指買了哥哥的新碟,會在家跟哥哥合唱。採訪:羅慧敏攝影:仇志德




來源: http://hk.apple.nextmedia.com/entertainment/art/20160911/19766861
PermaLink: https://articles.zkiz.com/?id=308624

薛凱琪可惜緣份錯配

1 : GS(14)@2016-09-17 17:52:58

薛凱琪(Fiona左)今年生日收到黃偉文(Wyman)替其新歌《十年後的我》填上貼心歌詞,令她驚喜。日前她接受《有線娛樂新聞》訪問,談到過去10年從未認過戀情,更被封「黃金盛女」,她笑言:「黃金係好嘢,又矜貴又保值!」她又說:「過去戀情未能修成正果係緣份錯配,可能互相揀錯咗,即使好努力,都唔可以走到想要嘅結局。」




來源: http://hk.apple.nextmedia.com/entertainment/art/20160917/19772792
PermaLink: https://articles.zkiz.com/?id=309477

麥浚龍邀薛凱琪齊矯視

1 : GS(14)@2016-10-22 22:28:57

麥浚龍(Juno)早前邀得薛凱琪(Fiona)合唱新歌《結》,前晚二人現身九龍灣MV首播發佈會,現場有近百粉絲陪同欣賞。Fiona表示拍攝時要被沙和液體從高處淋活埋,之前雙眼發炎近一年,拍攝後發炎情況更嚴重,Juno竟然提議一齊接受矯視手術,Fiona笑說:「一齊去?你估去唱K咩?」Fiona有否想過向Juno報工傷,她說:「聽聞矯視都唔平。」
Juno和Fiona新歌《結》MV內含大量血色液體鏡頭,Juno表示若要在商場播放就要再審批,至於電視台,Juno說:「若果電視台未能足本播放,會選擇唔播,因為MV本身冇任何多餘鏡頭可以刪剪。」採訪:馬建華攝影:仇志德




來源: http://hk.apple.nextmedia.com/entertainment/art/20161022/19808352
PermaLink: https://articles.zkiz.com/?id=313166

做ViuTV美選決賽嘉賓薛凱琪甜講馬主 鋪後路

1 : GS(14)@2016-12-18 11:04:29

薛凱琪(Fiona)、方力申及郭偉亮等昨日在將軍澳邵氏片廠為ViuTV今晚舉行的《美選D.n.A決賽》舉行拜神儀式,Fiona會為節目做表演嘉賓。對日前被爆出與隱形富二代兼馬主鄧浩基(Byron)暗撻3年,她笑笑口否認秘戀:「唔係拍拖,嗰位係我好朋友,朋友俾人查晒家宅,講我冇所謂,影響到朋友最煩。」



■ViuTV《美選D.n.A決賽》今晚舉行,當中「巨胸翠如」鄧月平(左三)被捧為大熱。

「要睇長遠啲」

Fiona被影到與Byron前後腳入場睇戲,不過她否認與對方發展中,更留定後路表示:「日後影到我同呢位男士出街唔使奇,我大部份玩樂朋友都唔係圈中人,佢係我中學時期一班朋友,之前俾人話佢請我同媽咪去芬蘭旅行,全部錢係自己畀。」問到對方條件好,有否機會發展?Fiona笑說:「冇人會知道,交畀主啦,人生大事要慢慢睇,唔係18歲,由細到大好多影響,揀男朋友偏向恐懼症,要睇長遠啲。」而八位參選佳麗昨日收起性感只露腰,大熱F級「巨胸翠如」鄧月平表示冇信心入三甲,但睇好陳意嵐。採訪:卓寶花攝影:沈健程




來源: http://hk.apple.nextmedia.com/entertainment/art/20161218/19868930
PermaLink: https://articles.zkiz.com/?id=319498

Next Page

ZKIZ Archives @ 2019