蕭敬騰全身癱軟急送院無緣校慶演出
1 :
GS(14)@2016-12-11 14:12:49台灣金曲歌王蕭敬騰（老蕭）昨晚本來為台灣一間中學進行校慶演出，不過前晚突然取消採訪活動，令唔少人都覺得好驚訝，同時仲傳老蕭全身癱軟發冷，連企都無力，搞到唔少fans為佢擔心。據台灣《蘋果》向老蕭經紀人Summer了解，佢話可能因為大前日老蕭拍咗場淋雨戲，加上近日工作太攰，抵抗力又唔好，搞到身體唔舒服，所以事後即刻送老蕭去醫院，經過醫生診治後，證實佢係患上「A型流感」，0依家老蕭除咗要食藥之外，仲要多喝水、休息，最少要兩個禮拜先完全康復。
Summer仲話老蕭為咗呢件事都好唔開心，佢仲唔想令fans失望，堅持中午按照原定計劃去綵排，但係佢哋覺得要睇吓佢到時情況先決定，為咗唔傳媒朋友到時白跑一趟，所以決定取消安排。經過一段時間觀察，原本一直希望繼續演出嘅老蕭，因為目前仍在發燒，所以經理人發聲明宣佈取消演出，仲話為今次造成不便深感抱歉，感謝各方嘅體諒同包涵！
來源:
http://hk.apple.nextmedia.com/entertainment/art/20161211/19861926