📖 ZKIZ Archives

莊偉茵入選全球 100 左丁山

2011-10-18  AD

留意公關人與事，關注國際大勢嘅，會留意一個網頁 Influence100.com，呢日有一位公關界老友通知，國泰莊偉茵獲選為一百名最重要之「環球公司內部傳訊主管」之一。咁緊要，咪要恭喜阿 Quince！自己上網睇吓，果然搵到 The 100 Most Important In-house Communicators in the World名單內有國泰航空 Quince Chong之名，介紹佢：「一九九八年為企業傳訊經理，處理過機師與空中小姐工業行動、二○○○年升任為機艙服務總經理、二○○四年再升任為服務營運總 監、二○○八年出任企業事務總監」。呢一百位環球最重要嘅傳訊人物之中，有五成來自美國，約十二位來自英國，其他來自澳洲、巴西、中國、印度、馬來西亞、 俄羅斯、南非與若干西歐國家。粗看之下，美國大公司有 Intel、 Merck等等等內部企業傳訊主管入選，莊偉茵以香港公司（國泰）嘅香港女士身份入選，一班老友梗係戥佢高興啦！
不過莊偉茵好謙噃，來電郵話： 「事先完全不知情，係外國朋友祝賀我之時，先至知道自己僅僅名列全球 100名最重要傳訊人物，幾乎嚇親。但我一定要講，國泰企業文化講求謙遜，唔會大事宣揚，況且國泰同事特別係企業傳訊部同事一向努力工作，注重團隊成就， 所以我之入選唔係我個人榮耀，而係香港人與國泰嘅榮耀。」
點講都好，都係巴閉嘅嘞，莊偉茵係中大聯合書院畢業生，主修政政系，畢業後做酒店公關、 旅協公關，後加入國泰航空至今。中大盛產公關名人，恒生助理總經理張樹槐（新亞）就當選過香港最佳企業公關；上次為曾蔭權競選特首嘅公關係黃麗君與游淑儀 （新亞），與之力拼嘅梁家傑有公關代表陳慧兒（新亞），今次特首疑似候選人唐英年嘅公關係鄭麗敏、陳鍾坤（新亞），擺開陣式，各中大校友有排對撼。上述咁 多位，皆係記者出身，可見新聞界係培養公關人員嘅工場。某次左丁山到大學演講，一位新聞系學生問：「我想做公關，如何入行？」左丁山不假思索，叫佢做記者 捱一輪先！

PermaLink: https://articles.zkiz.com/?id=28510

一場誤會 莊偉茵

1 : GS(14)@2012-10-03 23:35:06

http://www.skypost.com.hk/column ... 007010001019/%E4%B8
聚會閒談、一個無心的比喻，竟成了新聞焦點，被視為玩弄數字遊戲，實屬誤會一場。
討論的是關於一個天然氣田的壽命，消耗了十多年，剩餘的氣還可供多長時間使用，很難準確預測。該氣田就似是一個氣若游絲、風燭殘年的老人，在近於乾竭的情況下，可用的天然氣真的所餘無幾。再者，二十年前簽訂的氣價保障價格不直接受市場價格浮動影響，所以過去十多年的電價得以保持平穩。
但這個優勢將隨氣田耗盡而消失，屆時須以市場燃料價定價購入新氣取代舊氣，成本大幅上升是無可避免的。要減低加幅，其中包括儘量延長現存氣田的供氣時間和採購乾淨燃煤發電，以拖延採用成本較高昂的替代氣源，但成效是受到多個外在因素影響，實難確定可拖延的年期。
當然，電費是大眾關心的事，那怕所繳付的費用只佔家庭日常開支不足百分之二，但民生無小事，所以在處理電費調整的問題上，要小心謹慎！
（本欄逢週三刊出）
PermaLink: https://articles.zkiz.com/?id=281665

一田CEO莊偉忠辭職強調非被請走　無意從政

1 : GS(14)@2016-03-06 02:18:32

■一田行政總裁莊偉忠



【本報訊】一田百貨「總舵手」、形象鮮明的行政總裁莊偉忠，昨證實辭職，5月初離任。莊偉忠接受本報電話訪問強調，離職想法已醞釀長時間，並非「被請走」，「你見我談笑風生，似唔似畀人逼走」。他相信一田可保持現有風格發展，個人而言無意從政。記者：鄭柏齡


莊偉忠表示，在一田工作超過八年，與同事感情深厚，離職決定非短時間作出，「響facebook講咗無數次唔撈，一路追求安排（離開），終於有呢一日」；他特意提到太太，獲其指示「可以退休，但唔可以唔做嘢」，故離開一田後會思考下一步，「將來用另一種形式貢獻社會，又可維持穩定收入」。



新地極力挽留不果

一田公司市務部總經理謝素嫻透露，莊偉忠月前遞交辭職信後，母公司新地（016）曾極力挽留，但不果。現時，集團正物色行政總裁繼任人選，其中，新地非地產業務組合部策劃及營運總監黃思麗，獲調任一田百貨副行政總裁，暫管日常營運。前日如常出席傳媒飯局的莊偉忠，席間表示有意在2017年，一口氣在港九新界各開三間分店，惟一日後即宣佈辭職，令人感到愕然。莊偉忠指，一田擴充計劃不變，但三間分店具體發展仍需時籌備；有網民擔心他「被辭職」，揚言罷買，莊偉忠希望網民只是意氣用事，「前線同事專業投入，服務一流」，又指一田已建立獨特風格，不會輕易改變。2007年底獲新地主席郭炳聯邀請，擔任一田前身西田百貨常務董事的莊偉忠，上任逾八年，帶領一田規模由一間增至七間；公司主攻本地客人，雖然零售市道自前年回落，但生意往往「跑贏大市」。去年全港零售總額跌3.7%，一田逆市增長8.7%；今年首兩個月業界一片愁雲慘霧之際，一田收入仍增長半成。





高興改變商家形象

不少網民對莊偉忠離任感到可惜，紛紛在其個人facebook專頁上留言，部份呼籲其從政。但莊偉忠強調去意已決，感謝同事及網民信任，他坦言上任前「冇諗過做到咁嘅成績」，更高興是「改變咗香港人對銅臭味十足商家人形象，原來商人都可以講政治，講社會事件」。不過，他表示自己無意從政，辭職後會花更多時間陪伴家人。向來敢言的莊偉忠，經常與本港商業社會「主旋律」唱反調，於facebook專頁上獲得近四萬名網民追隨。早於1998年，他與友人創辦安信信貸，其後以近10億元賣盤予渣打銀行（2888）。





來源: http://hk.apple.nextmedia.com/financeestate/art/20160305/19517242
PermaLink: https://articles.zkiz.com/?id=296869

莊偉忠錢全數交老婆

1 : GS(14)@2016-08-05 08:07:10

【明報專訊】莊偉忠噚日第一次以康宏金融集團行政總裁身分會見傳媒，唔少人對佢「退休」唔夠3個月就出山非常驚訝，亦有人對佢加盟康宏表示失望。莊生就話，加盟康宏有挑戰又好玩，人哋失唔失望唔關自己事！

出名係「愛妻號」嘅莊偉忠話，太太知道佢重出江湖後，唯一一句說話就係：「以後邊個同我食早餐？」搞到佢不知幾心悒。今次打呢份工，佢冇特別set目標或時間表畀自己，太太就落咗柯打畀兩年時間佢，不過話口未完，莊生急急補番句，「兩年又好似短咗啲」，免得外界以為佢喺康宏玩兩年就走。

而家莊生統領咁多理財顧問，小琴梗係想知佢有咩個人投資心得啦，點知莊生話佢打工以嚟所有錢都交晒畀基金經理，呢位大掌櫃就係佢老婆喇！莊生而家重回打工仔生活，但都不忘隔空冧老婆，真係聽到小琴打晒冷震！

email: [email protected]

[小琴密語]


來源: http://www.mpfinance.com/fin/dai ... 6892&issue=20160804
PermaLink: https://articles.zkiz.com/?id=304342

【財經八一八】莊偉忠重出江湖

1 : GS(14)@2016-08-07 02:34:38

https://hk.finance.yahoo.com/new ... 9%96-074711136.html

將一田搞得有聲有色，由一間百貨變成三間百貨加四間超市的莊偉忠，憑着「不開會」的管理策略一舉成名。莊偉忠早前突然宣布掛靴，辭任一田ＣＥＯ，提早退休陪老婆，可謂震驚市場。不過，他就如漆黑中的螢火蟲一樣，即使話要退休，亦仍然成為搶手貨。

休息了僅僅三個月，莊偉忠終於忍不住要重出江湖，宣布擔任康宏金融（01019）行政總裁。康宏內部每個季度都會舉行大型內部會議，週一於九展開會，超過一千名員工出席。聽到莊偉忠任新ＣＥＯ這個好消息，員工反應非常熱烈，開心程度猶如見到韓星在台上表演一樣，康宏股價亦因此單日彈升百分之四。莊偉忠暫時未為公司定下新目標，至於未來是否不用再開會，就要拭目以待。

莊偉忠本身亦是出身金融界，早年曾在大通銀行任職，其後與朋友創辦財務公司安信兄弟，再高價售予渣打，成為一時佳話。

其實，康宏金融主席王利民本身亦是不愛按常規辦事之人，相信與莊偉忠將會非常合拍。王利民經常與員工打成一片，去撒哈拉沙漠、北極同南極跑馬拉松，都會拉埋員工一齊做，又會同員工一齊睇世界盃，絕無架子。又多一個開明老闆，康宏員工實在非常幸福。
PermaLink: https://articles.zkiz.com/?id=304735

莊偉忠唔開會　仲叫員工仔女一齊返工

1 : GS(14)@2016-08-16 06:24:21

莊偉忠搞Marketing係有一手嘅…莊偉忠加入康宏（1019）做CEO冇幾耐後，康宏就第一次搞「Bring Your Kids to Work Day」活動，上星期五就准員工帶埋仔女返公司，而康宏更為小朋友準備印有相同名嘅員工證，係幾識Do嘅…至於莊偉忠，當然亦有出現，同小朋友們影相，仲表演埋魔術…，好似好Friend咁。




來源: http://hk.apple.nextmedia.com/financeestate/art/20160816/19738322
PermaLink: https://articles.zkiz.com/?id=306040

莊偉忠因病抖1個月

1 : GS(14)@2016-09-15 08:08:10

【明報專訊】健康真係無價寶，好似「不開會的CEO」莊偉忠（圖）咁，加入康宏金融無幾耐就因病要抖抖，公司噚日發出內部通知，話因為心臟病發要停工超過1個月。小琴聽講，莊偉忠今次病得唔輕，而家說話都有困難，可以話係「有口難言」。

心臟病發 說話有困難

莊偉忠噚日向全體員工發出內部通知，透露自己早前患有突發心臟病，因而停工超過1個月。佢仲特登喺個人facebook報平安，稱：「中秋節快樂……大家唔使驚，我大步檻過，從鬼門關走番上陽間，令大人（即係莊夫人）擔心，我驚驚。」

小琴聽聞，莊偉忠係喺8月25日左右病發，當時佢發現自己說話有困難，要入院接受治療，同時暫停一切工作。當時佢發現身體出現問題，情緒都有小小影響，皆因佢自覺平日都生活習慣好健康。不過好彩，佢而家精神同思路都好清晰，雖則工作要交給其他同事，同埋同家人溝通只能夠靠用筆寫字。經過治療後，而家康復進度算唔錯。

email: [email protected]

[小琴密語]


來源: http://www.mpfinance.com/fin/dai ... 1106&issue=20160915
PermaLink: https://articles.zkiz.com/?id=309112

莊偉忠暗示辭康宏行政總裁

1 : GS(14)@2018-01-15 02:26:00

【明報專訊】康宏金融行政總裁莊偉忠突然傳出辭任消息。他屢次在facebook提到自己加入康宏是為還債，還提到自己已差不多還完；昨日他的面書也寫上「道不同不相為謀，德不孤必有鄰」十三個大字作結，清晰表明與康宏情緣已盡。

2016年加盟 非康宏董事

莊偉忠剛加入康宏即心臟病發，休息了一個月時間。去年底康宏金融母公司康宏環球（1019）多名董事，包括前主席王利民被廉署拘捕。由於股權問題，市場預期台資單一大股東富邦會重整管理層，故莊偉忠決定現時分手最合適。莊偉忠雖是康宏行政總裁，但他不是康宏董事。

富邦重整管理層 市場料分手良機

莊偉忠2007年加入一田百貨，到2016年5月離任，其後加入了康宏。


來源: http://www.mpfinance.com/fin/dai ... 0577&issue=20180111
PermaLink: https://articles.zkiz.com/?id=346640
Next Page
ZKIZ Archives @ 2019