ZKIZ Archives

草蜢MV盡碌友情卡

1 : GS(14)@2016-03-11 13:31:21

男子組合草蜢相隔10年再度推出全新國語大碟，為隆重其事，主打歌《完美》的MV，盡碌友情卡，找來影后林嘉欣、鄭伊健客串，後生一輩的就有蘇麗珊跟王大陸演出。想不到身為師奶殺手的王大陸亦有偶像，拍攝當日原本他的部份已經完成，但因為想跟人妻林嘉欣見面，刻意留低等嘉欣到場合照。到一班人熟絡後，王大陸開始發揮「殺手」本色，先是向嘉欣說：「如果你還沒結婚……」令她開心不已。之後大陸又讚蘇麗珊漂亮，不時貼頭玩自拍。蔡一智說：「而今日拍MV嘅呢首《完美》就由我作曲，能夠請到咁多特別嘉賓一齊拍MV，真係好完美！」撰文：李森





來源: http://hk.apple.nextmedia.com/entertainment/art/20160311/19524485

---

草蜢帶6箱衫拍MV

1 : GS(14)@2016-08-04 04:06:24

草蜢最近為拍攝新歌《大作》MV，化身萬能俠，無論造型、攞吹風機、打燈、扮路人、送外賣，甚至倒垃圾都一腳踢。三子不停在鏡頭前擺出chok甫士，蔡一傑又幫手拿吹風機，好讓蔡一智有長髮飛揚的感覺，而一智就幫忙打燈，三人互幫對方獨唱時扮路人，最後蘇志威送上外賣加倒垃圾。出名貪靚的草蜢，今次準備了六箱衣服和數十對鞋，一智還額外多帶一箱帽和手套。蘇志威趁兩位拍檔埋位時，偷偷走入休息室拍下他們的罪證，他笑說：「蔡一傑兩箱加一大袋衫同鞋，仲有好多名貴飾物，再睇蔡一智，好似帶咗成個衣櫃嚟咁，幾乎要call架貨車嚟。」撰文：陳以晴





來源: http://hk.apple.nextmedia.com/entertainment/art/20160803/19720050

---

【馮仁昭四圍超】草蜢大馬騷觀眾唔肯走

1 : GS(14)@2016-10-18 08:15:35

草蜢日前喺大馬舉行演唱會，今次啲衫係由蔡一智設計，仲玩到上頭，做咗幾個假髮，由頭到腳不停換裝。粉絲送花時，草蜢即刻表演撲花，傑仔笑話：「好似收結婚花球咁，代表我今年感情有着落。」草蜢唱到完騷，啲觀眾都唔肯走，佢哋都順應民意再唱多兩首歌，但唱完粉絲一樣唔走，已經換晒便服嘅蘇志威惟有行出台向粉絲揮手鞠躬講拜拜。撰文：馮仁昭




來源: http://hk.apple.nextmedia.com/entertainment/art/20161018/19804101

---

草蜢開騷當去遊樂場

1 : GS(14)@2016-10-30 14:36:00

草蜢前晚在九龍城為「拉闊音樂會」做綵排，他們會有新編排歌舞，但因時間緊迫，三子笑言簡直是廢寢忘餐。草蜢透露會請多位歌手、樂隊擔任嘉賓：「其中一個女嘉賓，曾經一齊燒過嘢食，睇住佢大，但未合作過，另外有五隊組合，全部都係碌人情卡，當係同後輩聚首一堂，冇壓力，大家都係一齊玩，好似去遊樂場咁。」綵排期間有工作人員將十張音樂會門票交給草蜢，蔡一傑卻一手搶過想據為己有，笑說：「我唔會分畀阿細（蘇志威）同蔡一智。」此外，提到關淑怡日前墮海，蔡一智指沒跟對方聯絡，因剛於雲頂完成工作返港就緊接做綵排。採訪、攝影：卓寶花




來源: http://hk.apple.nextmedia.com/entertainment/art/20161030/19816538

---

草蜢真弦樂迸火花

1 : GS(14)@2016-11-12 05:55:05

草蜢日前在荔枝角綵排明天在沙田新城市廣場舉行的「Music In Town」音樂會，草蜢將首度與香港城巿室樂團合作，蔡一傑說：「第一次同管弦樂團合作，好有化學作用，好玩，不久將來要整個大型演出。今次全部都用真弦樂，好滿足我哋做音樂嘅慾望。」蘇志威笑言在商場演出沒有難度，近距離接觸反而更熱鬧。




來源: http://hk.apple.nextmedia.com/entertainment/art/20161112/19830738

---

草蜢同管弦樂團合作要跳舞

1 : GS(14)@2016-11-16 04:54:08

草蜢前晚和香港城市室樂團合作在沙田舉行音樂會，蔡一傑特別穿上燕尾服襯托管弦樂團，草蜢說：「發現我哋有好多歌都適合同管弦樂團合作，覺得好好玩，希望可以同佢哋合作開演唱會。」唱到《忘情森巴舞》時，樂手表演跳脫，指揮家更忘形得飛甩指揮棒。草蜢以往開騷都和舞蹈員有親密身體接觸，問如果和管弦樂團合作，是否需作出改動？蔡一傑說：「可以嚟個突破，但依然可以畀歌迷起身跳舞。」蔡一智說：「因為呢個係我哋嘅招牌，好似賣賣吓魚蛋，冇理由唔賣！」草蜢指今次音樂會氣氛熱鬧，四面台之餘更設有包廂，可考慮在紅館也設置包廂。採訪、攝影：王連連




來源: http://hk.apple.nextmedia.com/entertainment/art/20161115/19833986

---

草蜢新歌念梅姐

1 : GS(14)@2016-12-28 08:12:23

草蜢日前為新歌《上天關了一扇門》拍MV，由鄭丹瑞（旦哥）執導拍攝，由於歌詞令草蜢想起師傅梅艷芳，後日又是梅姐的死忌，三子在MV中重演思念之情。當年蔡一傑曾難過得一直浸在浴缸中，拍攝時特別重演這幕，旦哥說：「MV會拍出當年佢哋嘅感受，經過呢個打擊還是要面對，咁樣至唔會辜負阿梅對佢哋嘅期望。」撰文：皓騫




來源: http://hk.apple.nextmedia.com/entertainment/art/20161228/19878608

---

【馮仁昭四圍超】草蜢四圍飛塞爆檔期

1 : GS(14)@2017-05-19 05:43:55

草蜢、太極、陳柏宇同陳明蘔等噚日喺尖沙嘴出席「2017華語金曲獎」記者會，草蜢透露已着手製作全新專輯，今年工作排到密麻麻，佢哋話：「我哋出席完今日活動後就要即刻去澳門，準備20號嘅演唱會，下星期就要去美國。」陳柏宇婚期快到，佢透露婚後會計劃造人，問到以後財政大權係咪交畀老婆？佢話：「我嘅錢咪即係佢嘅錢囉。」撰文：馮仁昭




來源: http://hk.apple.nextmedia.com/entertainment/art/20170519/20025696

---