📖 ZKIZ Archives

財經茄哩啡（完）

今年今日

今期唔知開乜好，口淡淡，講吓女人未必係阿媽的投資方法。

如果將全地球投資者放埋一齊，多數會形成一個「常態分佈」(Normal Distribution)，最右邊，總會有一兩個巴菲特李嘉誠，靠投資眼光賺到變首富，最左邊，又必定有人輸突幾十副身家。

如果市場資訊對稱，人人知道咁多，公平競爭鬥眼光鬥心理質素，這個常態分佈的投資表現平均數，應該係「零」，有人賺就有人蝕，不過金融市場的零和遊戲，當然唔會咁公平，因為資訊永遠唔對稱，多數係小部份人贏大錢，大多數人輸底褲。

股神巴菲特出晒名鐘意睇年報，聲稱2003年全世界唔睇好中國巨型國企之時，每股個幾港元投資中石油(0857)一役，就係睇年報睇返來，長實(0001)主席李嘉誠亦講過，以前鐘意睇年報睇吓入點做生意，睇咗幾千億上市資產回來，自己仲有千幾二千億私己錢分身家俾細仔，反而股神成份身家在冇派息的巴郡，餐餐隊漢堡包唔係冇道理的。

幾十年前新聞財經新聞唔多條，搵本年報望吓都難，搵到年報又識好寶的，可能已經掌握到大量人冇我有的市場資訊，今時今日年報呢類基本資訊已經普及，於是投行賓架呢類正牌財經演員，就會搞到通街結構產品衍生工具，有咁複雜得咁複雜，金融市場的進化，永遠有需要將絕大部投資者排除於真相之外，咁先可以確保，將大部分人，推向投資表現常態分佈的負數區域， 1978年的誠哥穿越時空來到2012年的香港，未必睇得明和黃(0013)長建(1038)本年報。

惠理集團(0806)擺明車馬靠投資搵飯食，年報內第一頁，通常會大大隻數字放幾個亮點認屎認屁，當中真係有意思的，只有兩項，第一個係過去19年「至少經歷七次地區性及全球性金融危機」（而仲未爆煲），第二項就係「每年造訪公司2,500」次（好勤力咁收集情報），講緊惠理40名全職芬佬的工作，就係全年頻頻密密咁去訪問上市公司，直接觀察公司業務同時面對面觀察管理層，令自己在資訊不對稱的市場處於強勢一方。

不過市場資訊相對最平衡對稱的一刻，往往就係金融大災難的時候，因為大部分衰嘢都會現晒形，所以「別人恐懼時貪婪，別人貪婪時恐懼」呢句唔記得咗邊個講的說話，係順叔咁多年所見，散戶最有機會賺錢的投資方法。

睇財經評論、大行報告、股神天書，唔係唔得，不過應該當係刺激思維的方法，跟住人哋貼士追揸沽，就肯定錯晒，不如得閒去圖書館蒲吓，香港天綫、八九六四如果太湮遠，搵返1998年、2008年大股災時的舊報紙，睇睇報紙頭版講乜，「重溫」、Relive一吓當日的市場氣氛，關關難過關關過，乜嘢股市海嘯金融核爆，地球咪一樣咁轉，到再有類似境頭出現的時候，問吓自己有冇勇氣將呢個阿媽係女人，但又最難實行的投資理論付諸行動。

香港人太多投資的衝動，太少理財的觀念，投資同儲蓄查實可以雙線進行，唔係叫你死怪死抵做度叔，而係當係鍛練自己的理財紀律，當係儲「股災基金」都好，點解股災殺到嚟的時候，咁多人零彈藥？

臨尾講多句，寫財經評論，本身是一項搵自己笨的投資，講錯嘢被人鬧到豬頭，唔覺意講啱，亦好快冇晒市場價值，你睇是但一本金鏞小說，已經在大陸翻拍N加9次，電影電視遊戲機版權收到手軟，就知道寫評論不如寫咸故。

唔經唔覺，在這裡起壇已經三年，實不相暪，順叔表面上係個財經茄哩啡，事實上，真係一個財經茄哩啡，寫專欄只係副業興趣，最初一星期一篇500字，到舊年今日餐餐開飯，已經思窮想盡，體力腦力不勝負荷，係時候收爐，今次係財經茄哩啡最後一期。

望返之前的墨汁口水，滴晒汗，幫襯開的熟客應該知道，睇順叔寫嘢唔會發達的，因為得啖笑，唔係妄自菲薄，而係順叔天生鐘意搞笑多過寫財經，未來某日，社會楝樑又好牛頭角順嫂又好，如果有人同順叔真人講開，某年某日睇財經茄哩啡笑到咔咔聲，順叔都會笑到見牙唔見眼的。

祝各位笑口常開。

友綠再會。

關連文章:
1. 順叔自道
2. 財演與財茄

舊年今日

喪搭財經茄哩啡老感點唱，即係「老點」。

投資，聽講不外乎順流逆流，做人何嘗唔能係，不過順叔淨識得玩逆流，所以到而家都係戇尻尻。ＨＥＨＥＨＥ，祝大家逆流又賺，順流又賺，時時都咁「順」！

屋仔車仔 財經茄哩啡

1 : GS(14)@2012-07-18 22:43:41

http://caijingcarefree.blogspot.hk/2012/07/blog-post_6182.html


70年代

80年代


90年代

21世紀
早幾十年，香港後生仔有謂「三仔」：屋仔、車仔、老婆仔，後來有人加埋ＢＢ仔，變咗「四仔」。
香港樓價，已經升凸咗年青一代可以望到對岸的水平，後生仔可能唯有閂埋房門睇四仔，三仔四仔呢種追求，在大陸反而已經變成社會經濟現實。
順叔在大陸有個好後生的表妹，叫做索，早幾年準備結婚，順叔阿姨親口同未來女婿講，雖然好恨有個孫仔，但佢先要買個幾大幾大的屋仔、再買架幾貴幾貴的車仔，先會同意嫁個女俾佢做老婆仔。
呢種對屋仔車仔的追求，正正係早幾年大陸樓市車市大旺的社會因素，所以好耐以前，大陸已經有人話，「外母」，查實係樓市狂升的元兇，冇「外母」，地產商可能慘過死老母。
1979年開始計劃生育，大陸人比較早婚，近幾年係第一代「一孩」的結婚高峰，兩個「一孩」組成新家庭，要買樓，隨時有三個家庭的財力支持，公公婆婆爺爺嫲嫲，隨時買多兩個附近單位，齊齊照顧粒孫，呢啲可能就係「剛需」。
話說回頭，阿公今日出力撳住屋仔車仔、呢兩國中國內需最大引擎，樓市限購，車市限牌，或多或少反映咗對調控經濟的自信，真係到非常時期再踩油未遲，而家條街講乜能嘢經濟「破八」驚餐死，有啲多餘。

---

2 : GS(14)@2012-07-18 22:44:13

匿名2012年7月18日 下午3:00

>>話說回頭，阿公今日出力撳住屋仔車仔、呢兩國中國內需最大引擎，樓市限購，車市限牌，或多或少反映咗對調控經濟的自信，真係到非常時期再踩油未遲，而家條街講乜能嘢經濟「破八」驚餐死，有啲多餘。<<

順叔以為中央的底氣來自哪裏？內房基建的走勢不正是市場看偏中央無計可施，只能重回房產基建鐵路一途？前一個月兩度減息，又加大浮動間距又為何？明知內房基建已是泡沫爛帳之源，卻仍不得不向其伸手，不正代表中央已到藥石亂投，放手一搏的地步？
回覆
回覆

  順叔2012年7月18日 下午4:10

  (1) 見報以外的網誌文章，順叔通常會修改吓行文用字，既有客留言，就唔改了
  (2) 拗經濟，可以講到2027拗唔能完，到時聽講中國會變成全球最大經濟，地球最大經濟，有冇可能係規劃經濟？中國經濟，或者咁講，中國模式，唔存在「睇好」或者「睇淡」的問題，只有「聽日死」，定係「幾時死」之分，拗經濟本身係多膠餘，見到「破八」就震騰騰，更加多了那點膠餘，全地球而家有邊個政府在對症下藥？
  (3) BTW，如果賞面幫襯，又方便的話，麻煩留個大號，熟客順叔都唔夠時間招呼，各位「匿名」及「Anonymous」巴打，恕不位位回應了
  匿名2012年7月18日 下午7:25

  其實減息更大可能係基於通脹持續回落, 數據反映近月物價增速已不如前般兇猛
  加大浮動間距則同推進利率市場化有關...
  中央要樓價理性回歸不是說了算的, 經過08年一役, 仲敢亂投??
  北京未必拍泡沫爛帳, 但絕不會不防社會動盪不安
  回覆

小飛飛2012年7月18日 下午4:45

順叔，小弟禾有少少覺得今次係一次全球性的大周期調整，起源於2008年開始的去槓桿化，受2009及2010量寬扭曲所延緩，2011開始繼續2008的去槓桿活動。國內於2008充大頭，不但浪擲可調整資源空間時間，更埋下更大的隱患。和過去數十年槓杆化周期下，每次調整都迅速回復不同，是次為全球性去槓杆，面對的調整情況將遠為困難。

--------------------------------------------------------------------


中國減速 美國復甦神話難現
撰文:Stephen S.Roach 耶魯大學教員／前摩根士丹利亞洲主席著有《下一個亞洲》

1998年9月，在亞洲金融危機最危險的時候，時任美聯儲主席格蘭斯班的立場很簡單︰在周遭經濟步履蹣跚的世界中，美國並非繁榮的綠洲。時至今日，格蘭斯班的觀點比當日還要正確。

消費泡沫爆 美嚴重依賴外銷
誠然，美國經濟在過去3年中已經走上了疲軟的復甦軌道。至少很多人都認為，無論如何這還算是一種「復甦」，因此在全球風高浪急的環境下，美國仍稱得上是復甦之源。與2008至2009年的大衰退不同，如今，人們普遍希望美國有能力成為中流砥柱，為世界經濟提供承托，戰勝歐元危機。

讓我們深思一番，2009年一季度，美國經濟在戰後最嚴重的衰退中觸底，此後，出口在此輪反彈中貢獻了足足41%。沒錯︰在經歷了歷史上最大的消費泡沫後，美國消費者再也無力回天，美國經濟需要嚴重依賴外國市場過活。但如今外國市場麻煩重重，美國很快也無法獨善其身。

過去3年，亞洲、拉美和歐洲加起來佔美國出口主導的經濟增長83%（美國商務部所做的地區和國家貿易統計不進行季節調整，以下比較為2009年一季度至2012年一季度中的同季比較）。

毫不令人驚奇的是，亞洲在其中首屈一指，貢獻了美國過去3年出口增加量的33%。其中最大的需求來源是大中華區（貢獻了15個百分點）。不消說，中國的日漸減速——即使是我相信最有可能出現的軟着陸——正在威脅美國最大的出口復興之源。其他亞洲的美國出口動力——特別是韓國、日本和台灣，它們本身都是出口導向經濟，且嚴重依賴減速中的中國——也在受到影響。

拉美是美國出口復甦的第二大源頭，貢獻了美國過去3年中對外銷售的28%。巴西和墨西哥加起來貢獻了出口增長的19個百分點。這兩個國家的增長均在顯著放緩，特別是巴西。但是，由於墨西哥生產和美國消費（目前復甦勢頭重現）之間的緊密聯繫，其經濟的任何反彈都不會長久。

GDP續下滑 美恐再現衰退
最後，歐洲（佔美國過去3年累計出口增長的21%）的狀況可謂悲慘。在歐洲問題上，美國商務部的統計數字在反映動力源方面的效能較弱，因為只公布了部分國家的數字。我們所知道的是，英國、德國和法國——即所謂的核心國——加起來只貢獻了美國2009年初至今總出口增長的3.5%，其中貢獻最大的是英國。這表明美國的歐洲出口增量集中於所謂的歐盟「外圍國」。顯然，這是一個嚴重的問題。

做預測總是有風險的，但一些「假設」有助我們一窺世界第一大經濟體的前途。2009年二季度以來，美國年率化實質GDP增長平均為2.4%。其中大約40%由出口貢獻，這意味着美國經濟的其他部分增長率只有微弱的1.4%。

如果美國出口橫行，即沒有增長，且其他條件保持不變（這已是相當大膽的假設），總體實質GDP增長將趨向1.4%。不管用甚麼標準衡量，這樣的增長都不可不謂疲軟——可能造成失業增加和進一步打擊消費信心。

另一個情形是出口溫和下降，未來一年內的實質出口下降5%。在此情況下，實質GDP增長將下滑到1%此「失速速度」水平之下，令美國經濟隨時都有可能再現衰退。參考2008至2009年期間所發生的實質出口猛降13.6%與5%出口下降的假設一比，只算小巫見大巫。這樣說來，這一「假定」倒稱得上是外部需求疲弱導致下行風險的謹慎樂觀估計了。

歐洲中國美國 衝擊已成連鎖
所有這些，都體現了日趨相互依賴的世界所帶來的一大顯而易見、卻被忽視的影響︰我們是同坐一條船的。歐元危機是一次嚴重衝擊，正在全世界製造連鎖反應。歐洲是出口導向的中國最大的外部需求源；中國不好，以中國為中心的其他亞洲國家就不會好；而從這裏出發，衝擊波還將延伸到日漸依賴出口的美國經濟。由最近的就業和零售數字的疲軟狀況顯示，這一惡性循環已發生了作用。

1998年格蘭斯班發出警告時，出口只佔美國GDP的10.5%。如今，隨着後危機時代的美國將賭注押在出口導向復甦，這一比重上升至14%的歷史高位。當前的全球減速與20世紀90年代末不同，與三、四年前破壞性更大的衝擊也不同（或至少還未有趨同的迹象）。但絕不能認為當下的全球減速，對美國或其他國家不重要。
在全球化的時代，沒有人能充當獨善其身的旁觀者。在面臨全球經濟出現又一次重大衝擊的情況下，沒有哪個國家可以稱為繁榮的綠洲，美國的「增長幻象」便是重要一課。
Copyright︰ Project Syndicate, 2012.
回覆
蝸牛2012年7月18日 下午8:44

內地「外母」真係房地產需求動力，買樓已經成為結婚入場券，好似唔買唔駛旨意結咁。
香港年青一代結婚亦越來越老土，人做乜佢做乜，乜春都話要做，好快步人後塵。

---