ZKIZ Archives


老婆分5億資產江若琳焗林小明棄家

2008-9-11  NM




標榜玉女形象的江若琳,自從被老闆娘林小明太太高調發表「引蛇入屋」言論,暗示她是第三者,形象馬上告急,由她擔任代言人的Neutrogena廣告合約原本到○九年中才屆滿,亦突然易將,改由樂基兒頂上。

為保住公司這張王牌,林小明火速開拍新片《三角錯》,讓江若琳擔正,同時更與林太趙雪英劃清界線,搬離與林太及一對仔女同住的九龍塘大宅,離婚事在必行。床褥都搬走

江若琳的玉女面具被林太的「引蛇入屋」論撕破後,事件最新進展,林小明搬離九龍塘大宅。

九月一日早上九時多,林小明已經在大宅外指手畫腳,指示搬運工人將行裝搬上貨車,除了衣服用品,連床褥被單都搬埋走。

當日林太及一對仔女均無出現。據知,自從林小明被指因為江若琳而婚變後,一對仔女與父親感情不再。

「林小明兩個仔女都大晒,大女已經十八歲,細仔都十六歲,佢哋睇住媽咪幫老豆打江山,乜都一清二楚,而家搞成咁,就算喺屋企見到面,對仔女都掉頭走唔瞅唔睬,甚至超過一年冇同枱食飯。」知情者說。

四十五歲的林小明最終選擇放棄家庭,甚至搬離市值兩億的九龍塘大宅,租住新世界酒店服務式住宅,正式與林太分居。

「喺屋企,始終有老婆同仔女喺度,搬去酒店住,出入就方便好多,加上新世界酒店多路走,唔容易俾人發現。」

分家產

八十年代中期因為投資蛇舌草沖劑生意失敗,林小明全靠老婆趙雪英典當所有首飾還債,其後,二人在旺角中心租鋪經營地產代理及批發錄影帶生意,並於八六年成立寰宇鐳射錄影,東山再起;九九年,寰宇更成功上市。過去,林小明亦從不諱言自己之有今日,全靠老婆,故其名下資產物業,大多是夫婦共同持有。

股權:透過Globalcrest共同持有53.7%寰宇股權,現市值約五千五百萬。

物業:九龍塘德雲道地皮,現市值約二億。葵涌大連排道偉倫中心(四層),現市值約二千萬。

流動資金:約二億

林小明、趙雪英共同持有總資產約五億,離婚的話,林太可分一半身家,袋二億五。

廣告易角

今年七月,林太出席阿Sa新書《單‧親‧愛》發布會,公開發表「引蛇入屋」言論,揭開江若琳玉女面紗。為此,原本由江若琳做代言人至○九年中的Neutrogena亦即時變陣,改由黎明嫂樂基兒替上,而按計劃在書展後推出的新唱片,亦因負面新聞而延期推出。

打可憐牌

雖然形象插水,不過有老闆撐腰。

「件事爆出嚟唔夠一個禮拜,林生就大派定心丸,開咗部新戲俾江若琳擔正,仲落order要公司旗下嘅彭氏兄弟寫劇本,幫佢洗底。林生講明要彭氏兄弟寫個慘情劇本俾江若琳,俾佢扮癌症病人,希望搏觀眾同情。」

現年廿歲的少男殺手江若琳其實絕不天真,中三輟學發明星夢入行,○五年參加寰宇為《伙頭智多星》舉行選角活動,向搞手林太大獻殷勤,更暗示可以接受改造配合入行,簽約寰宇十年。

醜女大變身

現年二十歲的江若琳,○五年獲寰宇老闆娘林太(趙雪英)賞識,成功簽約寰宇。

當時的江若琳相貌平庸,單眼皮、包包面仲有棚哨牙,有指林太不惜大灑金錢,將她收埋兩年重新改造。

最終江若琳由高峰期一百二十磅減至一百零二磅,接受牙齒矯形,並令包包面變成瓜子面,加上長期佩戴「大眼仔」扮大眼妹,少男殺手,三年兩個樣。

為塑造「大眼妹」的形象,她長期佩戴俗稱「大眼仔」令眼睛變大的隱形眼鏡之外,更聘請御用化妝師,在化妝上幫她增強大眼的效果。三年前的江若琳,跟現在大眼少男殺手的形象,完全兩個樣。

趕絕對手

成功由豬扒變玉女,江若琳為博取老闆林小明歡心,經常陪劈酒;兩年前,她一度遇到勁敵,當時林小明計劃將另一女新人俞融蓉收歸旗下,得知地位將受威脅,江若琳再次大施冧功,將對方踢出局。

「林小明想簽俞融蓉,連合約都準備好,江若琳收風即刻發功,逢大小飯局、K局都黐住老闆,又陪劈酒劈天光,唔俾機會其他人埋身,最終俞融蓉都簽唔成寰宇。」

有老闆射住的江若琳,於九月一日林小明搬離九龍塘當晚,陪住林小明為寰宇新人Square慶祝生日,據現場目擊者說,當一眾記者離開後,江若琳即放下戒心,第一時間黐實老闆,力證自己地位超然。

就林小明搬離寓所一事,本刊記者找着林太回應。

壹:聽講江若琳叫林生搬走?

林太:係搬走咗。

壹:同林生係咪無得掹?

林太:係。

壹:覺唔覺得江若琳好有手段?

林太:唔想講佢!

壹:係咪怕再俾佢激到入醫院?

林太:過去咗,真係唔想再講。

套套擔正

曾經以五千元代價拍《17歲的夏天》的江若琳經過改造後,○七年再度出擊,唱片、出書出寫真,成新一代的少男殺手,更獲公司開戲力谷,尤其寰宇合約導演彭氏兄弟,江若琳做女主角幾乎是指定動作。

單是○八年,江若琳已先後接拍五部電影,當中只有一部《六樓后座2家屬謝禮》是由星皓電影投資,雖然多產,但比起同跑程,已成千萬票房女星的Stephy鄧麗欣,仲差大截。

票房

《愛鬥大》$5,126,138

《嚇死你》$2,627,963

《六樓后座2》$4,550,097

《同門》未上映

《三角錯》拍攝中


PermaLink: https://articles.zkiz.com/?id=24653

解約戰林小明:我用2億捧佢 江若琳:係人都知我委屈

2014-04-24  NM
 
 

 

四年前被捲入老闆林小明跟前妻趙雪瑛婚變漩渦的江若琳,事後雖獲老闆力撐,繼續坐穩做「寰宇一姐」,但近日雙方賓主關係突然一百八十度逆轉。

有指跟公司完成十年死約的江若琳,決定離巢外闖,更發律師信提出解除餘下的五年「生約」。但聲稱投放了二億栽培江若琳的林小明堅持唔肯放人,更一口咬定江若琳背後受人唆擺。窮剩五十八蚊

○八年,被指介入老闆林小明婚姻的江若琳,為示清白,公開只有五十八蚊結餘的銀行存摺,證明自己未有被老闆「照顧」。事隔六年,一直被公司力捧的她,電影孭飛做女主角、提名金像獎,但風光背後,江若琳突然自爆在寰宇十年,雖然收入過千萬,但扣除化妝、梳頭、服裝、出唱片、演唱會及公司抽佣後,真正落袋不多;每月靠公司墊支三萬三元作為生活費,再加上要令力勸她離開娛樂圈的母親安心,去年江若琳再向公司借多五十萬。

終於捱過十年死約,江若琳趁下月開始進入五年「生約」前,主動提出解約,她在電話中回應說:「我已經交咗俾律師處理,我一直想和平解決,去到呢一刻,我唔想講太多嘢。其實十年來,喺我身上遇到嘅事,再大嘅困難我都一一捱過,我經歷嘅辛酸、委屈,係人都知,到咗今日,我只會用一個平靜心情去面對。」

患抑鬱症

據瞭解,江若琳曾經向圈中好友透露,自無辜被指做老闆「小三」後,情緒大受影響,加上一直向公司借錢度日,緋聞、經濟壓力下,一度令她患上抑鬱症,去年發病時,試過一個月足不出戶,對於現時情緒狀況,江若琳拒絕透露:「我唔回應呢個問題,我係咪同圈中朋友講過?我都唔方便答你。總之林生對我有知遇之恩,以後嘅事,就隨遇而安。」

受人唆擺

另一邊廂,強調十年來在江若琳身上投放二億栽培的林小明,堅拒解約:「佢講完約,呢個係佢嘅interpretation(解釋),我哋由頭到尾都講緊十五年,十年死約,五年係extention約,即係話我哋有權續約,佢冇權say no,我亦有權十年後唔要嘅,簡單講,如果知道今年約滿,我點會一一年同佢開演唱會、一二年拍《高舉愛》、年尾拍《巾幗大將軍》,揼咁多錢去做佢,然後一三年先收成,如果一四年約滿,邏輯上我會唔會咁做?亦相信唔會有經理人咁蠢;再者,如果佢張約係滿,唔需要俾律師信我啦,行咗去咪算囉。不過我對佢無嘢,作為公司立場,我一定要捍衞合約精神。「我仍然覺得佢係無知,受人唆擺,經理人阿標接到律師信,都有即刻問佢,佢話交咗俾律師搞,我哋似乎冇乜可以做。而佢嘅五年生約條款,並唔係有另一間公司出多一蚊,佢就可以轉會。而係通知佢extend,而轉會講嘅情況係terms option right,呢個已經係冇意思,係十五年之後嘅事,我哋份約都有呢個terms option right,不過唔係十五年內嘅事。」

投資二億

至於過去十年總共投放二億資源,林小明續說:「佢唔係全部做主角,總之佢有份參與嘅,總銀碼超過二億。」對於江若琳向外表示十年來冇真正收入,要靠公司墊支生活費;林小明承認:「如果佢唔使墊支,賺到幾多錢,咪按合約照分囉。初頭佢賺唔到咁多錢,有需要,我哋咪墊支,佢賺到錢咪扣番,如果墊支愈多,扣嘅時間會愈長。(總共墊支幾多錢?)要計嚇,相信一定唔少,但銀碼有啲敏感。不過佢話一蚊都冇就真係荒謬,呢十年衣食住行喺邊度嚟?舉個例子,林小明賺咗一億,但呢十年使大咗,話自己冇賺過錢,講唔通。而佢早排仲要同公司借五十萬,呢筆數唔係底薪,係墊支,要喺收入扣番。如果搵咗咁多年錢,手頭上好似冇乜錢,呢個係個人問題,而家唔係話我搵到錢唔分俾佢。」

全無先兆

江若琳話走就走,一度被指不懂飲水思源,林小明相信她只是受人唆擺:「因為我唔知佢心諗緊咩,一星期前仲見過面,大家都好開心,之前亦冇先兆。突然之間做埋啲傻事,希望佢可以儘快醒番,投入工作。」對於江若琳近年患上抑鬱,林小明表示不知情:「如果係,應該係二○一○年前嘅事,○八年之後嗰兩年,佢事業唔係咁順利,佢曾經喺電話講過唔開心。」

見慣不怪

藝人與經理人之間的合約糾紛,在娛樂圈見慣不怪,能夠和平分手,無須對簿公堂的例子寥寥可數。

梁洛施

08年,正與李澤楷拍拖的梁洛施(Isabella)入稟法院,爆出當年她與英皇簽下的合約內容,除條件苛刻,還指出經理人霍汶希向她要求極不合理的行為,令她覺得被出賣並對經理人失去信心,故要求解約,結果,雙方糾纏半年後和解收場。

傅穎

09年,傅穎未曾與金牌大風處理好解約手續,便高調加盟星皓,終被金牌控告毀約,官司至今仍未完結。

黃聖依

04年憑周星馳電影《功夫》一炮而紅,簽約星爺的星輝公司後,接拍了多部影視作品,到05年,黃聖依突然對經紀公司提出多項控訴,要求單方面解約,最後,雙方花了一年半時間打官司才正式「分手」。

PermaLink: https://articles.zkiz.com/?id=96971

江若琳快閃吉隆坡捧獎

1 : GS(14)@2016-01-23 19:28:33

江若琳近日在上海開工拍戲,但前日旋風飛到馬來西亞吉隆坡,匆忙逗留6小時,出席McMillan Woods Global Awards頒獎禮,她憑前年主演的電影《結婚那件事之後》獲大會頒發「2016最優秀女演員獎」,她更落本穿上價值約5萬元的黑白晚裝。年頭即獲獎項,江若琳昨興奮表示:「呢個獎為我今年演藝事業打咗支強心針,多謝大會畀咗好好嘅新年禮物我呀,以後希望更加多機會去大馬拍戲,呢個獎為今年演藝生涯開咗個靚頭,希望越嚟越好。」江若琳昨日凌晨機返回上海開工,她至愛大馬美食,所以趁化妝整頭時間,請助手外出替她打包椰漿飯在後台大快朵頤。吳卓羲亦在同一頒獎禮中獲「亞太區最受歡迎男藝人」,現於廈門拍攝內地劇的他開心說:「新一年新開始,好開心大會頒發呢個獎俾我。」他農曆新年前將返港陪家人。採訪:楊定





來源: http://hk.apple.nextmedia.com/entertainment/art/20160123/19463263
PermaLink: https://articles.zkiz.com/?id=294878

江若琳許願遇貴人

1 : GS(14)@2016-02-10 14:19:17

江若琳今年也加入到大埔林村許願樹拋寶牒行列,她自嘲是「鄉下妹」,幸好甫到即獲村民教路,率先應驗出路遇貴人。江若琳買過「許願寶」,馬上在紅卡紙上寫上連串願望,由於空位有限,她搞笑說:「我最後要寫句心想事成,想嗰樣得嗰樣。」江若琳其後便走到許願樹下,準備拋出她的第一份寶牒,原本順利一拋即掛在樹上,可是被風吹落地上,她只得再接再厲,如是這NG了八次才成功掛上,她得戚說:「雖然蝦碌咗八次,意頭好,取其大發。」現場遇上幼稚園學生由老師帶隊郊遊,江若琳與小朋友嬉戲,十分開心。江若琳坦言全選了寶牒紅卡紙背後的祝願,她說:「其中夫妻和睦同早生貴子呢兩項未啱我住,我會轉送呢啲祝福畀身邊朋友。」她同時宣佈今年6月重返樂壇出唱片。採訪:比華利髮型:James Lee of Hair化妝:Maggie Guo服裝:Armani Exchange





來源: http://hk.apple.nextmedia.com/entertainment/art/20160210/19485358
PermaLink: https://articles.zkiz.com/?id=295732

小龍為江若琳選港男

1 : GS(14)@2016-07-12 03:19:30

■小龍視江若琳為榜樣,想於音樂事業方面發展。


25歲的「小龍」曾世龍早前以《寵物小精靈》主角小智的打扮參加「香港先生選舉」面試,可惜連首輪面試也未能通過。小龍前晚於將軍澳接受本報專訪,問到參選港男的原因,他說:「因為偶像江若琳以前都係落選咗,但後來不斷努力,而家都成為獨當一面嘅演員同歌手。我好想學佢呢個步伐喺音樂事業方面發展。」小龍自覺落選原因是不夠大隻,又自言未拍過拖,心目中女神是徐子珊和鍾嘉欣。


■江若琳戥小龍有夢想而開心。資料圖片


對於被小龍視為榜樣,江若琳昨說:「我記得佢,每次我有活動佢都出嚟支持,佢而家有自己夢想,戥佢開心,有夢想要堅持,想同佢講句加油。」採訪:曹家誠攝影:沈健程





來源: http://hk.apple.nextmedia.com/entertainment/art/20160711/19689482
PermaLink: https://articles.zkiz.com/?id=303277

與內地男友聚少離多江若琳生日宣佈甩拖

1 : GS(14)@2016-10-01 13:19:51

■失戀的江若琳表示與曹雲金和平分手,絕不涉第三者。資料圖片



近年主力在內地發展的江若琳(Elanne),昨日在青島度過29歲生日。她昨日凌晨1時多在微博上載與生日蛋糕的合照,同時留言說:「感恩這一年的每一場相遇和離別,豐富了我的生命,我會好好的,往後的日子,我一個人還是可以沒心沒肺的笑着。生日快樂,我對自己說。」


戀情見光死

不少網民即意會到Elanne失戀,宣佈與內地相聲演員曹雲金分手,亦有她的fans到曹雲金的微博「踩場」,問他為何要跟Elanne分手。Elanne與曹雲金去年因合作拍攝電影《不離不棄》認識並撻着,今年4月,二人在北京機場被傳媒影到咀嘴相後,即大方認愛,未料戀情曝光4個多月見光死。



■江若琳和曹雲金因合演電影《不離不棄》而擦出愛火花。資料圖片

■江若琳昨日在微博上載與生日蛋糕的合照(左圖),並留言已回復單身。微博圖片


分手半個月

Elanne昨日接受本報的訪問時,亦直認分手消息:「兩個人之間的事情實在不想驚動到大家,也希望大家往後不要有太多的揣測,是的,我以後一個人還是會繼續努力,希望用好的作品報答大家對我的關心,謝謝大家。感情是不想講太多了!」據知Elanne與曹雲金已分手半個月,掟煲原因主要是拍拖以來長期分隔兩地工作,聚少離多,大家都認為不適合的情況下,決定和平分手,當中並不涉及第三者。知情者說:「Elanne情緒OK,佢一路開工OK,呢排喺青島拍緊電視劇《梔子花開》,今次分手大家都係用電話傾,真係好好咁商量完先決定嘅,大家仲係朋友。」採訪:小米




來源: http://hk.apple.nextmedia.com/entertainment/art/20161001/19787114
PermaLink: https://articles.zkiz.com/?id=310860

【馮仁昭四圍超】江若琳自彈新歌手震

1 : GS(14)@2016-11-11 08:10:39

江若琳前日喺北京為最新國語專輯舉行發佈會,自彈自唱自己填詞嘅新歌。佢話今次係第一次,練咗兩個月,緊張到手震。現場仲播放咗譚詠麟、袁弘、陳思成、小沈陽同謝霆鋒等人為佢拍嘅祝福片段,搞到江若琳感動到喊,佢話:「好開心完成咗呢個咁重要嘅發佈會,好多謝所有支持我嘅人,因為大家嘅鼓勵,我先有力量走下去。」撰文:馮仁昭




來源: http://hk.apple.nextmedia.com/entertainment/art/20161111/19829737
PermaLink: https://articles.zkiz.com/?id=315095

【馮仁昭四圍超】江若琳傷心愛犬離世

1 : GS(14)@2016-12-27 12:32:12

江若琳家有兩隻愛犬,分別係北京狗旺旺同松鼠狗冬冬,噚日佢喺facebook貼文公佈冬冬離世消息。原來冬冬兩個星期前心臟病發,走得好突然,江媽媽為咗唔想影響喺內地做嘢嘅佢,平安夜佢返嚟香港先同佢講,仲一直將冬冬遺體雪住,等佢返嚟可以見佢最後一面。江若琳同馮仁昭講好難過同傷心,話冬冬只係得8歲。撰文:馮仁昭




來源: http://hk.apple.nextmedia.com/entertainment/art/20161227/19877635
PermaLink: https://articles.zkiz.com/?id=320221

合約糾紛未完 被貼街招連累父母江若琳精神受折磨 月跑逾10萬填數

1 : GS(14)@2017-01-18 08:04:26

■江若琳孭着合約官司,更試過被貼街招連累父母,精神飽受折磨曾患上抑鬱。攝影:沈健程



【《蘋果》專訪】一個少女追夢入娛樂圈的故事,05年江若琳陪朋友參加電視劇選角招募,結果自己幸運地入行,但簽了十年死約零收入,兩年多前為回復自由身跟公司打官司,合約糾紛仍未完,孭下一筆龐大律師費,更被貼街招連累父母,結果江若琳離鄉別井北上賺人仔,每月要跑數逾10萬應付開支,曾飽受精神折磨患抑鬱,她說:「感覺好孤獨,食同住冇屋企好!」



現年29歲的江若琳歌影視三線發展,由冇背景冇家底的少女,捱到13年憑電影《高舉.愛》角逐第32屆香港電影金像獎影后,雖然輸給了楊千嬅,但卻打響名號不再是花瓶,惟翌年爆出與前經理人公司寰宇有合約糾紛,江若琳自爆過去十年死約零收入,寰宇老闆林小明指她簽了15年合約沒權解約,雙方對簿公堂,至今兩年多仍未解決。孭下大筆律師費的江若琳北上賺人仔,今年為紀念入行十年決意回歸。



■江若琳與林小明旗下寰宇的合約糾紛,兩年多仍未解決。資料圖片

■寰宇前老闆娘趙雪英,一手提攜江若琳入行,最終反面收場。資料圖片

■江若琳經常離鄉別井工作,沒有家人在身邊的她直言感覺孤獨。


「我唔可以認輸」

日前江若琳於西環接受本報專訪,當日離寰宇時孑然一身的她,最難過是連累了父母:「我被人貼街招,媽咪爹哋趁我出街時去街搣咗,我之後先知呢件事,但被冤枉同侮辱係最難受。試過去食麵,俾店員兜口兜面批評,我到?家唔放棄,堅持留低,我要用自己努力證明大家係睇錯,向不公平低頭,就代表我默認一切,我唔可以認輸,父母當日搣街招都好委屈。」為了賺錢,江若琳決定返內地尋出路,慶幸有閨蜜不離不棄,兩個女人北上打江山:「我間公司好龐大,得兩個人,我冇後台冇勢力,社會上工作講勢力講關係,有啲導演會話其實好想用我,但其他人公司較優勝。今時今日仲有嘢做,嗰啲人真係欣賞我。」至於跟寰宇的合約糾紛,纏繞兩年多仍未解決。這場持久戰,曾令江若琳飽受精神折磨,一度患上抑鬱症:「我計過條數,每月一定要跑6位數字,我先可以正常生活,我要畀龐大律師費同養家。一收工搭幾個鐘機再搭車,去到唱兩首歌,唱完又搭車同轉機返劇組,冇瞓過再埋位。」



■過去兩年江若琳北上拍劇,更擔正《巾幗大將軍》,每月跑逾十萬元才能填數。劇照

■江若琳曾憑電影《高舉.愛》角逐香港金像獎影后,雖然輸了,但演技被肯定。劇照


離鄉別井好孤獨

離鄉別井的江若琳經常想起家人:「感覺好孤獨,食同住冇屋企好,有時去到每個城市,唔知自己喺邊度,拍戲收工返去對住四面牆,收工冇人傾偈。不過只要有工開,人就有安全感,壓力低好多,好過喺香港瞓覺愁呢個月費用。我?家變得睇每件事都雲淡風輕,好懂得去快樂,十年經歷變成我嘅正能量。」爭氣的江若琳兩年來拍了十部電影,她形容過去十年刺激似坐過山車:「未望到高處,我就落咗低谷,我要多謝畀我唔同故事嘅人,佢哋成就到今日嘅我。」換句話說江若琳都要多謝林小明:「呢十年佢畀我好多機會,對佢唔會有任何仇恨,我哋只係合約同金錢糾紛。」



■也許是江若琳天生倔強性格,令她可以一直堅持下去,再捲土重來。

■江若琳笑言有時工作辛苦,都想身邊有人可以傾訴。

■江若琳表示有工作便有安全感。


■江若琳北上搵食並非一帆風順,全靠一點一點累積聲譽。

■江若琳稱每月要有六位數字收入,才可以過正常生活。

■出道十年,江若琳決定今年以歌手身份回歸樂壇。

採訪:陳杰、吉吉場地:Bistronomique髮型:Kel Fung of HH Hair




來源: http://hk.apple.nextmedia.com/entertainment/art/20170117/19898923
PermaLink: https://articles.zkiz.com/?id=322930

林小明懶理江若琳跑數

1 : GS(14)@2017-01-21 03:36:51

林小明旗下的寰宇集團昨日在尖沙嘴舉行30周年晚宴,林小明透露今年投資大計:「想籌備開拍《掃毒2》同《逃出生天2》,希望演員有期原班人馬。」他和江若琳的合約糾紛至今仍未解決,他說:「年中就可解決到。」江若琳大呻每月要跑六數才可夠生活費和支付律師費,林小明說:「呢啲唔關我事。」問到合約解決可會找對方拍戲?他說:「解決合約先,合約到2019年,正常要claim佢,但等個官判。」同場樂易玲被問到有報道指歐錦棠揶揄她是「婆娘」,樂易玲說:「有唔開心,我冇同佢聯絡過,唔了解佢,佢唔鍾意冇得好講。」採訪:張俊銘攝影:陳順禎




來源: http://hk.apple.nextmedia.com/entertainment/art/20170120/19902531
PermaLink: https://articles.zkiz.com/?id=323432

Next Page

ZKIZ Archives @ 2019