花姨怨恨不獲重用徐小明率50舊將別亞視
1 :
GS(14)@2016-03-05 01:12:09■徐小明約了50名亞視前台前幕後到大埔亞視總台，其中30多人合照留念。
【亞視清盤】前日亞視暫時避過停播一劫，不過王征申請亞視清盤一事如箭在弦，在等待法官頒令會否提早關門大吉之前，一班前亞視台前幕後昨日自發到大埔總台留影，包括葉家寶、徐小明、鮑起靜、宮雪花、劉錫賢、蔡國威、黎燕珊、呂晶晶、張嘉瑩、李力持等約50人，大清早聚集在亞視總台門口，大家熱情擁抱，互相問候，然後細訴往事，場面溫馨，但是感覺蒼涼。前晚亞視股東代表何子慧則透過微信向他們發炮：「謝絕一切紀念活動」。
■每個在亞視工作的員工，同樣擁有他們的生命中小故事。
■首屆亞洲小姐冠軍黎燕珊昨專程到總台大門口拍照留念。
■葉家寶在亞視服務多年，就算差少少要坐監，對亞視仍無怨無悔。
三進三出歷興衰
曾任職亞視高級副總裁的徐小明，三進三出亞視大門，小明哥在亞視創下多個高峯，他說：「當年麗的時期，到邱德根同封小平時期，我亦都見證過亞視好多興衰起跌，我同鮑姐一樣，有開心有唔開心，雖然亞視免費電視牌照到期，希望新投資者，真係有心想幫亞視做衞星電視嘅話，希望將來亞視有得繼續發展落去。」亞視經營半世紀，為數以萬計的人寫下他們的小故事，葉家寶在亞視門前接受訪問時，口邊仍然掛着這一句：「亞視永恒！」他為亞視服務26年，由實習做起：「最難忘，當然係頒呢個終身成就獎畀我，當時感覺係開心囉，同埋覺得公司終於認同我喺亞視所做嘅一切。」葉家寶為了亞視險被送入獄，不過他強調對亞視無怨無悔：「我將自己最黃金、青葱歲月奉獻咗畀亞視，我只係希望無論佢最後結果點樣，佢嘅精神可以永遠不滅。」
鮑起靜百感交集
長老鮑起靜在亞視工作30年，她望着亞視的標誌百感交集，接訪時更一度忍不住眼濕濕：「心情好複雜，嚟到見到好多好朋友舊朋友，好開心，但欷歔嘅係喺亞視30年，人生大半時間都喺呢度，認識到好多好同事，多謝邱德根同埋林百欣，喺佢哋之下得到過好多機會。」以47歲高齡參加亞姐選舉的花姨宮雪花一夜成名，但她對卻亞視心存怨恨：「我當時選完亞姐出嚟本來有機會去無綫，但嗰時我又諗亞視選我出嚟，應該要留喺度幫佢哋，我咁高嘅知名度但亞視唔識得用我，如果我當時去咗無綫一定有更好嘅發展，我非常後悔。」採訪：曹家誠攝影：沈健程
來源:
http://hk.apple.nextmedia.com/entertainment/art/20160303/19513403
花姨赴巴黎搵男友
1 :
GS(14)@2016-12-07 07:41:15■宮雪花昨日谷胸與葉家寶出席企業頒獎典禮。
宮雪花和葉家寶昨日在尖沙嘴出席企業頒獎典禮，近年經常畫畫的花姨，突然表示想找個男朋友，她直言有追求者，但其要求甚高，她說：「我要佢嘅文學修養喺我之上，我係兩個碩士，佢要係兩個博士。」花姨指稍後會去巴黎進修畫畫，她說：「如果搵到法國佬，我可能唔返嚟。」其實花姨有兩個20多歲、擁碩士學位的兒子，她感觸地說：「我嘅付出多過薛家燕同張栢芝。」她直言與前夫沒聯絡二十多年。有傳協盛協豐分別入股亞視及星淘娛樂，協盛協豐行政總裁兼執董的葉家寶表示亞視現階段在重組中，還指已取回亞視欠他的七位數字薪金。採訪、攝影：黃曉妍
來源:
http://hk.apple.nextmedia.com/entertainment/art/20161206/19855959
花姨 邵音音爭凳爭出火
1 :
GS(14)@2016-12-10 13:30:10■宮雪花（右）及邵音音（中）出席黃夏蕙壽宴，傳出爭位風波。
現年83歲的黃夏蕙，日前邀請68歲的宮雪花及66歲的邵音音出席壽宴兼宣佈成立慈善基金，筵開一百席的夏蕙BB卻搞出「大頭佛」，有人昨爆料指花姨帶了6友人撐場，主家席原只安排藝人坐，有人「雀巢鳩佔」，令安排坐主家席的邵音音母女冇癮離場。
■邵音音（中）上台獲黃夏蕙（左）頒紀念狀後，返回主家席座位被佔。
望黃夏蕙道歉
加埋134歲的花姨和音音姐爆出「爭凳仔」羅生門，夏蕙BB經理人Simon昨說：「嗰晚我哋係安排咗邵音音、花姨同魏秋樺坐主家席，音音姐上台攞紀念狀，落番去個位俾人坐咗，嗰個人仲眼厲厲，音音姐唔爭走咗。」夏蕙BB則說：「我只係預咗花姨坐主家席，佢啲朋友坐第二圍，但點知佢哋坐埋一齊，音音姐係坐主家席。」花姨勞氣否認：「當日係夏蕙BB話畀我6張飛，夏蕙BB契女龍飛私下問我拎咗兩張，龍飛叫我哋坐主家席，我係唔知邵音音坐邊，我哋俾擺上枱。」花姨昨出示跟音音姐WeChat對話截圖，音音姐安撫花姨：「三個人加起來，多人看，宣傳罷了。忍忍吧！我們都是大量的人！」花姨強調怕應酬，不想「集郵」相未經美圖秀秀流出，花姨希望夏蕙BB道歉。關鍵人物音音姐全程大方回應：「我肚餓，怕太遲食嘢，嗰晚頒獎影咗相就走，唔關人事。」採訪：陳杰
來源:
http://hk.apple.nextmedia.com/entertainment/art/20161210/19860601
69歲花姨 熱褲襲港鐵自比時尚婆婆
1 :
GS(14)@2017-07-01 10:29:22【似足大媽】■宮雪花日前頭戴數朵紅花、穿上熱褲配四個骨白襪襯涼鞋，現身荔枝角港鐵站。讀者提供圖片
【爆相爆片】宮雪花早於95年以47歲之高齡參選亞洲小姐，成功殺入決賽，兼奪取第5名，成為亞視傳奇。雖然花姨今年已經69歲，早已過了退休年齡，但她依然活躍於娛樂圈，除了穿梭中港兩地工作，又兼顧畫畫拍賣外，也醉心於PS（修圖）並分享到社交網，保持一定的曝光率，故讀者羅小姐日前在港鐵站一眼便認出花姨，事實上花姨當時的打扮，也實在太吸引人眼球。
【養眼金袋】■帶着金色袋及乾衣店大膠袋的花姨，在車廂內十分吸睛。讀者提供圖片
■花姨於95年以47歲之高齡參選亞姐。資料圖片
■95歲的Iris Apfel被封為時尚婆婆。
「塊面化到好白」
羅小姐透過本報「爆相爆片」提供了兩張照片，目擊花姨頭戴數朵拳頭般大的粉紅色系列頭飾花、身穿貼身白色T恤、超短熱褲及腳踏四個骨白襪襯涼鞋，一身打扮十足妙齡少女，她當日下午獨自一人在荔枝角站準備入閘，羅小姐說﹕「一眼就認到係宮雪花，見佢塊面化到好白，同平時PS過啲圖個樣差勁遠，而佢pat pat露咗少少出嚟，有一條好深嘅痕。」花姨雖然打扮得花枝招展，但因揹着一個金色大袋，手上又拿着一個乾衣店的大膠袋，所以入閘時也顯得有點狼狽，幸好入到車廂內有位坐。
「我係跟上潮流」
花姨昨日接受本報電話訪問時，滔滔不絕地說：「希望多啲寫我正面經歷，可以畀到大家知道呢個歲數嘅人，都會去讀兩個碩士，跟住去讀博士。」她又重申時裝和年紀不應該劃定一條界線：「好似嗰位時尚婆婆Iris Apfel都95歲，大家都贊同佢，我覺得中國人都應該要越嚟越年輕，T恤好似今年流行，證明我係跟上潮流，唔係因為年紀問題，年紀大咗更加要多學習，各方面都唔好同時代脫節。」採訪：嵐山
來源:
http://hk.apple.nextmedia.com/entertainment/art/20170628/20070640
Next Page