【真文具大王】家族清朝已造紙 係紙紮舖又係文具店
1 :
GS(14)@2016-09-01 06:26:23講了幾年「準備退休」，舖頭仍好哋哋的在，方生：「我喺度做得耐嘛，啲街坊都熟晒，有嘢做，得閒打呀牙骹嘛。」
現在周時都看到老式文具舖的報道，不過都是「加租」、「逼遷」、「最後清貨」，彷彿這時代的細路都逛大公司買公仔文具，文具舖可有可無。兩年前認識大角嘴寶元號的方先生方啟坡，74歲眼矇矇，笑笑口，傾偈時，醒過你！聽個名分明是紙紮舖，望門面，牌上寫着文具、用品、香燭、紙料與日曆，下底掛滿足球與玩具，玻璃櫃裏則擺滿擦膠原子筆、七彩粉彩與油彩，閣樓收埋更多珍藏，月曆、舊月曆鐵牌、海報……成日呢頭話「冇啦啲嘢咁舊丟晒！」嗰頭爬上閣仔，又有「古老嘢」拿來給我們看。
三代紙緣
他家三代都跟紙有關，清末時候爺爺在大陸好多生意，特別是造紙。爸爸來到香港繼續造紙，不過是衣紙。原來舊時代書店兼賣文儀用品，沒有所謂的「文具舖」。紙紮舖生意不足，就兼賣文具，還開月曆工廠，香港當年許許多月曆鐵牌，日曆都出自這裏。又向大陸買來紙胚，賣給廠商加工，或自己裁剪，釘成練習簿賣給學校，甚至做埋批發，批發書簿粉筆到小店，乜都做，「有甚麼就賣甚麼，跟現在超級市場一樣。盂蘭節後就是學生開課的時候，聖誔節跟冬至又連在一起。」大時大節燒衣與學生上課梅花間竹，剛好互補。
街坊當我哋遊樂場
「嗰陣大角嘴得兩間學校，不過文具店都唔多。舖頭係而家兩倍大。附近的街坊當呢度遊樂場。我哋有玩具賣嘛。開盒棋就伏低玩。」那時少年方生見小朋友入舖，就送個汽球給他，「毫半子呀都！」端午節、中秋節，紙紮師傅們又會整紙龍船、紙燈籠送給街坊，引來好多人不時到店裏……「嚟做乜？嚟玩囉！成堆來學生來追追逐逐，賣生嗰個兒子同賣雲吞麵個仔打架，跑進來繼續打，試過逼爛玻璃！」
那時候很多東西都是人手作的，那時店裏有種叫「間線機」的東西，機裏有好多條拉直了的魚絲，逐頁印出英文習字簿上的紅色藍色線。那紙經裁剪後，又有部騎馬釘機，用力一踩腳製，把簿釘好。「那時學生還是自己出街買書簿。而家冇得做啦！學校都收書簿費，直接同印刷商做了。當然，現在看到的都是印刷時代了。」我說現在老文具店買少見少，方生本說：「仲有好多！」數了一兩間，都執了，醒起有些店由下一代繼承甚至易手，他說：「對的，第一是沒下一代承接，第二租貴，第三都是租貴。如果我有間舖可以租八萬元一個月，我做文具舖一個月都沒有八萬元生意啦！乾手淨腳就租畀人囉。而家有歷史的文具店，店主多數都係過日辰而已。」方生還留住好多舊時代的文具，他小時候讀書用的文具套裝，英國貨，當年可是貴嘢啊！雞皮紙生字簿，彩色封面印刷，當時嚟講潮極一時；木顏色上有隻「幻影鵝」，拉顏色出來時鵝頭搖呀搖，都曾是細路聞之尖叫的得意文具，「感情呢就樣樣都有感情的，如果沒感情就全丟了，每一樣都有它陪伴我大的嘛。」寫了許多小店故事，鬼唔知人要眼望前方，要進步，唔好成日諗舊時。但係，放學「去連鎖店搵收銀員買完撇」，同「去阿伯間舖頭玩」的回憶，我都係覺得後者精采難忘啊！寶元號大角咀大角咀道187號地舖記者：陳慧敏攝影：劉永發
方生說阿爺由清朝已開始造紙，1924年開了寶元號，四十多年前搬到大角嘴。
方生：「練習本上的這些間線，以前我們用『間線機』間出來的！現在都印刷了！」
以前寶元號還有師傅紮燈籠，現在剩方生自己入電芯。
雖然年代早忘了，但他說練習本上的「乘數訣」，比「九因歌」更早呢。
巨型的釘書機釘，跟設計可愛的大頭針，都是最少二十年前的產物了。
方生讀書時都有用的文儀組合，英國貨，當年可是貴嘢。
粉彩跟現在沒差別，但七十年代的鐵盒調色盤，當年還配有色磚，現在都找不到了。
方生讀書時用的彩色印刷練習簿，在當年可說是潮物，現在還不時有人來尋寶呢。
爸爸那代來港，造衣紙。
來源:
http://hk.apple.nextmedia.com/su ... t/20160901/19756006