ZKIZ Archives


梁朝偉入市賺半億家燕姐死城舖勁蝕九成

1 : GS(14)@2016-10-30 14:35:58

賭王四太梁安琪之前豪花13億買咗4個大宅俾超盈超欣,話想俾個機會兩個女學投資。既然要學,可以試下跟于文鳳咁睇千呎舖位,又或者向以下呢班藝人做功課,分分鐘賺夠可以買番幾個單位送番俾四太:古巨基資深投資者羅家寶12年以1.228億元買入中環擺花街22及24號兩個地舖,三個月後交吉摩出,接手嘅正係古巨基。基仔入貨後冇轉手,選擇放租回本,今年6月以8萬數租金,租咗俾一間化妝品店。謝霆鋒同樣都係擺花街,不過比古巨基更早入市,喺05年開始以1.2億買咗3個地舖,12年楊受成再用9120萬元買咗28號地舖,轉送咗俾霆鋒。不過貴為「擺花街舖王」冇收手,霆鋒再喺13年以1.17億買入26號舖。梁朝偉梁朝偉除咗係影帝,投資都有一手。佢08年首次以私人名義入市,買入中環威靈頓街73號地舖連閣樓,當時作價係2880萬元。偉仔等咗四年之後,以7950萬元沽出舖芝,賬面億超過半億。薛家燕投資有賺有蝕,家燕姐就試過失利,佢92年以250萬買入咗佐敦廣場兩個舖位,雖然喺旺區,不過商場管理不善,又搵唔到其他業主,結果想翻新商場唔成功,變咗做一代死場。佐敦廣場喺10年俾財團睇中,家燕姐乘機賣舖,但加埋只係收得番約27萬,總共蝕咗226萬,賬面勁蝕9成咁多。洗米華買舖可以做投資,亦都可以當做禮物咁送俾人。太陽娛樂揸弗人周焯華(洗米華)經常四圍飛,陪完Mandy又要o氹番洗米嫂。洗米華今年就試過購入七千萬澳門地舖,送俾洗米嫂,非常大手筆。




來源: http://hk.apple.nextmedia.com/entertainment/art/20161030/19817079
PermaLink: https://articles.zkiz.com/?id=314123

屯門劏場舖勁蝕177萬兩年前貴絕新界 今貶值逾七成

1 : GS(14)@2016-12-24 10:53:48

【本報訊】乘住宅出辣招,劏場拆售熱潮方興未艾,但兩年前高價出售的劏場逐一出現大幅蝕讓。屯門壹號總站今年錄3宗成交,原業主全部勁蝕過百萬元,最新1樓一個面積不足100方呎劏舖以62.8萬元售出,舖位兩年勁蝕177萬元,大幅貶值74%。記者:程俊華

在2014年底拆售的屯門青山坊2號華樂大廈1樓壹號總站,當年呎價最高達2.93萬元,貴絕新界劏場,但商場開幕後淪為死場,業主全數蝕讓。最新成交的90號舖位,建築面積88方呎,實用率只有一半,剛以62.8萬元易手,呎價7,136元。根據土地註冊處資料顯示,原業主於2014年底以239.8萬元購入,呎價高達2.725萬元,事隔兩年賬面大幅蝕讓177萬元,舖價貶值73.8%。據了解,商場當年開售時,業主可享兩年5厘租金回報保證,並估算舖位月租約3,500元。不過以現時商場空置率逾八成,料月租只值2,000元,以最新成交價62.8萬元計,回報亦只有3.8厘,遠低過當年開售時的估算。


呎價平過樓上住宅

目前,壹號總站樓上的華樂大廈住宅單位二手成交呎價由7,500至9,000元不等,由此可見,壹號總站的最新成交呎價已經平過住宅單位。壹號總站由凍肉食品公司佳寶集團以3.4億元購入後,隨即拆成300個蚊型舖出售。物業由入伙後至今錄得3宗二手成交,業主全部要勁蝕160萬至191萬元出貨,蝕幅由66%至73.8%。由於佳寶提供的兩年租金回報逐步到期,蚊型舖業主要蝕本求售。現時市場共有約70個放盤,有兩成叫價已經要蝕讓,當中155號舖,面積58方呎,買入價255萬元,現以120萬元放售,最少要蝕53%。


首都劏舖輸298萬沽

要數經典劏場,非尖沙嘴首都廣場莫屬,商場開業近3年一直十室九空。該商舖今年只有兩宗買賣,當然全屬蝕讓,其中,年中2樓一個銀主盤以141萬元透過拍賣會賣出,蝕265.6萬元。另外,上月3樓T205號舖,面積只有80方呎,成交價70萬元,呎價8,750元,較3年前一手價368萬元蝕八成,大幅損手298萬元。商場3樓T63號舖本月曾多次以三折價80萬元拍賣,但每次都無人問津收回。




來源: http://hk.apple.nextmedia.com/financeestate/art/20161224/19875266
PermaLink: https://articles.zkiz.com/?id=319934

Next Page

ZKIZ Archives @ 2019