ZKIZ Archives


iPhone6與魚旦 Money Cafe

來源: http://moneycafe-icable.blogspot.hk/2014/09/iphone6.html


因為一部電話,中移動、中電信、中聯通,各跌約百分之四,相當於市值蒸發九百多億。

到底是錯的是市場預期? 蘋果? 抑或工信部?

21世紀經濟報道指,兩款新iPhone的入網許可、與工信部討論原本將近完成,今個月內原本可望獲得「藍標」,即獲批在市面出售。

但消息指、審批已經再次告吹,原因未明,再重新申請的日期亦未定,可能明年才開售。

這一推遲非同小可,蘋果原定針對內地市場準備數千萬部新iPhone,單是內地版本已經生產了10萬至30萬臺,但由於未取得入網許可、備貨計劃已經叫停。

九百億左右市值,相當於粗略計有一千五百多萬部iPhone6價錢,如果因為工信部有意、或無意令iPhone6未能獲批許可證的話,跌的應該是蘋果,而非三大電信商。

起碼少一部高端手機,從正面角度判斷,涉及補貼開支亦減少,而且電信通訊及數據業務是必需,但高端電話卻不是,理論上對上客人數影響未致太大。

內地遲遲推延iPhone6入網許可,沽貨有對象,惟市場同時愛搵受惠股:聯想、小米、酷派等等。

表面上,是合常理,但實際上此市場觀點完全忽略iPhone6可替代性問題,尤其問「果粉」狂熱分子,那種至死不渝的追隨,恐怕非「果粉」絕不了解!!

你話酩派、小米、中興等等可以乘蘋果之危,但做個比喻,如果,想食魚翅,但魚翅斷貨,斷估不會轉食魚旦作為替代。

基於國家安全、推動土炮產品運動,用各種原因,蘋果在內地被諸多限制,實屬意料之內,成件事,輸家其實並非蘋果本身、或中移動、中聯通,而是中國「個朵」!!

總理一邊話對外資善意,一邊再有蘋果死於莫須有。

酷派、小米不是贏家,一定要數受益者,倒不如將香港歸類為內地封殺蘋果最大既得利益者。

內地遲遲未發準入許可,iPhone6繼續在先達有價有市,最高肯定過2萬元人幣。如是者香港人繼續有利可圖,亦有方向、有目標。某程度上形同中央近年送予港人最大的大禮!!!
PermaLink: https://articles.zkiz.com/?id=123333

樂香園:水清與魚也想兼得?

1 : GS(14)@2017-05-18 01:09:33

上周接連寫了兩篇基金界朋友對上市架構改革諮詢意見,投資銀行界有何看法?據早前在立法會披露的初步總結,投行是被歸納為反對改革的一群。有投行高層跟密西比說,若跟足證監會意願修改,他是絕對不會贊成的,因證監從來也擁有叫停公司上市權力,今次只是借勢擴權而已。友人說:「很多公司確實好有問題,但現時問題係,無適合或者係可行嘅尺,足以篩走問題公司,唔係話加大權力就解決到……喺源頭做嘢係啱嘅,好似喺上市條文同埋上市要求做改動我絕對贊成,只係無限大咁加大權力,或者將問題全部歸咎上市公司或相關人士,咁就唔係咁啱。」他續說:「又好似大量來歷不明投行加上來歷不明資金,係咁幾倍幾咁煲起新股,我哋呢啲正當投行都有受害㗎,因為啲準上市嘅公司老闆都識得問,人哋可以咁升喎,你哋可唔可以咁樣做?問吓問吓,啲生意就咁樣冇咗……所以講到底,我都係支持改革嘅,但就唔支持借機擴權。」水清無魚,如何平衡,足以左右香港金融市場日後地位。密西比




來源: http://hk.apple.nextmedia.com/financeestate/art/20170517/20023889
PermaLink: https://articles.zkiz.com/?id=333102

Next Page

ZKIZ Archives @ 2019