中環在線：魔童搞電視食腦唔講金 李華華
|
|
免費電視市場最近好熱鬧，有「魔童」之稱嘅城市電訊（1137）主席王維基（圖）計劃只用2.1億元打入新市場，被人質疑佢係咪全心攪局，佢噚日回應話，搞免費電視唔係單靠錢就得。
魔童噚日出席香港資訊及通訊科技獎頒獎禮後話，搞電視最緊要靠創意，市場最終會汰弱留強。咁佢有乜秘密武器節目？佢就大賣關子，話費事畀人抄橋，一旦落實獲發牌後，先會詳細介紹。
城 電另一樣俾市場質疑嘅弱點，係網絡覆蓋唔完善，目前覆蓋率只約70%；佢話o依家到發牌相信仍有1年時間，其間城電會擴展覆蓋範圍，到時候除咗離島之外， 相信大部份地區都會喺覆蓋範圍以內。佢唔知係咪講反話，話政府效率高，希望政府今年內可以發牌，到時會為市場帶來另一場改革咁話！
|
Next Page