📖 ZKIZ Archives

[貼圖]鄧耀昇

1 : GS(14)@2011-04-11 22:10:10

---

2 : GS(14)@2011-04-11 22:10:23

證婚中心奇妙姻典喺十幾日前突然執笠， 300對準新人徬徨無助，忽然有救星願意出手打救，用優惠價幫佢哋完成人生大事。呢招高明，就算無人幫襯，亦都贏到掌聲，免費為自己宣傳。諗出呢條橋嘅救星係鄧耀昇，佢嘅拉斐特婚禮統籌現時趕緊裝修，準備喺 5月 1日開張。
「做 research嗰陣發現呢行有利可圖，面對嘅最大風險係場地問題。」咁夠膽勇闖呢個成日有人執笠嘅行業，除咗要打清楚個算盤，亦因為佢有一個唔會對佢迫遷嘅業主─佢爸爸、「舖王」鄧成波（波叔）。

鄧耀昇係舖王波叔個仔
「頭一年投資 500萬，入貨加埋交租。一樓成層一萬呎，月租 30萬，市面平均價係 25萬。」點解仲貴過街客？鄧耀昇話：「令業主開心嘛！」揀今年開張，係因為好多人鍾意揀兔年龍年結婚，生兔仔龍仔。現時未開張，已經接咗 50單生意，每日最多可以為廿對新人證婚；婚禮統籌套餐豐儉由人，由 5000蚊到 15萬都有。
開張之前遇上對手結業，鄧耀昇除咗諗住送場地畀 100對奇妙姻典客人行禮，仲諗緊點樣可以接收埋佢哋，如無意外喺聽日（星期二）公佈。
有一萬呎地方，鄧耀昇覺得似乎未夠。佢話，業主已經預留二樓全層畀佢，佢諗緊做曬婚禮統籌，抑或一半用嚟做同 BB相關業務，可以搞 playgroup、託兒、賣 BB用品。婚嫁淡年同淡月（例如農曆七月），個場都用得著，「其實係一年四季都用到，準備搞 wedding planner課程，學員每日都可實習，唔同街外嗰啲課程。」

想婚禮託兒租房一條龍
結婚、生仔兩件大事，都可以幫襯鄧耀昇，咁成家立室點都要有瓦遮頭，租樓又好、買樓又好，佢話佢都幫到手！
鄧耀昇話，自己鍾意投資物業，早幾年買嗰批物業已經升曬，但亦因為樓價升得太高，家佢都無入貨，反之，佢發掘到一門生意──出租套房。「香港嘅年輕人，人工好難追上樓價，所以用種種慳錢方法儲首期，政府係應該搞啲類似套房、年輕人宿舍之類嘅嘢，年輕人唔需要咁大地方，廚房、廁所可以公用……我自己就做好多套房，港九新界都有，將 50個物業改裝，因為屋企經營賓館有經驗，所以啲套房係跟足賓館條例間嘅（即係符合消防條例，同埋靚啲），家有 200幾個客，都係啲想搬出嚟住，又或者剛結婚儲緊錢買樓嘅新婚一族。」
家陣咁好景，咪要發大嚟做？「暫時唔會。第一，樓價太貴；第二，等緊措施（指政府政策），明朗之後會繼續做，長遠一定要做。樓價不斷咁向上，年輕人係租唔到一個真正嘅單位，一係咗分租，一係咗間套房。」係嘅，住屋問題，從來都係香港人頭痕嘅問題，年輕人又好，中年人又好，家陣都好多租唔起一個單位自住嘅。
記者：何凱兒
攝影：梁鑑章

---

3 : GS(14)@2011-04-11 22:10:34

週一人物：舖王撐孻仔「唔會被迫遷」
2011年04月11日

鄧耀昇係舖王鄧成波嘅第五仔，亦係孻仔。孻仔有冇拉心肝？唔知，但至少拉郁爸爸嘅身體。專訪喺拉斐特正在裝修嘅總部進行，波叔呢個大業主，特登過嚟陪個仔影張相打氣。
「照情照理，佢有心機做嘅，係唔會唔得，佢做呢行，至少唔會被人迫遷。」波叔講緊嘅，係最近發生嘅奇妙姻典結業事件。「對發展商嚟講，有新租客畀到好價錢，唔同原租客續租無可厚非；咁佢（鄧耀昇）無呢個顧慮，我照市值租金租畀佢 o架，都叫做一盤生意。」鄧耀昇係唔會被人迫遷嘅，但就要均均真真每個月交租。
波叔有無同囝囝分享嚇營商心得？「無話咩心得，佢呢行，每年都有咁多人結婚，年年婚紗展，人哋都生存到……我唔識呢一行，所以無得講咩心得。」
鄧耀昇 4個哥哥，一個經營飲食業、一個行醫、一個經營裝修建築工程、一個經營眼鏡生意，孻仔鄧耀昇家除咗擁有自己嘅第一盤生意，亦繼續幫波叔做物業買賣、改裝同管理。
近年鮮有露面嘅波叔忙個不亦樂乎，「家啲嘢好貴，但有買嘢 o架，買一幢幢嘅工廈囉！政府要活化工廈，不過唔係每一區嘅工廈都會買，有啲區，政府係唔會活化 o架！」

---

鄧耀昇：部署旗下16酒店項目上市 連同服務式住宅提供4000房間

1 : GS(14)@2017-07-26 10:05:52

http://www.mpfinance.com/fin/dai ... 6577&issue=20170726
【明報專訊】資深投資者「舖王」鄧成波（波叔）近年於物業市場多番出手，今年首7個月已動用約100億元掃貨，包括全幢住宅、工廈及酒店等。被視為波叔接班人、兼STAN GROUP主席鄧耀昇，接受訪問時披露，現正研究將旗下酒店項目上市。事實上，STAN GROUP在本港先後購入14個酒店項目，連同翻新及改裝工程費用，總金額高達150億元，這位「太子爺」強調集團絕對有能力「儲夠」業績上市。

明報記者 甘潔瑩

值得一提的是，早於1997年，波叔曾申請曾把當時市值70億元的物業上市，惟當年遇上亞洲金融風暴，令計劃觸礁。事隔20年後，其兒子捲土重來，再度部署將家族集團持有的酒店和服務式住宅，以一籃子形式上市。不過，鄧耀昇未有透露上市的具體計劃及內容，而業界估計STAN GROUP有機會把旗下酒店以房地產信託基金（REITs）形式上市。

業界料採房託基金形式

作為波叔孻子、兼STAN GROUP主席的鄧耀昇表示，集團擁有14個酒店項目，分佈於香港、九龍、新界；加上早前以約13億元向豐泰購入的九龍城聯合道銅璵，以及斥12億元向亞洲聯合基建（0711）購入的屯門青棉徑菁雋等兩個住宅項目，因會打造成服務式住宅，故亦放在酒店營運中。

他強調，上述16個項目合共提供約4000個房間，「絕對有能力儲夠業績上市」。

今年內再有6間酒店開張

至於旗下14個酒店項目，4個位於油尖旺區的酒店已開業，今年內將有多6間酒店開張，屆時將能提供約2000個酒店房間，而餘下4間酒店將於2018年年中打後投入運作。「初期購入酒店項目，是希望服務訪港遊客，但現時亦希望照顧本土需要，希望提供不同層面的服務。」

鄧耀昇透露，今年成立了兩個房地產基金，引入第三方合作，包括本港及內地資金。「目前兩個房地產基金，分別涵蓋價值20億及30億元的物業資產，當中包括家族過去購入的物業，而明年亦會籌劃基金，涉資產總值約50億元。」他續稱，基金一般有3厘回報率，但在槓桿原理下，連同物業增值的因素，回報率可提升至5厘至逾10厘。

料核心區商舖價值難再勁升

對於未來市況，鄧認為目前香港經濟及政治狀况仍有利物業投資，物業市場長遠始終會上升。他直言看好民生區商舖，因民生社區居民具消費力；而核心區商舖則「唔識睇」，因為現在已很難找到如自由行的特大利好因素，再帶動核心區商舖的價值上揚。若以區域計，他看好新界西北區，仍會繼續物色投資項目。

■有片睇

---

2 : GS(14)@2017-07-26 10:06:18

http://www.mpfinance.com/fin/dai ... 7825&issue=20170726
【明報專訊】鄧氏家族對本港樓市極具信心，近年不斷入市掃貨，更多番購入全幢物業；如今年2月，以23億元向恒地（0012）購入觀塘偉業街163號麗東酒店，亦斥資16.8億元購荃灣汀蘭居投資。不過，最惹市場關注的是購入全幢尚未出售的住宅項目，分別為九龍城聯合道銅璵及屯門菁雋，目前均計劃打造為服務式住宅。

鄧耀昇早前於家族購入菁雋後表示，市區套房租金約6000元，故預計可以月租4000餘元，租到菁雋最細一款實呎128方呎開放式單位；他昨日表示：「傳統酒店及服務式住宅營運者多着重房間內配備，但我期望住客將房間只作為基本住宿之用，大部分生活、活動都在會所及其他商業樓層享用服務，而不是單純着眼於單位面積或其租金。」

旗下兩住宅擬改名 改裝配套

銅璵將於明年5月完成交易，擬明年首季招租；菁雋則於明年底才完成交易及收樓。此外，兩個項目將會有全新名字，雖然不會改動原裝間隔，但會改裝單位內籠配備。鄧續稱，這兩個項目會照顧本土需要，擬協助某一年齡層人士，但透露不是年輕人。

---

3 : 舊會員(60465)@2017-07-26 10:37:44

有錢人要DUP間上市公司，話咁易

---

4 : 舊會員(60465)@2017-07-26 10:47:01

3厘回報經槓桿變5-10厘?真係做到?

睇下佢資金成本吧...即使係大財團，都要厘3至厘4既息掛...

當借7成錢，(0.3*0.03+0.7*0.017)/0.3=0.0697
最盡都係變7厘...10厘未免太誇張吧

而且他也未必借到厘3厘4吧...

---