ZKIZ Archives


雨僑、羅力威 窗邊食麵甜絲絲

1 : GS(14)@2016-03-05 01:26:31

【一腳踢】■同雨僑食完麵,即刻飛的返愛巢,羅力威畀錢閂門拎手袋一腳踢。








【大坑】雨僑前年終於承認同羅力威拍拖,但佢哋公開咗戀情之後,孖咇出入依然好避忌,除咗要戴帽頭耷耷,仲唔敢喺公眾地方十指緊扣,拍拖得嚟好低調。現年30歲嘅雨僑同細佢一年嘅羅力威感情好穩定,日前佢哋又拍拖去咗大坑食日本拉麵,佢哋呢次又係做帽子情侶,一齊戴漁夫帽出動。當晚約7點幾,佢哋入咗一間拉麵店,仲揀咗窗口位對住坐,雨僑坐低就低頭㩒電話,羅力威就望實女友,及至侍應將食物送上枱,佢哋邊食邊傾偈,好有電視廣告見多幾面嘅老夫妻感覺,佢哋食咗約20分鐘就食飽飽,為咗慳時間,仲call定的士,等的士到咗門口先走人。



【冧住食】■雨僑同羅力威撐枱腳食拉麵,滿面冧樣。DV圖片

【返愛巢】■返到寓所樓下見到唔少街坊,就冇再拖手。


■雨僑幫新加坡旅遊局拍攝最新一輯旅遊特輯。互聯網圖片

男友拎手袋

羅力威離開嘅時候盡晒男友責任,幫女友雨僑拎手袋,佢哋上咗的士即喺後座hea爆,的士火速返咗佢哋土瓜灣翔龍灣愛巢,羅力威畀車錢之餘仲繼續拎手袋,先落車嘅佢又等埋女友落車再幫手閂車門,非常體貼,臨上樓前,佢哋去咗便利店買嘢飲。不過愛得低調嘅佢哋,本來落車時人少少都有拖到實,但突然有街坊出現,佢哋又甩番手,警覺性真係好高。採訪、攝影:畢紹基、吳耀輝





來源: http://hk.apple.nextmedia.com/entertainment/art/20160304/19515253
PermaLink: https://articles.zkiz.com/?id=296824

羅力威見娘家沒落:好遺憾

1 : GS(14)@2016-03-06 03:14:32

曾經為亞視創造神話的羅力威,昨日在九龍灣出席活動,被問到亞視目前的情況,他說:「好耐冇人問我關於亞視嘅問題,其實當年參加完比賽(《亞洲星光大道》)之後,一直見亞視走下坡同退步,都有啲遺憾。我出身於呢個電視台,而家冇咗,我覺得好遺憾,喺呢個情況落井下石同批評都係唔好,只係希望喺裏面做嘢啲同事大家好。」林建明(大姐明)日前轟政府沒有保護傳媒界,羅力威坦言不懂回答這問題,不過再問會否為當日沒有發牌給港視而可惜?他說:「好多人覺得好可惜,我亦都係其中一個,雖然我本身冇乜點拍劇,但係作為一個有劇拍嘅人,都希望可以多啲工作,作為觀眾都希望可以有多啲劇欣賞,有多啲平台畀香港去發展。」至於林欣彤亦為亞視感可惜,她說:「我由細睇到大,好多謝佢能夠陪我成長。」採訪、攝影:張俊銘





來源: http://hk.apple.nextmedia.com/entertainment/art/20160305/19516880
PermaLink: https://articles.zkiz.com/?id=296934

羅力威拖雨僑遊母校

1 : GS(14)@2016-03-09 16:26:02

【爆相爆片】拍拖多年的雨僑同羅力威,雖然已經公開戀情,但每逢拍拖都好避忌,幾日前記者見到他們孖實在大坑食麵,全程戴住頂帽頭耷耷行街。行街驚見到記者,但大前日羅力威帶女友返母校民生書院的開放日,以為學校冇記者駐場,竟然全程十指緊扣拖到實!前日讀者吳小姐透過本報「爆相爆片」,指二人拍拖重遊羅力威母校。吳小姐說:「我見到佢哋有拖手、蹺手,冇乜避忌,冇化妝嘅雨僑冇乜人認得,但見到有好多人搵羅力威影相,好受歡迎!」雖然冇人認得出,不過雨僑就看來沒有介意,不時拿着相機幫男友和fans影相,呢個女友認真唔話得。採訪:王梓嫚





來源: http://hk.apple.nextmedia.com/entertainment/art/20160309/19521385
PermaLink: https://articles.zkiz.com/?id=297373

雨僑要羅力威包場

1 : GS(14)@2016-08-08 00:17:15

雨僑、蔡翰億(BabyJohn)、譚俊彥和導演吳品儒,昨在旺角行人專用區為電影《驚心破》宣傳。前日是雨僑的31歲生日,她表示與媽媽食飯慶祝,問男友羅力威有沒有慶祝?她說:「之前已經食咗飯,冇特別送嘢,我哋都唔興。如果真係要送,咁不如包場支持吓部戲嘞。」雨僑透露戲中自己有好大突破,她說:「要着三點式,拍嘅時候得個女導演之外冇人睇過,所以佢應該要入場支持吓。」





來源: http://hk.apple.nextmedia.com/entertainment/art/20160807/19725974
PermaLink: https://articles.zkiz.com/?id=304846

雨僑MV羅力威撐場

1 : GS(14)@2017-07-02 14:19:37

前日雨僑在youtube channel上載了一首新歌MV,該片出現一個彈鋼琴的男人,而他就是雨僑男友羅力威。



羅力威

二人忽然高調,昨日雨僑回覆本報說:「其實好耐無唱歌,咁就嚟派歌所以就趁機練吓歌,有時佢都會彈嚟俾我唱吓,?家有自己studio同in house video team,首歌係《白色巨塔》主題曲,純粹係我哋好鍾意呢隻歌。」




來源: http://hk.apple.nextmedia.com/entertainment/art/20170702/20075635
PermaLink: https://articles.zkiz.com/?id=337706

羅力威 古董車愛情 2017/11/28

1 : GS(14)@2017-12-04 03:38:24

https://skypost.ulifestyle.com.h ... A%E6%84%9B%E6%83%85
羅力威今年先後推出兩首新歌《古董車》和《日落大道》,同樣以車來比喻愛情,前者是細水長流、矢志不渝的,後者則形容激情過後,變成責任的感情關係。揚言明年跟拍拖六年的女友雨僑結婚,他認為《古董車》的愛情最適合自己,更直言:「一直盡最大努力好好保養着古董車。」

羅力威09年參加首屆《亞洲星光大道》奪冠出道,12年加盟英皇唱片,同年贏得多個樂壇頒獎禮的新人獎。一直被讚擁有一把靚聲,聲綫似曹格和周杰倫,事實上羅力威亦很專注音樂事業,出道至今已推出三張大碟、三張專輯,創作歌曲逾60首,努力和才華同樣毋庸置疑。

不過,外表文靜的他常予人「悶蛋」的感覺,但想不到訪問當天他打招呼的第一句說話,竟然是「恭喜發財」;人不可以貌相,其實他亦有風趣的一面。

維繫六年情

羅力威的2017年新歌《古董車》,有別以往的小情歌風格,編曲由Swing成員Jerald負責,曲風帶點趣怪感覺,用上舊樂器的聲效和大量和音,玩味性濃,連羅力威也直言是大突破:「初時有點擔心歌曲太前衞,因編曲與我以往的歌分別很大,只帶有小量我貫徹的彈琴元素,但完成後,出了MV,覺得很新鮮,是一件好玩的事。」

歌曲描述古董車有時會拋錨,開車時又可能「撻不着」,似一段發展不太暢順的感情,但羅力威指古董車的愛情模式亦有優點,就是細水長流,若「保養」得宜,感情keep到幾十年,他更說:「我一直盡最大努力好好保養着古董車。」女友聽到必定心甜。他又承認:「拍拖總會有離合,但我的感情路很順利,我認為現在更是最好的階段。」無怪和女友計劃明年步入婚姻教堂了。

側田任監製

至於另一首新歌《日落大道》,羅力威邀來他口中的「勁人」側田擔任監製,「側田與我一樣,非常專注音樂上,覺得當音樂做得好,自然得到人尊敬。我也希望不論幕後人還是音樂人,都會覺得羅力威好掂。今次側田幫我監製兩首主打歌,其中《日落大道》是廣東歌,我自覺沒有唱國語歌那麼好聽,所以請他教我怎樣唱。」兩位出色音樂人的合作,相信沒有令樂迷失望吧。

撰文︰陳樂怡、王詠瑤

攝影︰Benny

編輯︰黃寶恩

美術︰梁政敏
PermaLink: https://articles.zkiz.com/?id=344710

Next Page

ZKIZ Archives @ 2019