2012-02-23 NM
不少人為了音樂夢不惜餓肚子，不過中五畢業的劉子瑋（Keith）卻是現實派，只愛彈琴玩結他，將興趣變生意，未成年已膽粗粗租鋪開班教學，二十歲 已進駐港島三個「死場」，開設三間教室Gigabite Plus。但每間賺到盡盈利僅一、兩萬元，為另闢財路，他自拍教學短片上載YouTube，策略性地將自己打造成人氣教師，七個月累積瀏覽人次達百六萬。 網民自動找上門，上月單是經YouTube收生的盈利已達四萬。
「好，我哋今日係要零音樂底子嘅你，四十分鐘就學 識彈《那些年》。首先要用capo（變調夾），夾住結他弦上嘅第五格，食指放去第五線嘅第一格……」Gigabite Plus老闆Keith經常凌晨在旺角好景商場的band房，對着鏡頭自拍教學短片，教的是入門技巧，卻是網上人氣教室。Keith自去年七月開始將教學 短片上載YouTube，至今近三百段短片，已吸引逾一百六十萬人次瀏覽，六千五百個追隨者「訂閱」，其中近期人氣電視劇《天與地》插曲《年少無知》，及 電影《那些年》的短片，觀看人次均超越七萬。 見一些歌曲人氣旺，Keith會漏夜拍片放上網，「無人識我間公司，網民亦唔會搜索公司名，但一搜尋《年少無知》，我條片就會顯示出嚟，咁就識到我。」 Keith笑言，除了以快打快，還會以量取勝，剛開始時，為了打響頭炮，一日內上載二十段片，之後每日增加兩段。初時不慣對鏡頭，他只用iPhone影着 手指拍三分鐘，後來粉絲愈來愈多，訂閱頻道的網民以每日逾三十人增長，並開始有要求，例如留言叫他教按C弦的基本手勢等，他因應意見調校及加強內容，片長 亦增至八至十分鐘，涵蓋電結他、木結他、電子琴、打鼓等。他又會吊觀眾胃口，將歌曲「斬件」上載，例如剛才提到《那些年》他便分成五段短片上載，吸引人訂 閱追看，結果一個月有二萬人點擊。
免費教學引新手
「上網睇YouTube學結他都唔係專業玩家，可能係啲網民用嚟自 娛或者溝女，呢啲對音樂有興趣但無認識嘅人好多。」Keith年僅二十三歲，明白年輕人心態，他將短片主題包裝成「溝死仔冧死女系列」、「必學情歌系 列」，又推出聽起來甚有難度的周杰倫《不能說的秘密》及陳奕迅《單車》速成版，吸引「目標為本」的後生仔注意。針對初學者，Keith會仿效補習天王教 學，「有啲人數唔到拍子，我會改用蝦•蛟•燒•賣•咁打拍子，又會指住結他講，呢嚿嘢有啲回音，係嗡嗡嗡，避開revert、delay等字眼，咁講係專 業，但初學者唔會知你講咩。」 免費教學只是餌，幫教室收生賺錢才實際。Keith見YouTube瀏覽人數近一百萬人時，便在短片加入宣傳字眼，例如斥三千元購買結他作抽獎，鼓勵人加 入公司facebook，「我喺YouTube盡量唔會太hard sell，吸引啲人入facebook先講課程收費，等YouTube保持免費頻道嘅形象。」據記者觀察，Keith課堂上沒有特定教材，學生想學周杰倫 《真的受傷了》，他便即時寫譜教學，遇上難明地方，他會叫學生用iPhone拍下，「拎返去睇，夠你玩一個星期。」上週六，他由早上十時教到晚上七時，以 每半小時收費一百元計，一日收入達二千，認真和味。
死場開教室
Keith力谷YouTube人氣，皆因他深明小店難 以發圍。Keith中學畢業後，在柏斯琴行做銷售員，一年後，和琴行同事阿段在紅磡以八千元租樓上鋪教音樂，「我未夠十八歲，由阿段去簽約。」開業半年， 僅收到三個學生，月入二千元，根本交不起租。Keith徹夜度「橋」，派傳單、聯絡舊同事轉介客人、流行曲速成班等，又試過整三文治，揹箱檸檬茶，到樓下 賣十元，吸客上樓學結他，「當然無人嚟，盤三文治食咗一星期。」他還試過在音樂討論區、論壇識朋友，每日返公司開MSN明為「吹水」實為吸客，「同三百個 人傾偈，得三個肯試堂，諗橋諗到人都迷失咗。」Keith笑言，沒收入時，在沙發底找散銀湊夠十元買叉燒飯。「自己捱無所謂，但阿媽經常鬧我唔知喺度做 咩。我好硬頸，雖然無概念點做生意，但深信肯諗辦法就會得。」 拍檔阿段較Keith年紀大，人脈廣，有替唱片公司作幕後彈結他，又認識黃子華《棟篤笑》的音樂總監羅金榮，便帶同Keith拍住上出席賑災慈善騷，替新 人幕後彈樂器，「夾band一日坐足六、七個鐘，呢啲騷都係無錢，當攞經驗，話俾人知十九歲做咗咁多嘢，會有說服力啲。」他獲黃子華賞識作配樂，四場騷每 場收五千元，○八年紅磡樓上鋪滿約，拍檔向作曲事業發展，他則堅持再開店教樂器賺錢。 過去三年，他先後在筲箕灣、柴灣及銅鑼灣開音樂教室，由於資本有限，只選擇租金數千元的「死場」。○九年在筲箕灣天悅廣場開首間教室，他形容時裝店、美容 院逢開必執，惟獨琴行生意例外，「我諗起中學被老師罰抄，有個名詞叫地區專業化，即係特定地區做特定行業，好似波鞋街咁。」趁暑假檔期，他以三千三百元租 下約八十呎的鋪位，為慳錢自己裝修，門面是落地玻璃，他一有空便在店內打鼓，吸引年輕人圍觀。暑期旺季，他以九百八十元共十堂收生，「好多阿媽逼個仔學 嘢，收十幾個學生唔難。」他奉行「慳家」開鋪原則，每一間鋪剛儲夠數萬元，便再找其他死場再開鋪，成功進駐柴灣及銅鑼灣的銅鑼坊。
爛出騷攞經驗
去 年初，他欲擴展至九龍區，以二千元租下尖沙咀尖東堡一個約八十呎鋪位，「點知商場完全無人流，生意死到仆直。」他每次資金是僅夠開鋪，一次挫敗，不敢再 搏。那時他檢視教室的生意，發現三間分店才賺四萬元，遇上考試季節便手停口停，「平均一間先賺萬幾蚊，我好勝，想壯大盤生意。」於是他請了六個兼職導師看 鋪，自己抽身找機會發圍。他不斷參加坊間的結他、作曲比賽，增加名氣。去年五月，參加歌唱節目《超級巨聲》卻在初賽已出局。他心有不甘，「我係有料到，唔 靠電視都可以出名。」兩個月後，自己拍片上載到YouTube成功闖出名堂。 他初時在旺角唐樓租band房收YouTube學生，兩個月賺夠兩萬元，才開設目前旺角好景商業中心的 YouTube網民學校，去年十月，首輪收生已達八十人，收費比其他分店貴一至兩成，「梗係收貴啲，我自己教嘛。」 YouTube收生成功，Keith照辦煮碗打本給女朋友在銅鑼坊分店替新娘化妝紮髻，先拍片上載到YouTube，並想出近七十種自選速成課程，分韓 式、日式髮髻，校園淡妝、十五分鐘極速化妝等，內容變化不大，名堂卻很多，「音樂頻道多人睇，都帶挈到化妝生意。」
窮苦生自學音樂
Keith 兩歲時父母離異，揸的士的爸爸離家時沒扔下分毫。媽媽做文員六千元月薪，要撫養Keith兩兄弟，還因聯名物業被釘契惹上官司，變得性格暴躁，「我同哥哥 有時睇電視睇得夜，佢走出嚟大鬧，有次仲攞埋菜刀。」大哥後來離家出走，從此沒音訊。Keith讀書時做兼職賺錢學琴，十七歲在琴行任職，請教琴行老師， 再自學。媽媽捱到崩潰，希望Keith打工有穩定收入，「我每開一間鋪，佢就鬧我，我唔敢返屋企，日日自己喺鋪頭錄音上網。」他表示，現在屬興趣班淡季， 每月營業額達四萬元算不俗，計劃年中在觀塘開一個二千呎錄音室，可夾band同出租，「好多人都用YouTube，但唔夠魄力，上載幾段就斷咗，依家我夠 人氣，要繼續食住呢條水。」Keith自信地說。
開業資料（10/2011，旺角店）
租金*：$16,800 裝修：$3,000 雜費#：$20,000 總投資：$39,800 *兩個月上期，一個月按金 #包括拍攝器材
營業資料（01/2011，旺角店）
總營業額：$49,300 租金：$5,600 宣傳：$3,000 人工^：$0 雜費：$700 盈利：$40,000 ^未計老闆人工
一點意見
在旺角西洋菜街賣唱的羅金榮（Wing）兩年前曾接受本欄目訪問，他身兼黃子華《棟篤笑》音 樂總監，自資出唱片街頭出售，月入一萬五千元。Wing ○七年認識Keith，認為他是一個識得用音樂搵食的人，「好多音樂人性格固執，覺得學生無天分唔教，但Keith會收咗錢先算，商業頭腦成熟。」他謂香 港不重視藝術創作，音樂人路難行，不出名的音樂人收入很少。 Wing指自己間中都會上載影片到YouTube，但看完Keith的頻道，覺得自己缺乏組織和計劃，「我有時叫自己Wing Lo、羅金榮、Wing，又沒將影片集中一齊，啲人睇完都唔記得我係邊個。」他暗嘆自己「郁得好慢」，沒積極宣傳，「間中網民搜尋黃子華的《藍天》先會搵 到我。」不過音樂造詣方面，Wing則認為Keith有待提升，皆因夾band有時走音、「甩嘴」，「不過佢後生，個人又有自我要求，應該可以進步更 多。」 Keith回應，「做音樂都要搵食，買支靚嘅結他都要使好多錢。」他敬佩Wing對音樂的執着，但他方向不同，會以發展公司賺錢為目標。 ####
記者以為潦倒的band友，才會買二手結他。原來識得揀，二手結他分分鐘變古董，升值搵銀一樣得。一支來自美國密芝根州的Gibson啡色木結他，外形古典，今年六十五歲，買入價兩萬，轉手價賣到五萬！外表帶點潮的Fender紅色電結他，今年二十歲，買入價兩萬，轉手價亦可賣四萬。看中這個二手結他市場的饒仁暉（Kevin）和黃榮華（W），三年前在尖沙咀樓上鋪開設Sens Guitars。他們在不同國家的音樂論壇及網站，購入一支支有不同故事的二手結他，再運來香港轉手，每月淨賺十萬。兩個「中佬」拍住一起賣結他，賺錢之餘，亦重拾當年夾band情懷。 於尖沙咀諾士佛臺的一間樓上二手結他鋪，店內面積三百呎，卻有近百支結他，有浮誇閃爍的電結他、古舊的木結他和外貌恍似小提琴的結他。Kevin坐在椅子上，聽着Jazz，眼睛閃爍地說：「二手結他嘅聲音可以比新結他更靚，因為木係愈老愈靚，加上彈得多，木吸收嘅共鳴就愈多，聲音更加渾圓響亮。」Kevin的眼睛轉向店內的結他說：「呢度每一支結他背後都有一個故事。」 71年加州的一封信 那年，當地有位名不見經傳的女民歌歌手，將唱歌賺來的錢買了人生第一支名牌Martin木結他，她一直把這支結他留在身邊三十多年，無錢時，亦不捨得賣掉。直到去世前，才交由弟弟替他保管。可惜幾年後她們家中有人車禍去世，急需一筆資金辦理喪事，弟弟只好將結他賣出套現，為了賣更多錢，弟弟寫信給當時的Martin老闆，說出姐姐的故事，希望對方為他寫一封信，感動買入二手結他的人。Martin老闆二話不說用打字機打出那封信，並且蓋上公司印章和親筆簽名，幫他們渡過難關。幾十年後，結他輾轉落入Kevin手中，去年他以三萬元買入這封信連結他，再以四萬多元賣出。 27年定情信物 同樣是一支來自美國的Martin木盒子，在世界各地飄流了八十多個年頭，外表已經很殘舊。那是老婆婆年輕時，一位舊情人贈送的定情信物。婆婆不諳音樂，但婚後一直把結他留在身邊，懷念當年情。直至年老時，才把結他送予玩音樂的孫兒。不過，孫兒卻敵不過生活嘅壓力，把它賣了。Kevin一見鍾情，今年以兩萬多元買入後，卻不捨得轉售，留來收藏。但並非每個故事，都可坦白向客人說。Kevin指：「除非客人一定要知，我哋好少主動講。好似有歌星用過支結他，如果客人唔鍾意佢咁咪無咗單生意。又或者支結他嘅主人去世，有客人會有禁忌。」他們會跟客人說為保障上手私隱而不能透露，「咁講客人反而對我哋多咗一份信任。」 找band友做兼職 除二手結他，他們兩年前亦代理日本電結他Seventy Seven，W解釋說：「其實，賣全新結他嘅利潤比二手結他要高一倍，但買新結他的鋪頭周街都係，無咩特別，所以希望兩者吸納不同嘅客源。」店內還有供應商寄賣結他的配套品，如：踏板、結他鋼線和結他肩帶，他們可分得一成五利潤。事實上，香港專賣二手結他鋪亦只有兩、三間，而一個月只要賣到十支、八支二手結他就賺到十萬元！平日鋪頭靠兩位兼職看鋪，他們都無固定薪水，只賺佣金，每賣出一支結他有一成五佣金，「佢哋兩個都係band仔，同客人試結他時jam吓歌，去貨都易啲。」建築師Danny經band友介紹認識了Kevin，就經常逛Sens Guitars，他說：「二手結他的聲音比新結他響亮，而且產生的共鳴大啲，要有咁上下年份先有這個效果。」W中學開始夾band，大學畢業後，為搵食做過代理化妝品、高爾夫球用品等，早就把這個嗜好放低，反而現時開了鋪，才有機會和客人jam歌，他坦言做生意有經驗，但音樂造詣遠不及Kevin，W笑說：「無Kevin對結他嘅專業知識唔得，沒有我就賺唔到錢，一凹一凸。」Kevin是鋼琴演奏級，也在半山區開琴行，四、五年前W常經過，見到櫥窗外有支結他想買，和Kevin「吹吓水」而熟絡起來。現時多數的結他都由Kevin入貨，但計數做生意，他卻時時出錯，他試過把剛購入的十幾支結他留作自己私人珍藏：「個個都話我唔應該同結他談戀愛！」他亦試過將電結他踏板，減至成本價賣給一名學生，「個同學為咗買千八蚊結他踏板，三個月無食lunch，佢嚟嘅時候，拿住了一個保鮮袋，裝的全部都是硬幣和摺皺的紙幣，數錢都數咗一個鐘，最後我俾番八百蚊佢，叫他今日一定要吃一餐好嘅！」Kevin和W的性格大為不同，但對於店鋪發展都有相同看法，「我哋下年會進軍內地，內地的音樂比香港遲咗十年，雖然他們對二手結他認識唔深，開店有一定難度，但都有一定的潛力。」 大牌子易升值 Kevin和W這三年來，經常瀏覽歐美及日本一些音樂的論壇，獲知間中會有人出售手上結他，他們於是以低價買入，運來香港轉售。最穩陣的方式，就是入大牌子，W說：「大牌子Gibson，Fender，已有有六、七十年歷史。呢類結他，每年都可以有百分之三嘅升幅。結他又唔會受到金融風暴嘅影響，哈哈，可能係音樂人唔在意市況。」結他的形狀和顏色亦講究，Kevin說：「現在Les Paul形狀嘅結他會較受歡迎，五顏六色就盡量不會買。好似婚紗係靚，但都唔會日日著。結他都係一樣，淨色先會襟興。」店內的結他價錢，大多在一萬至三萬元之間，W解釋說：「呢個價，顧客會比較快同容易決定買唔買。」如何定價，W和Kevin則從Amazon訂來兩本「天書」《Price Guide》和 《Blue Book of Acoustic Guitars》，裡面標示過萬支今年結他市價，他們只作出約一成調整。Kevin指有機會買入贗品，因此要小心把關，他說：「只要揸上手，彈幾下，就知道是真是假，因為真品嘅手感同木質比較硬淨，假嘅結他頸位容易彎曲。」而其實，每支大廠出品的結他背後都有一個編號，以資識別，「入貨前一定要問清楚賣家和查看清楚圖片先好買，唔係蝕埋運費，好彩我而家都無入過假貨。」結他來到鋪頭後，Kevin則要維修和保養，「較老」的結他需要放在盒子內，再放一包防腐劑，夏天更要長時間開冷氣，「因為溫度太高或者潮濕，都會令木變彎，肉眼未必睇得出，但識貨嘅人，一彈就知。」他們更要隔兩至三個月，更換結他的鋼線和替結他表面打蠟。 開業資料（07/11） 租金$60,000^入貨$700,000裝潢$80,000雜費$5,000總投資$845,000 營業資料（11/14） 營業額$300,000*租金$20,000入貨$145,000人工$30,000雜費$3,000盈利$102,000 | ||||