ZKIZ Archives


葉昇瓚爆搞喊黃紫盈內幕始作俑者係袁志偉

1 : GS(14)@2015-10-21 17:59:19

仲記唔記得前無綫主播黃紫盈報新聞流淚事件?2013年6月27日,紫盈BB傍晚近6時,於互動新聞台報道新聞時眼紅流淚於人前。件事嘅原因,版本眾多,有說原本下晝五點半嘅新聞報道由男主播葉昇瓚負責,但因新聞部高層袁志偉不滿葉昇瓚個髮型,下令換人。當日黃紫盈及張文采同當值,高層先召黃紫盈頂替,但黃紫盈話未必趕得切,於是改為要求張文采頂替報,張文采都應承嘅。但當黃紫盈5點20分錄影完,剛升職嘅張文采就話:「你依家得閒,點解你唔去讀要我讀?」黃紫盈反駁張文采係應承咗喎,但張文采只係話:「我係senior,我負責編邊個讀。」更以上司身份施壓:「依家唔係你話得唔得,係我叫你去做!」黃紫盈惟有抱住委屈心情上陣,卒之落淚人前。件事過咗咁耐,網民「花生」完喇,已為人淡忘。不過,31歲嘅男神主播葉昇瓚離開大台,轉行做財經公關公司,忽然又令人諗起黃紫盈事件。昨日有周刊登咗葉昇瓚篇訪問,第一個問題當然就係黃紫盈喊嗰單嘢。係咪關葉昇瓚事?葉昇瓚話,係老闆唔鍾意男仔髮型有層次一支支,要貼服,「老闆喺電視度見到,message我哋,叫我出返嚟,去廁所整下個髮型。」呢個「老闆」,就係無綫新聞及資料部總監袁志偉。傳聞話,花哥袁志偉個髮型,十年如一日都係咁,所以對葉昇瓚呢個「一支支有層次」嘅髮型不滿,而之後發生嘅事,如上。但葉昇瓚於訪問中強調,唔係佢搞喊黃紫盈,又話唔知點解黃紫盈會喊:「可能黃紫盈突然間諗起啲傷心事。」葉昇瓚指都有問過黃紫盈係唔係唔想幫佢讀,所以喊,但黃紫盈當時就話唔係,而事後葉昇瓚都冇再追問落去。





來源: http://hk.apple.nextmedia.com/entertainment/art/20151021/19341084
PermaLink: https://articles.zkiz.com/?id=293380

黃紫盈南非嘆海鮮

1 : GS(14)@2016-03-05 01:26:34

黃紫盈近日為網站拍攝旅遊特輯《盈遊世界》,出遊一個月,足迹踏遍加拿大、巴西、阿根廷、德國、南非和新加坡,行程緊密。黃紫盈在阿根廷坐遊艇觀賞瀑布,到巴西里約熱內盧滑翔天空,抵達南非即參觀野生動物園,坐吉普車探訪有非洲五霸之稱的獅子、非洲象、非洲水牛、豹和黑犀牛,還到當地酒莊採葡萄和品酒,最後一站返回亞洲新加坡,登上高達165米的摩天觀景輪。黃紫盈指南非又好食又好玩:「佢哋啲西餐同海鮮拼盤又平又抵,我推介大家下次出trip不妨選擇去南非玩,風景都好靚。」採訪:楊定





來源: http://hk.apple.nextmedia.com/entertainment/art/20160304/19515247
PermaLink: https://articles.zkiz.com/?id=296832

黃紫盈呻難做大廚

1 : GS(14)@2016-08-13 14:59:46

黃紫盈前日在灣仔會展出席美食博覽活動,與名廚合作即場教市民煮餸,面對不同大廚,為食的黃紫盈除可乘機偷師,還大快朵頤,她前日就學了用南瓜煮四款不同菜式:「大廚真係好犀利又快手,我做咗呢個活動三年,學咗好多小貼士,無奈仲未成為一個大廚,做呢啲活動最開心係啲廚師好錫我,成日煮多份,等我返入後台時可以慢慢嘆。」




來源: http://hk.apple.nextmedia.com/entertainment/art/20160813/19734139
PermaLink: https://articles.zkiz.com/?id=305687

黃紫盈俾型男冧倒

1 : GS(14)@2016-11-26 13:51:13

「新聞之花」黃紫盈近日為Ikky App拍攝宣傳片,並以「盈悠生活」為主題,今次重點推介中上環好去處,於是紫盈BB就帶大家食好西。原本導演安排咗好多外景,但拍攝期間頻頻落雨,所以臨時轉室內,紫盈BB去了不少高檔餐廳取景。紫盈BB到了其中一間在上環的餐廳,當中佈置有很多街頭藝術,環境特別之餘,還有法國型男招呼,冧到紫盈BB未飲先陶醉,她昨日在電話中說:「嗰個法國intern,真心覺得佢好gentleman。」紫盈BB表示在中上環走景拍攝時,尤其自動電梯上,還遇上很多粉絲,大家都走上前跟她合照打招呼,她全部有求必應。採訪:劉敏




來源: http://hk.apple.nextmedia.com/entertainment/art/20161126/19845683
PermaLink: https://articles.zkiz.com/?id=317106

黃紫盈夾份搞酒窖

1 : GS(14)@2017-01-26 07:44:05

黃紫盈創辦酒窖品牌昨在銅鑼灣舉行發佈會,宣佈旗下甜酒與cafe合作推出甜品及特飲,她更邀請舊同事如林燕玲、黃大鈞、朱明銳及少年食神Michael等撐場,而寸嘴Barbie夏尉喻跟朋友到來祝賀。紫盈說:「合作都係一拍即合,兩星期前嘅事。」酒窖生意投資六位數,仲有一位股東。問她是否愛飲酒?她說:「我鍾意食,不過好少喺街外飲酒,因為飲少少已經臉紅。」夏尉喻近年主打內地電影,近日開始兼顧幕後工作,她說:「我啱啱拍完ViuTV真人騷節目,?家做緊經理人咁,當然有老闆投資,幫莫可謙出碟。」採訪、攝影:馬建華




來源: http://hk.apple.nextmedia.com/entertainment/art/20170124/19906431
PermaLink: https://articles.zkiz.com/?id=324014

黃紫盈蜜會機械男友

1 : GS(14)@2017-04-12 22:42:38

■黃紫盈日前拍宣傳片,獲廣告商安排一個智能機械人Nao做男朋友。



前新聞之花黃紫盈最近為信和集團旗下的Sino Club拍宣傳片,片中安排她有一個智能機械人Nao做男朋友,全程貼身照顧。紫盈昨日在電話訪問中,大讚這個螢幕男友:「Nao識睇、識講,又識分析同照顧人,佢好sweet,我哋好合拍。拍嘢時好多笑料,Nao講對白因為動作太大,kick到反光板,五體投地向前跌,全team人笑到肚痛,不過佢好叻識自己企番起身。」甚少談及私人感情的紫盈,自爆現實生活都有幸福另一半,已封盤的她說:「我感情好穩定呀,大家相處好開心,多謝大家關心。」採訪:陳杰




來源: http://hk.apple.nextmedia.com/entertainment/art/20170411/19986267
PermaLink: https://articles.zkiz.com/?id=330144

黃紫盈熱褲掃貨

1 : GS(14)@2017-08-06 18:41:14

【黃紫盈(黃埔)】30歲的前新聞小花黃紫盈離開無綫後,司儀跟主持工作密密接。日前趁不用開工到黃埔行超市,着熱褲的紫盈BB在師奶堆中十分養眼。她主攻新鮮食材、蔬果和意粉,之後又睇調味料和紅酒,大約買了半個鐘才掃貨完畢。



【專心揀酒】■黃紫盈着熱褲行超市,挑選紅酒時顯得頗肉緊。

之後紫盈BB接受電話訪問表示:「其實我成日都行超級市場,想睇吓有乜嘢新嘢食推出,今次俾你哋捉到。」還笑說:「嗰日有個正義男提醒我有人偷拍,但我擰轉面睇又冇人,原來係你哋,好多謝個男仔咁有正義感!」採訪、攝影:畢紹基、羅德光、梁繼光




來源: http://hk.apple.nextmedia.com/entertainment/art/20170806/20112704
PermaLink: https://articles.zkiz.com/?id=339890

張文采反口唔頂更黃紫盈受屈落淚被封「淚的小花」

1 : GS(14)@2017-08-06 18:41:18

今年30歲嘅黃紫盈,畢業於中文大學新聞及傳播學院,之後就加入大台嘅互動新聞台做主播,咁點解大家又會叫佢做「淚的小花」呢?咁就要講番4年前,喺大台發生咗一件事。是咁的,13年6月27日,當紫盈BB如常咁坐係新聞台上報新聞時,當佢正報道南非前總統曼德拉嘅健康狀況未有好轉,現任總統祖馬要取消出訪鄰國莫桑比克,鏡頭前嘅紫盈BB突然緊抿嘴唇,雙眼通紅,聲線變得顫抖,兩滴眼淚終於忍不住掉下來。紫盈BB呢兩滴眼淚即時觸動咗萬千宅男網民嘅神經,個個都金田一上身,好想查出點解紫盈BB為何掉眼淚,最後謎底終於解開喇。原來事件經過係咁嘅,紫盈BB因與另一主播張文采爭權,後者答應了「頂更」,隨後卻反口,紫盈BB因受了委屈而流淚,被網民封為「淚的小花」。最後佢哋都有被高層照肺,而紫盈BB更被逼放大假思過,思完過嘅佢選擇咗離開大台,一於佢有佢嘅生活,張文采就繼續做主播。咁紫盈BB都唔愁出路㗎,佢離開大台後,就以自由人身份,不停接工作,如接司儀工作、行騷,亦會拍下旅遊節目咁,紫盈BB離開大台時,就曾經話有好多廣告客戶向佢招手,時薪更高達五萬蚊。




來源: http://hk.apple.nextmedia.com/entertainment/art/20170806/20112984
PermaLink: https://articles.zkiz.com/?id=339893

【馮仁昭四圍超】黃紫盈自認廚房達人

1 : GS(14)@2017-08-18 07:54:31

黃紫盈噚日現身美食博覽,示範煮「黑松露帶子意粉」,佢話:「以前喺日本留學,都係自己照顧自己,所以都識煮嘢食。」男友有冇試過佢嘅廚藝?佢笑話:「讀中學已經好鍾意煮嘢食,成日整蛋包飯、意粉、蛋糕帶返學校,男女都食過。」現任男友呢?黃紫盈話:「有,佢話OK。」佢又話?家同男友感情生活健康,有冇結婚計劃?佢話:「事業為重。」撰文:馮仁昭




來源: http://hk.apple.nextmedia.com/entertainment/art/20170818/20124549
PermaLink: https://articles.zkiz.com/?id=340143

Next Page

ZKIZ Archives @ 2019