籲選委勿再受騙 胡國興懶理狙擊「梁粉好膚淺」
1 :
GS(14)@2016-11-08 05:37:07■宣佈參選特首的胡國興籲選委要憑候選人往績投票。江俊豪攝
【特首跑馬仔】【本報訊】特首選委今天起接受提名至下周一，為明年3月26日舉行的新一屆特首選戰揭開戰幔。搶閘宣佈參選特首、反梁振英連任的退休法官胡國興呼籲成功當選的選委，提名及投票候選人時吸取教訓，不要被蒙騙，「要睇佢歷來嘅行徑，一定要睇歷史」；疑因ABC而遭梁粉張志剛撰文狙擊，胡國興直指梁的智囊「好膚淺」。記者：林俊謙 許偉賢
打着反梁連任旗號進軍特首戰的胡國興接受訪問時強調，參選是因為香港在梁振英治下陷入撕裂，「現時係最唔和諧、最撕裂、最分化嘅社會」，指近年有人討論港獨，「係梁振英迫到啲人冇晒希望，尤其香港嘅年輕人，本應好有希望同理想，但現時冇晒，所以出來嘈」。
「我知乜嘢人講大話」
胡國興相信最深層次的分化，源於很多人認為政治制度不公，例如代表多數民意的政黨，在立法會只佔少數議席，政府亦無視青年意見，認為下屆特首若不能在建制和非建制陣營取得共識，盡快重啟政改，香港只會原地踏步，「乜都做唔到，分化撕裂繼續」。回帶至2012年，參選特首的梁振英確實給予不少人希望，胡國興坦承當年不少選委欣賞梁，因梁稱上任後會落區聽意見、建造和諧社會等，他當時已不太相信，4年下來：「選委都可能發現佢（梁）嘅政綱，或者佢做啲嘢，係可以假嘅」。他指在法律界工作46年，「我知乜嘢人係講大話、乜嘢人唔係」，認為講大話者最常見情況是「前言不對後語、閃閃縮縮」，例如聲稱不見了重要文件，重申至今不能接受政府指橫洲事件中，最重要摸底會面沒有文字紀錄，認為「佢（梁）唔走得甩嘅，因為講大話嘅人，一定走唔甩」。
ABC旗幟令胡國興近日受梁粉攻擊，行會成員張志剛日前撰文批評胡參選缺乏準備，「連中學學生會競選也不如」。胡對此不以為意，反駁「佢啲智囊都好膚淺」，「乜叫中學雞參選？而家我參選咗嘞咩？而家我係表達參選意欲之嘛」。問及梁的班底屢受批評，胡直指：「我估如果叻嘅人都走咗啦」，但亦指部份人或因工作問題而留任，當中個別官員是「好人」。
否認李嘉誠游說參選
政圈盛傳香港首富李嘉誠游說他參選，胡強調「嗰啲唔係傳聞，係測度、係猜測，根本唔啱」，堅稱背後無任何勢力支持。胡國興反覆重申非意在「陪跑」，有信心獲150個選委提名入閘，希望選委擦亮眼睛，吸取上屆教訓，「唔好只係睇紙上談兵、只睇政綱……而家（講到）天花龍鳳，唔知真定假，要睇（候選人的）歷史，要考慮佢哋行徑」。他認同梁振英近年跌至負值的民望淨值，是選委提名和投票時的重要參考。問及如何取得中央祝福，他指中央會相信他的為人，「我有誠信、公平公正、直話直說，不會矯揉造作或欺瞞，處事又公道，所以得人信心，呢樣好重要，中央都會考慮呢幾方面嘅嘢，先諗是否接受到」。
來源:
http://hk.apple.nextmedia.com/news/art/20161108/19826413
陳太籲選委追問落實普選
1 :
GS(14)@2017-01-12 07:58:21【本報訊】「香港2020」召集人、前政務司司長陳方安生昨與成員召開記招，呼籲選委會成員向特首候選人，就如何守護香港核心價值、落實全民普選、《基本法》23條立法等重要問題作出10大提問，透露近日將約見泛民專業界別選委表達有關意見。
不建議泛民派人參選
陳太又指，明白現時特首選舉並不民主，但「香港2020」並不贊成選委投白票，亦不建議泛民派人參選，認為選委應集中票源，以策略性方式盡量發揮最大影響力，選出能捍衞一國兩制和香港核心價值的特首，又批評盛傳本周內將辭職參選特首的政務司司長林鄭月娥，近日處理西九興建故宮博物館一事的手法拙劣，令事件好事變壞事，批評林鄭處事方式黑箱作業，違背港人諮詢的權利，「佢都未曾出嚟宣佈話要競選，已經採取咁嘅態度，係咪只係另一個CY（梁振英）？」對於曾俊華辭任財政司司長至今未獲中央批准，陳太認為，中央不可能只批准林鄭辭職，而不批准曾俊華，又指最近傳出中央勸退曾俊華的消息「都未必係真」，並指中央若對林鄭和曾俊華辭職採取不同處理手法，將令港人覺得莫名其妙。對於自己近日被邀出席下周美國總統特朗普就職典禮，陳太指，目前已約見傳統基金會，希望了解特朗普政府對一個中國、中美關係等看法，此行亦會參加特朗普的總統就職舞會，相信屆時會見到特朗普，至於與其他美方官員的約會則仍在安排中，目前未有確實行程。■記者林俊謙
來源:
http://hk.apple.nextmedia.com/news/art/20170111/19893184