舊區配套齊備隔籬有街市
1 :
GS(14)@2017-04-04 08:53:15【本報訊】以擁有全海景作賣點的長實（1113）北角新盤維港頌，實際上，除前排向海大戶外，部份細單位只能望區內樓景，甚至是隔籬的街市。首批最平單位6座8樓B室一房戶，入場價過千萬元，對望是北角電氣道街市及熟食中心，以及港燈客戶中心的樓景。
兩分鐘步程到港鐵站
綜合記者現場所見及項目售樓說明書所列資料顯示，該維港頌一房單位，折實入場價達1,030萬元，面積437方呎，呎價約2.36萬元。如要望海景，要走出露台，視野從屋苑第8座及港燈物業之間的罅位，見到海水，但已經足夠被吹噓做有海景，亦即是話，一個過千萬的一房單位，只可以望樓景，如果想買到4房近1,600呎的全海景樓王，呎價更加高達3.26萬元至4萬元，入場費更達5,345萬元至6,421萬元，足足要半億元有多。由於北角已屬舊區，區內社區配套齊備，交通方便，記者於項目現場實測，由維港頌行到炮台山港鐵站，只需2分鐘步程。同時，區內有多條巴士線，甚至可以坐「叮叮」，基本上往返港九新界各區都不成問題。日常買菜就正正可以到上述提及的北角電氣道街市。或可到鄰近春秧街露天街市及渣華道街市，購物方便。區內除了兩大指標屋苑城市花園及和富中心，周邊以單幢洋樓及唐樓為主，普遍樓齡都偏高。
【街坊齊指定價貴】
■葉先生
葉先生：「北角樓就梗係貴啦，維港頌定價係堅離地、畸形，真係要用嘅人用唔到，遲早跌返。我自己有樓，一定唔會考慮，就算幫後生上車，都唔會喺呢度上車啦。」
■黃太
黃太：「已經有代理打電話畀我推介維港頌，項目位置係好，但唔會考慮買，因為實在太貴，最平嗰間3房都2.4萬元一呎，都要2,400多萬元，小朋友一格階磚都買唔起啦。」
來源:
http://hk.apple.nextmedia.com/financeestate/art/20170404/19979351