ZKIZ Archives


遭工聯會拉下馬 指老闆最開心 勞顧會敗選 梁籌庭憂審批外勞失守

1 : GS(14)@2016-11-20 23:41:57

【本報訊】勞工顧問委員會選舉落幕,已連任勞方委員20年的公務員工會聯合會總幹事梁籌庭,在未獲工聯會「祝福」下墮馬。梁籌庭接受本報訪問時明言對結果感到詫異,公工聯執委會認為事件意味工聯會「主動要同我哋拆檔」,料雙方日後難再合作。他又表示,政府近年在輸入外勞問題上不斷向勞方施壓,他最擔心勞顧會日後在審批外勞方面失守,寄語接任人守住防線。記者:盧文烈



勞顧會自80年代後期起便由工聯會、勞聯、公工聯、公務員總工會及工團5會代表,瓜分5個勞方委員席位,餘下一席由政府委任,五會一向有默契協調配票。但工聯會大部份屬會今屆卻轉為支持首次參選的紀律部隊人員總工會主席劉玉輝,令梁籌庭以67票之差落敗。


預料日後難再合作


梁籌庭說,工聯會手握逾半數選票,「鍾意畀邊個贏都得」。上月底有傳媒報道劉玉輝獲工聯會「祝福」,但工聯會從未通知他改變遊戲規則,「飛起我唔係問題,但點解唔話畀我聽,其實你單聲就得,我可以唔選,甚至改派另一個人選」。他透露,公工聯執委會曾討論事件,他自問過去二十年投入勞顧會工作,「喺勞工問題上,我睇唔到做咗乜嘢係對唔住全港打工仔」。執委會認為工聯會此舉猶如「主動要同我哋拆檔」,相信日後再合作機會極微,「我哋始終係被動」。梁指今屆也有報名參選勞工界選委,但在工聯會坐擁大部份選票下,坦言已打定輸數。



籲接任人守住防線


「僱主唔鍾意我,我完全理解,但如果自己勞顧會裏面嘅(勞方)同事唔鍾意我,甚至唔想我喺裏面,呢樣嘢我一路冇感受得到」。梁籌庭說,今次敗選,相信老闆最開心,「卒之除去眼中釘」。他估計被拉下馬是由於平時態度太強硬,得罪僱主之餘,也觸怒個別勞方委員,「正如你哋(傳媒)所講,無法駕馭呢條友,㩒唔到我嘛」。他不諱言,過往在輸入外勞問題上,與個別勞方委員看法未必完全相同,他堅持否決買位院舍輸入外勞,建造業方面,他也反對輸入扎鐵、釘板等工種外勞,因香港有足夠本地工人應付,但試過有勞方委員反問他:「點解唔畀我入,你話畀我聽」。他說自己過往在外勞問題上是「守得最硬嗰個」,已引起資方及僱主不滿,他最擔心換屆後勞方在審批外勞問題上失守。回顧20年勞顧會委員生涯,梁籌庭說,最有成功感是當年促成最低工資立法。對於新當選的劉玉輝,梁表示不認識對方,一切只能拭目以待,但寄語劉熟讀勞工法例及多了解勞工事務,盡力維護僱員權益,「入到去(勞顧會)就要埋牙做嘢,唔係嚟學嘢」。




來源: http://hk.apple.nextmedia.com/news/art/20161119/19838850
PermaLink: https://articles.zkiz.com/?id=316196

梁籌庭:689勞工政策不及格

1 : GS(14)@2017-01-04 23:05:22

【本報訊】梁振英上屆特首選舉獲勞工界29張提名,更因政綱提出研究標準工時、逐步降低強積金對沖比例等,令勞工界60票幾乎全投於他。回顧梁任期只餘半年,再次當選勞工界選委、當年也撐梁振英的公務員工會聯合會總幹事梁籌庭坦言,當年勞工界對梁確實有很大期望,直至討論標時問題時,政府言論一面倒傾向僱主時始發覺有問題;埋單計數:「勞工政策嘅成績表佢(梁)真係唔及格。」


斥標時諮詢造數


對於下屆特首要求,梁籌庭未開列具體政策清單,但憧憬對方可以處理與僱主的關係,取得共識支持推行勞工政策,因為梁振英前車可鑑。「梁振英好想推動勞工政策同改善勞工工作時數,當時睇到佢想做,亦睇到僱主嘅反抗同政府嘅無奈、唔成功。」他說作為特首,除了可以為僱主提供誘因改善勞工待遇,同時要有強硬手腕推動政策。梁振英作風還不夠強硬?梁籌庭說:「佢強硬唔係對僱主,而係對勞工!」指政府推出標時諮詢時已完全站在僱主一方,「做好多數據對勞工不利,話畀全世界聽,如果你行標準工時,僱主要多付幾多個億,可能會導致幾十萬工人失業」,卻沒有點出標時可改善勞工健康、醫療開支大減等,「(政府)作咁多負面宣傳係畀咗子彈僱主同僱員開火」。梁籌庭坦言當年亦支持梁振英,「佢出來競選時,我哋勞工界對佢好大希望,佢一上來話乜嘢擔張凳仔,攞本拍紙簿出去搜集民意,呢個做法令我哋有一點信心,感覺到新嘅特首對勞工有一套,會加把勁」。他批評梁振英勞工政策着墨不多,口號多於實際。目前幾個特首參選人或潛在人選,當中政務司司長林鄭月娥、財政司司長曾俊華及新民黨主席葉劉淑儀均是政務官出身,梁籌庭相信公務員希望由同樣公務員出身的人當特首,因為公務員熟悉政府的運作,制訂政策配合市民所需。他指三人中以林鄭及葉劉優勢較大,曾俊華則屬於「黑馬」。梁籌庭又指出,曾俊華過去集中財務範疇的工作,管治方面未夠全面,但是他亦指「兩位女士好打得、好硬淨」,反而是她們不穩陣的地方,因為推政策太強硬,未來5年亦只會吵吵鬧鬧,與現在梁振英治下政治鬥爭不絕的情況相若。■記者陳雪玲




來源: http://hk.apple.nextmedia.com/news/art/20170103/19884651
PermaLink: https://articles.zkiz.com/?id=321180

Next Page

ZKIZ Archives @ 2019