記招晒500萬現金加500萬支票亞視篋底「裝假狗」？
1 :
GS(14)@2016-03-06 02:15:43亞視新投資者、中國文化傳媒國際有限公司（下稱中國文化）股東司榮彬，昨日凌晨五時左右向員工發短訊，呼籲他們「千萬別收德勤解僱信，靜候司總的好消息。」又指會繼續無償注資1000萬元資金，並聲稱「也剛跟德勤總部溝通，力求矯正香港德勤的錯誤決定，支持亞視重組發展。」昨日亞視股東於亞視大埔總台舉行記者會，展示500萬現金及由司榮彬簽署的500萬支票:「總數係我哋commitment（承諾）嘅1,000萬，當係送畀亞洲電視。」何子慧指員工薪金會用現金發放，其餘會存放夾萬，日後再動用。亞視力證有資金可營運下去。不過有網民就質疑，呢篋金牛，有古怪，疑在篋底「裝假狗」，而且左下方底部嘅紙幣條邊係紅色，好明顯唔係$1,000紙幣。若果全部都係1000蚊紙，500萬就有5,000張。個箱約莫有9疊，每疊500幾張，所以箱底有嘢墊起亦唔奇。但紅色綑邊嘅鈔票又係咪$100呢？
來源:
http://hk.apple.nextmedia.com/news/art/20160305/19517660