|
||||||
|
「殼王」陳國強 （圖）喺上個禮拜買咗邵氏兄弟，從而入主電視廣播（TVB，511）之後，唔少人都想知道殼王點樣可以擊退碧桂園（2007）老闆楊國強，仲打贏埋四叔大 公子李家傑，買到TVB返嚟。咁有話題性嘅新聞，自然有唔少傳媒去「殼王」經常出沒嘅地方守候，希望當事人出嚟解吓畫。 記者等呀等，「殼王」就一直唔多理，上個星期尾仲搵人出咗份新聞稿，話陳博士（新聞稿裏面對「殼王」嘅稱謂）除咗就TVB所發表嘅聲明之外（份聲明26號出嘅），無任何資料補充，直到交易完成之後先會安排傳媒發佈會。換句說講，即係叫傳媒唔好去等佢。 不過咁，話說喺單交易公佈之後第二日（即係27號），陳博士就已經選擇性咁搵咗三間媒體做訪問。唉！就係因為無份做訪問先去等，o依家陳博士仲連記者去等都要發份稿嚟趕人，真係厚此薄彼嘞！ |
||||||