【師生戀又點喎！】老師靚仔身材好韓女3秒轉軚：拍拖啦！
1 :
GS(14)@2016-07-12 22:08:15熱播韓劇《Doctors》大玩師生戀。
【三個粉絲追韓劇】一講到「師生戀」，港男港女、韓仔韓女都會擺出一幅驚訝嘅表情，「唔係吓嘛？」、「同老師？」、「犯法o架喎！」、「接受唔到囉！」不過，如果老師係靚仔靚女身材好，就即刻轉軚話「拍拖啦！」熱播韓劇《Doctors》大玩師生戀，由金來沅飾演暖男老師，朴信惠做純情學生妹，俊男配美女，即使係師生戀都令觀眾心動！《三個粉絲》動主播阿仙、Viu韓劇導賞員Ruby同埋太成就「師生戀」議題，做咗個「韓國、香港街頭大問答」，大部份受訪者即時反應都係反對師生戀，但被追問「如果你嘅老師係男神或女神...」，九成都立即轉軚！
金來沅（左）飾暖男老師，朴信惠（右）做純情學生妹，俊男配美女，即使係師生戀都令觀眾心動！
三個粉絲做街頭測試，假如老師係靚仔靚女，你又接唔接受到師生戀？
韓女Hwang Jin Sol大讚金秀賢乜都好，話佢形象正經適合教經濟。
韓男韓女指，如果老師係金秀賢、金來沅、朴信惠、全智賢等，師生戀梗係okay。韓女Hwang Jin Sol講笑話，如果男神金秀賢做老師，就一於「拍拖啦！」喺佢心目中，金秀賢嘅全部都係最好嘅。又因為形象正經，所以覺得佢應該教經濟。另一韓女Jo Jin Hyeon揀《Doctors》男主角金來沅，話想佢教體育，順便可以欣賞佢嘅body！而韓男Cha Hyun Min就揀朴信惠做老師，希望佢可以教數學。至於港男港女認為，如果係少女時代嘅允兒、Super Junior嘅崔始源，或者《太陽的後裔》男主角宋仲基做老師，都可以接受「師生戀」！
韓男Cha Hyun Min就揀朴信惠做老師，希望佢可以教數學。
韓女Jo Jin Hyeon揀《Doctors》男主角金來沅，話想他教體育，順便可以欣賞佢個body！
不過唔好FF師生戀，無論喺香港定韓國，師生戀都是禁忌！劇中金來沅因為傳出師生戀要辭職。
金來沅在《Doctors》飾演暖男老師，朴信惠和李聖經都分別為佢心動，原因係佢因材施教，關心關顧每位學生嘅不同需要。而喺韓男韓女心目中，認為「好似朋友嘅老師」會係好老師，如果能夠記住每位學生嘅名，亦證明老師關心學生，係一位好老師。港男港女就認為「唔用成績區分學生」、「唔偏心」就係好老師。好老師足以影響學生嘅人生，好似《Doctors》劇中，朴信惠睇到讀醫出身嘅金來沅救人，激發佢踏上醫生之路。不過唔好FF師生戀，無論喺香港或韓國，師生戀都係禁忌！劇中金來沅因為傳出師生戀要辭職，自此與朴信惠各行各路，幸好十年後，佢哋以醫生、前輩後輩嘅身份再重遇，先可以展開戀情。究竟佢哋能否有情人終成眷屬？今晚有得追！
好彩朴信惠曾經見到讀醫出身嘅金來沅救人，激發她踏上醫生之路。
結果十年後，佢哋以醫生、前輩後輩嘅身份重遇，先可以展開戀情。
主持：動主播阿仙、Viu韓劇導賞員Ruby和太成記者及繙譯：卓惠媛(Joyce)攝影：陳家文、李錦鏵《Doctors》片段由Viu提供：
https://goo.gl/3XJSlB【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20160712/19690585