ZKIZ Archives


利字當頭:人真係好短視 利世民

2008-09-24  AppleDaily

前 天鄰居思哲問世民︰「你覺唔覺得人真係好短視?」問題不易答。當然,思哲不是有心刁難世民,只不過「人是短視」這個前置,在過去幾千年來,一直被用來合理 化幾乎任何事情;由支持漢武的平準均輸,到政府禁制股票沽空交易,理由都是一樣︰「人嘛,都是短視的。」思哲直言覺得有點不妥,拿出來集思廣益,希望可以 辯出個所然來。

用作合理化事情

「人何止短視!人嘅念頭直情每分每秒都會變。佛家講嘅『剎那』,就係一念嘅生滅之間。其他唔 講,你記唔記得自己最初買股票,由落盤到抽牌改牌到成交,由信心爆棚到惶恐不安,不斷嘅內心掙扎。你話嘞,人點可能唔短視!」「如果人真係咁短視嘅 話……」思哲沒有預期到世民會有這個答法。「人真係咁短視又點?我知你想問乜。短視同毒奶粉抑或毒金融產品,又有乜嘢必然關係呢?短視等於搵快錢,聽落好 似好有邏輯。問題係,有騙徒都要有苦主肯落叠先得嘅。如果唔係資訊不對稱,又點會可以俾騙徒有機可乘先?再講,如果話人人都淨係識搵快錢,不如去搶仲直接 啦!」「近來連串嘅金融災難,加上毒奶粉事件,我哋企響自由經濟呢邊,好難理直氣壯。」思哲終於問到核心。「冇失誤嘅資本主義,就好似冇原罪嘅宗教 (Capitalism without failure is like religion without sin)。唔係話我幸災樂禍,只不過係大家對問題嘅解決方法有唔同睇法,我就唔信做官嘅就可以有長遠眼光,事實係全世界都係短視,不過市場糾正嘅機會點都 大過政府,速度快過政府。」「咁美國政府出手救金融機構,你點睇呢件事呢?」思哲問。「美國政府出手,真係有用咩?好似小布殊話齋,係起咗太多根本唔應該 起嘅樓。美國樓市只要繼續低沉落去,問題都唔會得到解決。大家都係香港人,都知道政府對樓市,係成事不足,敗事有餘。」

股市跌賴沽貨者

「咁 各國政府暫時禁止沽空交易,你又點睇?」思哲再問。「沽空,本來係鼓勵好友長揸嘅制度。假設你係長遠大好友,但個市近來又唔爭氣,有人問你借貨沽,其實皆 大歡喜。借貨博一鋪嘅,可以賺一筆;想長揸嘅,又可以賺一筆,分分鐘趁對手沽貨時,執番啲平貨;宏觀啲睇,沽貨嘅人始終要平倉,如果撒賴話沽空嘅人令個市 落,實在係搵人食死貓。今次人家暫時禁止沽空,係怕counter-party risk唔受控啫,千祈唔好亂諗嘢。」
PermaLink: https://articles.zkiz.com/?id=2309

季度業績鼓勵短視 左丁山

2009-01-31  AppleDaily


 

一 月二十一日寫「北電傷盡加人心」,收到兩封讀者電郵,其一來自Zoe Chan,係Nortel嘅Corporate Maketing and Communications職員,應該係北電香港嘅發言人。左丁山寫北電(香港譯名)之資料,取材於彭博通訊社網站,冇睇過北電之新聞稿。Zoe Chan附上中文新聞稿畀左丁山睇,謹此多謝。新聞稿話北電在亞洲地區的分公司、子公司和在加勒比海地區和拉丁美洲地區,以及北電政府解決方案業務都不會 受到這些問題(按:即破產法第十一章)的影響,將繼續正常運作。

此外又強調:「北電(Nortel)是全球公認的領先通訊業界領袖。」北電係業界領袖,冇 人懷疑,股民(特別係加拿大股民)只係驚訝、驚恐,為何一個業界領袖會由科網股高峯期嘅股價一千二百幾元(加元),下跌至今天的十零個仙,渣都冇晒!

另一 位讀者C太大概係會計師,佢話以佢之經驗,美國好多CPA十分水皮,連香港考到倫敦商會LCC Higher識嘅佢哋都唔識,一位考美國CPA成績甚佳之人,唔識現金流報表,唔識做綜合賬,唔識做權益賬,點樣去做內部稽核與合規工作呀,C太又話: 「美國證交會平時問嘢多多,但啲問題係廢嘅,根本冇用,只係用嚟等D會計不停做,只計量不計質,只要快不要質,加上而家D audit將貨就價,D新仔又冇sense──收到季報有鬼用咩──short-termism,過咗海就係神仙……美國上市嘅股份Report有幾真, 我就慷慨D畀個大折扣!」

左丁山之會計學知識只係比LCC Higher(倫敦商會試高級會計程度)高少少,讀中五時考到Higher,已經年代久遠,入咗大學又必修會計學原理與選修成本會計,料子係咁多,如果C 太話一啲美國CPA嘅會計造詣不如香港一個會計部高級簿記員,咁就真係得人驚一啲。C太又講到美國公司之短視,當然就係每季發表業績報告之直接結果,左丁 山對季度業績發佈,甚有保留,認為一來不足以保護小投資者,二來會增加上市公司overhead(間接費用),減少公司利潤,到頭來只係益咗啲對沖基金利 用季度業績之預期嚟炒上炒落,香港交易所千祈咪搞!
PermaLink: https://articles.zkiz.com/?id=5550

雲籌網略:回顧港拒阿里上市的短視

1 : GS(14)@2016-09-18 10:48:47

杭州G20峯會落幕,阿里巴巴馬雲意外地成為峰會焦點人物,皆因峰會公報把其eWTP計劃(Electronic World Trade Platform)納入其中,中國媒體吹捧為「打破美國自二戰後主導全球貿易規則的局面」。今年3月,馬雲在博鰲亞洲論壇上宣佈「我呼籲大家共同建立這個平台(eWTP),不管你願意不願意,你同意不同意,我們必須去改變,必須去創造一個新的平台。」親身演繹了甚麼叫霸氣凌人。然而包括泰國、印尼等國家領導人,在G20上卻都爭相巴結這位中國網絡巨頭,或邀請他為當地中小企發展電子商務系統,或邀其擔任電子商務顧問。阿里巴巴2014年在美國上市後,話題不斷,交投活躍。每天成交金額高達50億美元(約380億港元),在某些日子,接近港股一半成交額,這不得不令人想起,香港兩年前按本子辦事謝絕了阿里的上市申請,把阿里拱手讓給紐交所。難怪事隔兩年,還有不少證券行家批評監管當局,「斷人衣食猶如殺人父母」是也。證監會與港交所聯合向業界推出上市監管架構諮詢,身兼香港上市公司商會主席的「紅籌之父」梁伯韜,召開記者會時,也忍不住炮轟本港證券監管機構不思進取,窒礙新股來港上市,認為必須檢討,發展多層次資本市場。對於引入包括合夥人制的同股不同權制度,其實亦可建議設下限制來管理風險,作通盤可行性討論──此舉是明顯針對港交所兩年前否決了阿里來港上市的申請,當年港交所以阿里巴巴「同股不同權」的合夥人制度,以不為單一企業開先例為由,拒絕研究改制。梁伯韜認為,監管機構未有吸取教訓。直言「我們(銀行)不會找風險管理部門或合規部門,去負責市場發展及產品,如果這樣,投資銀行一定會倒閉,沒有生意。阿里上市差不多兩年,我們採取了甚麼行動和檢討,未有,如果我們還這麼固化的一個架構,會影響市場發展,這是我最擔心的事。」「紅籌之父」的批評有其道理。畢竟他在九十年代把紅籌公司帶來香港上市,包括上海石化、上海實業等,在當時來講也可謂創風氣之先。若沒有梁伯韜有點「走後門」的開通紅籌這個海外集資渠道,後來的國企、民企IPO海外上市潮也會有變數。港交所2004年讓騰訊上市時,誰能想到騰訊有一天會成為中國市值最高公司,甚至帶旺恒指交投?我們不能旨意監管當局只放好公司來港上市,樹大自然多枯枝,紅籌民企上市多了,爆煲事件自然也不會少。但難道做sales的可以因為怕「揹鑊」為理由就揀客嗎?回頭來看,如果當年交易所也因規矩不符或並無先例為由就拒絕紅籌、國企來港上市,現在的香港金融中心地位會是怎樣,大家敢想像嗎?港交所及證監認為堅守規則重要,這不是錯,但有時為了打開一番局面,敢於改祖制,力開新河才是王道。墨守成規,全不變通,落伍是必然的。如果以守業為名,實則抱殘守缺,與現實脫節,則恐怕香港金融中心地位有朝一日會遭淘汰。無謂君
https://www.facebook.com/wuweilord




來源: http://hk.apple.nextmedia.com/financeestate/art/20160918/19773513
PermaLink: https://articles.zkiz.com/?id=309534

「只炒股炒樓 拒投資科技」邱達根批評港人短視初創公司難生存

1 : GS(14)@2017-11-05 15:23:33

【周一專題】傳統本地家族逐漸進軍科技產業,遠東發展(035)已故創辦人邱德根孻子邱達根創辦的慧科資本,斥逾2億元投資30項早期科技,當中三成屬以色列初創。即使家族與朋友均屬地產界,他仍批評港人只愛炒股炒樓,「口袋裏有100元都不願付出1元投資科技」,結果令本地創科企業難以生存。記者:周家誠


傳統本地家族僅長實李嘉誠投資創科最有標誌性,其餘僅以少量私人資金參與,或仍在物色項目階段,新近有信置(083)主席黃志祥表示將到以色列尋找投資項目。邱達根接受專訪時表示,外國投資者願意長線投資科技企業,相反香港投資者重視短期盈利,令本地科技公司難出頭。他批評香港欠缺早期投資,「個個都係做上市前投資,冇人願意投資早期創業公司,都係興嗰時先投吓咁」,他又形容基金要交數,「最好2至3年即食,上市後走人」。至於私人家族對創科投入亦不大,「都係要3年賺到錢,唔會投資一間初創10年,冇資金支持人哋咪走囉」。邱達根承認,若傳統地產商忽然投資風險較高的科技產業,或惹來投資者批評,但股東家族私人資金其實有能力投資,「唔係話履行社會責任,將資金扔落鹹水海,好多有潛力嘅公司係有回報」。邱達根指出,投資者毋須將所有資金放落科技產業,舉例每100元可拿5元投資科技,「但香港情況係1蚊都冇,咁你成個發展咪傾斜囉,話樓好貴,咁你99%投資去呢啲,冇辦法㗎喎」。

稱成功故事可吸引資金

要改善整體創科投資氣氛,邱達根認為香港首先要有成功故事,例如電子錢包TNG、GoGoVan,雖然是走大眾市場而非尖端科技,但進一步壯大可令人鼓舞,或吸引更多資金投資初創。邱達根大學時修讀工商管理,1999年因緣際會投資中軟國際(354)而接觸科技,不過2000年香港科網爆破,他目睹不少資金即時撤走,令到有潛力的科技公司「死晒」。他於2014年創辦慧科資本,專攻擁有尖端科技及具有知識產權的初創項目,並進行7至10年長線投資,現時投資規模約3,000萬美元(約2.34億港元)。慧科資本7月獲得證監會批出9號牌(提供資產管理),被問會否藉此希望其他家族青梅竹馬一起投資?邱達根坦言一直有向他們推介,「如果10年前叫佢哋投通常會話你傻,但呢兩、三年會有人直接問我有乜好項目,心態改善咗。」不過說到底,香港尚未有大量長期基金進駐,仍是一大憂慮,邱達根說:「好似我每月都接待一批以色列嚟嘅團隊,講真猶太人好現實,佢問你有冇人投資先?有我咪搬過嚟囉」。他認為家族若願意承諾長期提供更多資金,將有助初創落戶本港。



來源: https://hk.finance.appledaily.co ... e/20171030/20198745
PermaLink: https://articles.zkiz.com/?id=343688

Next Page

ZKIZ Archives @ 2019