ZKIZ Archives


B女百日宴不停打喊露關心妍認老「唔知仲有冇得生」

1 : GS(14)@2016-11-16 04:54:26

■關心妍與老公昨日為囡囡搞百日宴,得意妹玩足半日,影相時打喊露超可愛。



現年37歲的關心妍(Jade),今年7月為老公楊長智誕下小公主楊榮心(Jovia),停工全職湊女的Jade,昨日在中環四季酒店舉行一連兩場的百日宴,上午安排親友吃自助餐,下午則以酒會形式招待朋友,出席藝人包括古巨基婦夫、蔡一傑、許廷鏗、蒙嘉慧、鄭融、康子妮及胡鴻鈞等等,面對傳媒,B女不停打喊露,又眼仔睩睩,非常可愛。
Jade指百日宴籌備了半年,心情有點緊張,皆因自己沒有在香港辦婚禮,同時又自爆瘦了8磅,但上圍則升了三cup。Jade說:「今次嘅場地佈置由古巨基構思,全部用咗幾多錢就唔知,呢個係老公負責。」



■關心妍囡囡尚有10多天便4個月,遺傳了媽咪有濃密的頭髮。

■古巨基(左)出心出力,為關心妍囡囡百日宴構思佈置及回禮禮盒。

■不少圈中人出席百日宴,還齊齊拿着B女的人形紙牌合照。


未諗復工

問Jade會否再追仔?她指老公都喜歡囡囡,但現在不敢講追多一個,笑指這次都等了7年,追多個是好深的課題。Jade笑謂:「我老喇,再等7年唔知仲有冇得生。」至於何時會有新工作?Jade表示還未想這個問題,現在每日湊女,囡囡很黐她,自己與老公都不捨得離開屋企太長時間。昨日不少嘉賓送禮物或禮金予囡囡,Jade表示會捐給自己創辦的「姸亮生命慈善基金」。至於她又送了甚麼禮物給囡囡?Jade說:「佢仲有10幾日就4個月,同佢買咗保險,仲有讀書基金,呢兩樣都好重要。」另外,單拖現身的蒙嘉慧指之前已見過BB女,覺得好過癮,但自己未有生B打算,見她身形略為纖瘦,問是否減肥成功?她只表示瘦了一點點,仍需努力。採訪:王連連攝影:仇志德




來源: http://hk.apple.nextmedia.com/entertainment/art/20161115/19833571
PermaLink: https://articles.zkiz.com/?id=315549

Next Page

ZKIZ Archives @ 2019