ZKIZ Archives


曾蔭權:放懷看港獨問題

1 : GS(14)@2016-09-09 05:20:06

【本報訊】港獨思潮在梁振英政府嚴陣以待下,近年迅速蔓延,本土派當選進入立法會。不過,前行政長官曾蔭權卻對此另有一番見解,他接受報章訪問時表示,港獨問題真假未明,因此毋須過份緊張,「有啲嘢係真嘅呢,你點消滅都消滅唔到嘅;有啲嘢係假嘅、係虛浮嘅呢,你唔使做咩佢都會自動消滅」。身為虔誠天主教徒的曾蔭權接受《am730》專訪時,以宗教比喻港獨問題,過去有邪教出現後,不久就會自行消滅,「如果真係真理嘅時候,你撳都撳佢唔住,佢自己走出嚟,所以咁嘅態度睇,放懷啲睇呢個問題」。


指極端言論撕裂社會


曾蔭權又表示,目前社會上各走極端的言論令社會撕裂,「政治中立同中間位置一路扯開,一扯開時溝通上越嚟越困難,我諗我哋而家社會面對嘅挑戰就喺呢度」。但他相信港人的智慧,會作出有利於香港未來的決定,「香港人係聰明人,佢自己會做好選擇,唔好批評佢話會走去某個位置,如果(去到)某個位置發覺對長遠利益唔好時,佢自己會走返個位置」。曾蔭權以掌握不到資料為理由,拒評現屆政府及特首處事方法,但他表示,自己在特首任內,於環境許可下曾努力爭取各項成績,如在政制方面,爭取到普選時間表,當時是很大的里程碑;社會福利方面亦有不少成果,如最低工資及長者兩元乘車,「有人唔記得囉,但有啲人就好記得嘅」。■記者麥志榮




來源: http://hk.apple.nextmedia.com/news/art/20160909/19765485
PermaLink: https://articles.zkiz.com/?id=308274

Next Page

ZKIZ Archives @ 2019