|
||||||
|
亞洲電視大股東爭權單嘢，可謂堪稱本港開埠以來最騎呢奇案，擾擾攘攘發展到o依家，衙門仲未真正判到誰是誰非，而只要一方發聲，另一方就即刻還拖澄清，甚至show埋身份證證明自己係香港人有資格落場玩，搞笑程度，華華畀100分o架！ 咁經過「旺仔」蔡衍明同「香港人」王征隔空互片一輪之後，潛咗水一排的其中一位男主角、要賣盤鬆人嘅查懋聲又有咩可以講呢？答案只係得4個字──以和為貴！ 查生噚日出席家族企業香港興業（480）股東大會，興業公關大員見近期亞視咁火熱，當然唔想主子俾傳媒圍攻啦，所以就屯重兵響門口同傳媒講，公司管理層100%唔會講嘢，不過，華華堅持大搜「查」，選擇死等，好彩最後都叫做交到差等到！ 查生劈頭第一句就話約咗人，若講興業就可以傾兩句，其他就日後先交代，但後尾係咁意都回應咗兩嘴。佢話近排蔡王兩人已經就呢單嘢講咗好多，佢自己都係保持沉默比較好，總之希望大家萬事以和為貴……查生唔怕變成沉默的羔羊？ 李華華 |
||||||