ZKIZ Archives


中環在線:王英偉做星公司盲公竹 李華華


2009-02-20  AppleDaily





 

王 英偉喺商界辣着唔少火頭!千祈咪誤會,唔係話佢得罪人,而係指佢銜頭多多,既係新昌營造(404)副主席,又係港區全國人大代表、浸大校董會主席,新近仲 兼埋電影發展局成員,一身十數職,噚日再添一個,就係太平星大中華區執行主席。新加坡地產投資公司太平星集團噚日出通告,宣佈搵咗王英偉負責制訂同監督集 團喺中、港、澳嘅業務策略。呢方面可以話係王英偉嘅專長,佢喺中國房地產發展有十幾年經驗,先後喺嘉華國際(173)、恒基中國同瑞安房地產(272)做 過,都係同內地樓市有關。

開拓內地房產業務

太平星集團首席行政官林猷福就係睇中王英偉呢方面嘅優點,希望佢提升集團相關業務,仲話佢哋好熟,早喺王英偉仲喺瑞安打工時,大家已經密切合作過。據知,太平星好早已透過投資上市房地產企業打入中國市場,旗下基金曾經入股瑞安房地產,可能係咁,所以同王英偉結緣啩。



PermaLink: https://articles.zkiz.com/?id=6042

中環在線:股神買比亞迪靠盲公竹 李華華

2009-05-11 AppleDaily





 

股 神畢菲特旗下巴郡月初舉行股東會,今年有特別安排,喺股東會前准全球6家傳媒同佢做專訪,唔知係咪特別睇好中國前景,本來每家傳媒得5分鐘,但代表中國嘅 央視就有15分鐘。央視啱啱過咗嘅周六同周日分兩日播出呢個訪問。講到股神睇好中國,唔能夠唔提佢違反過往投資原則,唔認識電動車都投資比亞迪 (1211)呢家中國企業。股神解釋,係睇準「將來新能源會變得更重要」,而且佢唔識啫,拍檔Charlie Munger識嘛!

坐電動車揚言載女

喺股東會當日,股神仲親身坐上比亞迪專程由大陸運去美國嘅最新能源車,股神喺鏡頭下試揸,雖然未有如台灣富商郭台銘所講──揸住電動車返工放工,但喺車上嘅股神心情勁靚,仲話轉頭會載成車囡囡返嚟。

今 次同股神做訪問嘅央視記者付豫,喺07年已訪問過佢,幽默嘅股神上次大整蠱,訪問時喺付豫耳邊細細聲扮畀股票貼士,實情係同佢講,家陣個個都會以為我醒 你,唔會再追住我問,反而會追住你。記者不甘被玩,今年再見股神就話:「你叫我買嘅股票輸晒啦!」點知股神即刻攞個銀包出嚟話要補償。

記者話股神貼士唔準

雖 然股神接受電視訪問唔係第一次,但每次大家都想問,究竟點樣投資先可以賺錢?股神除咗一如以往強調價值投資,叫大家千祈唔好成日諗住買咗隻股票,聽日或者 下個禮拜就賺大錢,今次仲語重心長話:「You try to give it away and it comes back to you, if you hold on to it tight, you don't have any.」意思係有啲嘢你肯放手,可能佢再返嚟你身邊,但如果你揸得太緊,反而會一無所有。李華華[email protected]



PermaLink: https://articles.zkiz.com/?id=7890

張震嶽靠辣妹做盲公竹

1 : GS(14)@2016-03-30 14:42:13

台灣歌手張震嶽、MC Hotdog及MJ116頑童將於5月殺到香港開騷,在九展舉行「兄弟本色日落黑趴世界巡迴演唱會」,演唱會還有爆乳辣妹伴舞,趷籮將手伸入髀罅貼實身後的頑童成員瘦子,舞蹈曖昧火辣。阿嶽笑言辣妹是盲公竹:「我們不太會走位,常常會撞在一起,她們會帶我們走位,所以她們在工作上陪着我們,穿得很辣,工作上很開心。」日前阿嶽和和MC Hotdog來港,兩人還在facebook玩直播,MC Hotdog被問到點解叫hotdog?他囂爆笑說:「因為我本人真正的長處是JJ很大,比較異於常人一點,所以叫hotdog。」撰文:皓騫





來源: http://hk.apple.nextmedia.com/entertainment/art/20160330/19549310
PermaLink: https://articles.zkiz.com/?id=298768

周顯:股神投資科網股的盲公竹

1 : GS(14)@2017-05-17 22:36:44

【明報專訊】巴菲特以前從來不投資科網股,皆因他不投資不懂的股票,現在則說大手投資科網股,這種大相逕庭的投資風格,其實大有原因,但我發現,很多人都看不明白。

要明白其中的真意,首先要知道,這十幾年來,誰是巴菲特的best friend呢?

答案就是蓋茨。如果我說,在這個世界上,最熟悉科網世界的人就是蓋茨,相信沒有什麼人會反對。朱克伯格、貝索斯這些人雖然站在戰鬥的最前線,可是蓋茨作為科網股的最大投資者,日日見那些新公司,看看可不可以投資它們,對於整個市場大局,當然是洞若觀火。

蓋茨也找到好老師

要知道,巴菲特和蓋茨的關係,不但是好朋友,還是合作伙伴,巴菲特就是把他的全副身家,注入了蓋茨的慈善基金。因此,蓋茨當然要義無反顧地,去教導巴菲特科網知識,同作為他的投資顧問啦!

如果我有蓋茨當投資顧問,我都不怕大手投資科網股啦!你估巴菲特真係懵盛盛,完全唔識,走過去投資科網股,做水魚咩?你估他無緣無故,去埋蓋茨身,無端端做朋友咩?仲連成副身家都送給對方,你估他傻㗎?正所謂鳳凰不落無寶之地,富豪做事,必定有他的經濟計算。

反過來說,當日蓋茨同巴菲特做朋友,當時正是他退出微軟,假裝做慈善,其實是作為全世界最大的個人投資者。他當然很需要巴菲特這支盲公竹,作為他的投資顧問。蓋茨雖然是天才,但都要有一個好老師,才可以一開始玩金融,已經是高手了……我常常說他退出微軟,正是微軟的最高峰時,他沽微軟股票,更加是出神入化,令人佩服得五體投地。

[周顯 投資二三事]


來源: http://www.mpfinance.com/fin/dai ... 6574&issue=20170516
PermaLink: https://articles.zkiz.com/?id=333040

【雙盲公竹】視障IT達人去邊都得 用智能裝備加導盲犬帶路

1 : GS(14)@2017-06-22 08:03:56

失明人仕曾健平(KP)是香港導盲犬協會副會長,靠智能裝備和導盲犬幫手,去那裏都沒問題。



在正常人眼中,視障人士或許只能活在黑暗,活動範圍相當局限,去那裏都要別人幫忙,但其實在科技先進的今天,視障人士已可透過簡單的隨身gadgets,令自己生活更方便,甚至可以像正常人般生活。



失明人士曾健平(KP)是是香港導盲犬協會副會長,跟自己的最好伙伴、朋友兼家人導盲犬Deanna真正「拍住上」已經五年。KP雖然看不見,卻是個不折不扣IT達人,一手執iPhone SE,一手戴Apple Watch series2,耳上還戴着最新的AirPods。「從前要去一個不熟悉的地方,我必定要事前問人路線,更要沿途問路。」如今在iPhone和google map幫助下,KP基本上可以完全了解自己身處的位置和前進路線,加上導盲犬Deanna的協助,甚本上去任何地方都難他不到:「iPhone和Google Map是遠程導航,而Deanna就會幫我避開人和障礙物,更懂得幫我過馬路,提醒我路上狀況,兩者配合得天衣無縫。」單說無憑,訪問當日記者特意給了他們一個小考驗,約他到灣仔一間餐廳午膳,KP可說健步如飛,完全無難度。更厲害的是Deanna懂得自己找電梯、找升降機入口、甚至在餐廳找位,「智能狗」加上智能裝置的確讓KP的生活方便不少。



KP用手機不用開屏幕,只靠聲音,再用手指左劃右劃,感覺好似還比我快手。

導盲犬Deanna已跟KP生活五年,懂得自己找電梯、升降機入口。

Deanna懂得先橫站在主人前,讓綠燈亮起才讓KP過馬路,非常醒目。

KP更善用其他智能裝備:「我每天都會游水,所以知道Apple Watch series2可以防水後,我便即時買了一隻。它除可發聲或震動報時外,又可記錄和告訴我一些身體健康狀況,相當方便。」雖然智能裝置幫忙很多,但他卻還有點要求:「我希望iPhone會再小一點,因為我跟一般人要求不同,一般人會希望屏幕大一點,但我不用看屏幕,其實越細越好,因為會方便拿上手或放入袋。」雖然看不到,但KP卻積極生活得像平常人,更會幽自己一默,這種樂觀態度絕對值得所有人學習。



KP連最新的AirPods都有,說無線夠方便又夠大聲。

Apple Watch可發聲或震動報時,又可記錄和告訴KP身體狀況。

導盲犬加智能裝備,的確讓KP生活方便了不少。

記者:韓繼聰攝影:蕭志南2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170620/20061549
PermaLink: https://articles.zkiz.com/?id=336377

Next Page

ZKIZ Archives @ 2019