ZKIZ Archives


想生白羊B趕住六月要行房陳柏宇孖未婚妻餐廳調情狂嘴

1 : GS(14)@2017-06-26 03:22:03

2017-06-22 NM
現年33歲陳柏宇(Jason)與31歲model女友符曉薇(Leanne)拍拖六年,兩人將於下月(七月二日)拍拖紀念日正式拉埋天窗,並會在九展筵開40席宴請親朋戚友,兩公婆仲講到明因為想生白羊座BB,所以提前在六月就不設防造人!

日前,Jason就拖實未婚妻現身中環拍拖,雖然同行有朋友做「電燈膽」,但仍然無阻二人晒恩愛!閒逛完商場,一行四人去露天餐廳醫肚,難得等到朋友離坐去廁所,兩個就即刻按捺不住變身「接吻魚」瘋狂嘴嘴!七月結婚

有「隱世歌手」之稱的陳柏宇與未婚妻符曉薇拍拖六年一直非常恩愛,今年二人正式入紙註冊結婚,在五月遠赴倫敦拍攝婚照,下月將會拉埋天窗的二人除咗忙着籌備婚禮,亦不忘抽空拍拖。

上週二(六月十三日),Jason就同未婚妻孖公仔現身中環拍拖,同行仲有兩個女友人做「電燈膽」,「準妻奴」Jason 一見到未婚妻就忍唔住動作多多,出盡招數氹「老婆」一笑,雖然身邊朋友應該見慣晒這些場面,為免冷落兩位朋友,Jason都好識做暫停一下打情罵俏,分別陪朋友邊行邊傾。

跟住一行四人就去餐廳醫肚,食足一粒鐘後,朋友終於行開「放水」,喺呢個時候,忍咗成晚嘅Jason同未婚妻就即刻對望玩手擊掌,然後情深對望一眼,最後仲情不自禁在大庭廣眾下變身接吻魚連環嘴嘴,等唔切返屋企先錫,心急到呢。

筵開四十圍

距離婚禮不足一個月,將會在九展筵開四十圍的Jason曾透露準備花費約六位數字搞婚禮,希望俾未婚妻一個難忘回憶,雖然二人對婚禮都各有意見,但出名錫女朋友的他,一早就和未婚妻傾好有共識,為咗二人長遠嘅將來,婚禮開支實行應使則使,唔會一味死充要豪。「Jason同Leanne一早已經有結婚呢個計劃,以前Jason對儲錢冇乜概念,但自從同咗Leanne拍拖之後就識諗咗好多,呢幾年佢兩個都好努力一齊儲錢,起初聽佢哋講都係諗住細細哋搞,不過朋友太多喇,好似同期出道嘅小肥、江若琳等等都堅持想參加夜晚婚禮,所以搞吓搞吓最後就決定係九展大搞四十圍,但係其他門面嘢佢哋都盡量應慳則慳,度蜜月機票都話慳住坐經濟位就OK!」陳柏宇身邊人說。

婚禮唔使豪

下月即將拉埋天窗的陳柏宇及未婚妻符曉薇近日努力籌備婚禮,早前二人揼本包團,化妝師、形象指導、攝影師,一行十多人赴英國影pre-wedding婚照,更諗住去夏威夷度蜜月,整個婚禮一百萬有找,符合他們應使則使宗旨。

婚禮基本開支

結婚戒指7萬

九展40圍酒席53萬

倫敦結婚照25萬

婚紗二套1.4萬

度蜜月6萬

婚禮場地布置2萬

約94.4萬

不設防造人

七月做「老襯」的陳柏宇一直喜歡小朋友,而Leanne早前仲自爆度好晒期,計好晒行房時間,要在六月未正式結婚前就「開工」造人,因為他們想生個白羊B。「其實佢哋已經同居咗幾年,生活上好多嘢已經好夾,為咗將來生BB,一早已經做晒婚前檢查,又成日同我哋講話要生夠兩個,佢哋仲有計劃到買咗教育基金,希望等到將來小朋友讀小學嗰陣,一家人返加拿大生活!」陳柏宇身邊人說。

撰文:娛樂組攝影、攝錄:楊紫、李玄設計:何嘉慧
PermaLink: https://articles.zkiz.com/?id=337057

【飲食籽】白羊座特別愛創新? 鰻魚熱狗日賣100隻

1 : GS(14)@2017-10-15 15:55:37

火炙芝士鰻魚滑蛋熱狗$58



【飲食籽:識飲惜食】「最初決定店名的時候,想從我和女朋友的共通點方面考慮,因為我們兩個都是白羊座,所以決定把店名改為白羊座,也是象徵我倆。」老闆王恩政(阿政)說。不知道白羊座是否特別喜歡創新,店子的食物甚具創意,其中芝士鰻魚熱狗更日賣百隻。來這裏叫一份小食,享受一個快樂的下午茶時光。



「畢業後我原本從事工程師,但一直想轉換新環境,嘗試創業。」為了創業,阿政放棄了原本機場的工作,女朋友也全力支持,全職投入餐廳工作。他們去年在荔枝角租下一個外賣小店,希望能闖出一片天,「是抱着嘗試的心態較多,你不會想到下一步是怎樣,以做生意來說,希望先做好自己。」但起初因為地點隱蔽,知名度低,加上原本是賣扒類、外賣飯,在荔枝角工業區競爭力不大,生意較差,淡靜到試過呆坐整天,一單生意也沒有。


放棄荔枝角外賣店 搬入大圍用料更精

面對開店初期生意不穩,阿政當時曾打算放棄,幸好得到女朋友與家人的鼓勵,決定改變經營策略,開始創作不同種類新食物,「我們要創作一些新菜式,接着便想到了鰻魚熱狗,出來後覺得效果也很好。」原來店內熱賣的鰻魚熱狗,本來是阿政做給女朋友和自己吃的,經過多番嘗試和調整,便決定放到餐單上,深受附近上班一族歡迎,甚至有不少客人特意到荔枝角去吃,日賣近百個,同時亦為他們累積了不少回頭客。隨着鰻魚熱狗帶來知名度,阿政在荔枝角店租約完結後,與其他合夥人決定搬到大圍,由外賣店擴展為餐廳,雖然租金壓力增加了不少,但也希望客人能舒舒服服享受食物。「不希望再給人感覺像一間外賣店,希望可以再做好一點,用些質素較好的材料。」搬到大圍後,除了改變營運方針,亦提高了對食材的要求,用料更精,當然做法也毫不馬虎,例如招牌之一的芝士松露蝦多士,工序比較繁複,裏面的蝦膠都是由阿政親手打的,製作非常用心,每份即叫即炸,客人都需要等上十至二十分鐘。


與女友合夥經營 吵架後感情更深厚

店舖擴大後,工作會更吃力,有時店內坐滿人,一次有十多張單要處理,也試過被較急躁的食客投訴。與女朋友情侶檔經營餐廳,阿政坦言常常有意見分歧,試過有一次午市,兩人因為太忙碌而在客人面前吵架,但最終也會互相遷就,哄回對方,所以合夥經營餐廳後反而令感情更深厚。現時新店的租金負擔比以前大得多,大半的支出都是用在舖租上,但阿政指有女朋友、家人與其他合夥人的支持,一定會繼續努力,堅持下去。



黑松露煙三文魚大蝦炒意粉$158

吞拿魚碎蛋牛角包 $40

芝士松露蝦多士$50


日式鰻魚飯配黑松露滑蛋$98

白羊座老闆王恩政(阿政)。

阿政主要負責廚房工作,女朋友則接待食客。


經過不斷的創作,現在終於有正式餐牌。

以前荔枝角店在巷子裏,主要做外賣,起初生意較淡靜,需要靠人派傳單。

新店位於大圍,環境較舊店舒適,可以坐下慢慢吃。

白羊‧座地址:大圍積信街63號積信樓地下59號舖採訪:葉浩昇、賈碧嘉@Foodcaptain.hk攝影:鄭明川(部份圖片由受訪者提供)編輯:施明慧




來源: http://hk.apple.nextmedia.com/su ... t/20171009/20174553
PermaLink: https://articles.zkiz.com/?id=342612

Next Page

ZKIZ Archives @ 2019