ZKIZ Archives


陳振聰:畀我講番幾句

1 : GS(14)@2011-07-06 22:58:11

http://hk.apple.nextmedia.com/te ... 104&art_id=15405326

http://hk.apple.nextmedia.com/te ... 104&art_id=15405327
曾想一屋兩妻
2011年07月06日

哪個才是至愛?「每一個人嘅感情上都有好多障礙,是非對錯好難講,兩個我都好真,兩個都係事實,兩個都發生咗,兩個我都唔會比較,尤其係一個已經唔喺度。」陳振聰說,從一開始,龔如心也知道不會成為陳太,「我同 Nina講過唔可以離婚,我到呢一刻都冇諗過要離婚,點可以生活好少少就離婚,唔可以呀!」所以,陳太仍然是 1992年 3月和他註冊結婚的譚妙清,夫妻之間,敏感的話題盡量不觸及:「 Nina嘅嘢盡量唔提」。

http://hk.apple.nextmedia.com/te ... 104&art_id=15405328
「印象中佢好少提起佢細佬……好多年前,龔仁心個大仔結婚去泰國擺酒,叫 Nina去泰國主持婚禮,我當時力勸佢應該去 o架,但我好奇怪最終佢就無去!佢哋之間嘅感情係點呢?其實都好耐人尋味。」

http://hk.apple.nextmedia.com/te ... 104&art_id=15405329
陳振聰的風水師形象深入民心,但他自稱不懂得風水命理:「我唔係好識呢啲嘢嘅,其實係我爸爸幫汪精 衞打工,得到本《天圖佈局》,我爸爸將本書傳授畀我,咁我個陣拎住本嘢,陪 Nina走去佢啲地盤挖吓,睇吓幫唔幫到啲樓可以賣得好啲…」

http://hk.apple.nextmedia.com/te ... 104&art_id=15405330
活了逾半個世紀,陳振聰自稱內向兼悶蛋,所以朋友「二十個數得晒」,今日,朋友仍是那堆「那誰」,包括人所共知的石禮謙。

http://hk.apple.nextmedia.com/te ... 104&art_id=15405331
「如果可以唔打官司,就拆掂佢,無謂浪費意氣錢。」
2 : 龍生(798)@2011-07-07 00:46:57

一切都太遲了, 陳生
3 : GS(14)@2011-07-07 21:48:35

時間太不對了
PermaLink: https://articles.zkiz.com/?id=275244

【回歸廿年】香港英殖郵筒剩番幾個?59個打卡蒲點等你去

1 : GS(14)@2017-07-01 09:53:44

全港年紀最大嘅郵筒之一,位於九龍塘玉蘭路。



相信大家去台灣、日本呢啲地方旅行,見到啲造型特別嘅郵筒,都會同佢打卡影相,但其實大家又知唔知,全香港1500個郵筒入面,都隱藏住好多特色郵筒?記者:倩宜



九龍城南角道嘅呢個郵筒,以前因為有個郵票售賣機係隔離,所以有個花名叫「揹仔郵筒」。

佢曾經為兩名警員擋子彈,不過當年個彈孔,依家已經搵唔返。

中環皇后像廣場外嘅橢圓雙口仔,到底係點解會運咗嚟香港,至今仍然係個謎。


最大年紀

位於九龍塘玉蘭路嘅呢個郵筒,屬於佐治五世嵌牆型,係全香港服役中嘅郵筒入面,其中一個年紀最大嘅郵筒,大約有80年歷史。而佐治五世嘅郵筒,全香港亦係得返7個,當中4個係嵌牆型,另外3個就係柱形。



長春社高級公共事務經理李少文先生,為我地導航,介紹英殖時期留下嘅郵筒。

台灣呢個彎腰郵筒,成為遊客打卡熱點。

日本富士山下嘅特色郵箱,都係遊客必影嘅景點。


最堅硬

位於九龍城南角道嘅呢個揹仔郵筒,全香港只得一個,佢最特別之處,除咗係側邊有呢塊曾經係郵票售賣機嘅板之外,佢仲曾經救過兩名警察。因為80年代有好多搶劫案,當年有賊係持槍打劫金舖,咁啱俾兩個巡邏警員見到,於是雙方展開駁火,兩名警員因為企咗係郵筒後面,郵筒幫佢擋子彈,兩個警員先無受傷。



日本有好多特色郵筒,個個造型都好可愛。

以上信封位置,就係仲係香港服役緊嘅59個英殖時期郵筒。


最離奇

呢個位於中環皇后像廣場嘅橢圓雙口仔,又係全港只得一個。除咗外形特別之外,佢嘅身世亦都好離奇,因為佢身上印住嘅係蘇格蘭皇冠。當年蘇格蘭皇冠郵筒係喺英國同蘇格蘭使用,而當時英殖時期嘅香港,用嘅都係英國皇冠,所以呢個郵筒點解會運咗嚟香港,至今仍然係一個謎。




來源: http://hk.apple.nextmedia.com/entertainment/art/20170629/20072272
PermaLink: https://articles.zkiz.com/?id=337212

【美食博覽】排通宵先搶到1蚊100粒燒賣 即刻撚番幾味

1 : GS(14)@2017-08-18 08:41:13

燒賣七食



今年美食博覽重點「好西」之一,就是1蚊100粒燒賣!有人排通宵冇去搶鮑魚亦搶唔到果醋,退而求其次成功以$1入手100粒燒賣,都叫冇白費功夫!



之不過當手執100粒燒賣返屋企,除了蘸豉油食外,仲可以點食?務求盡快消滅100粒燒賣,為大家介紹「燒賣七食」,睇落膠膠哋,但味道也不錯,其中幾款仲可以做餸佐飯。



燒賣拼盤

清酒燒賣

魚香茄子


老干媽醬爆燒賣

(一)花之戀材料:parma ham、黑松露醬、魚蓉燒賣做法:將parma ham捲着已熟的燒賣,面層加黑松露醬(二)鵪春蛋燒賣材料:鐵蛋、魚蓉燒賣做法:鐵蛋切半放燒賣上蒸10分鐘(三)蟹籽芥末燒賣材料:蟹籽、芥末粉、魚蓉燒賣做法:把蟹籽放上燒賣蒸10分鐘,灑上芥末粉(四)軍艦搗材料:午餐肉、紫菜、魚蓉燒賣做法:將午餐肉放燒賣上蒸10分鐘。蒸熟後,再用紫菜捲起(五)清酒燒賣材料:薑、蒜頭、葱、辣椒、雞湯、清酒、沙白、魚蓉燒賣做法:1.先把薑、蒜頭、葱、辣椒切好,燒賣切片2.把切碎的材料炒香,加適量雞湯和清酒煮滾3.加入沙白,煮至全部打開後熄火,最後加葱花(六)魚香茄子材料:茄子、鹹魚肉、蒜蓉、葱、辣椒、魚蓉燒賣做法:1.先把蒜頭、葱、辣椒、茄子及燒賣切粒,鹹魚去骨拆肉2.切好的茄子放鹽水略浸,隔水備用3.蒜頭、辣椒、鹹魚肉及燒賣爆香,加入茄子同炒4.加適量生抽、生粉水調味再略炒5.熄火,加入適量葱花(七)老干媽醬爆燒賣材料:老干媽辣椒醬、魚蓉燒賣做法:先把燒賣切片,炒香,加入老干媽辣椒醬記者︰許嘉欣攝影︰鄭明川2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170818/20124692
PermaLink: https://articles.zkiz.com/?id=340207

Next Page

ZKIZ Archives @ 2019