戇男想出名直播飲辣椒油玩命
1 :
GS(14)@2016-10-01 13:19:43許多人希望利用拍片上傳至直播平台，以博取網民注意。四川有男子竟在直播平台上，播出飲辣椒油和麻油的影片。惟最終男子不僅當「網紅」計劃失敗，更讓身體無辜捱苦。四川內江市男子黃粒軍今年20歲，在威遠縣經營烤兔肉生意。8月28日，黃男在某直播平台先後錄製喝辣椒油和喝麻油兩段影片。第一段影片片長約7秒，黃粒軍先後渴下兩勺辣椒油，其中一勺甚至吃下辣椒碎渣。第二段影片則拍攝黃男將盆中的麻油倒入玻璃杯，繼而喝下。影片播出10多分鐘內，即獲6,000多次點擊，不過影片很快就被刪除。而第二段飲油的影片並未出現在直播平台。錄完第二段影片半小時後，黃粒軍便開始腹瀉，之後再出現喉嚨不適。黃男初時以為過數天便無礙，直到本月2日，發現自己連吞口水都困難時，別無選擇下惟有向醫生求診，可惜情況仍未見好轉。上月11日，仍未見康復的黃粒軍最終要入院治療，經醫生診斷為扁桃線發炎和膿腫。直至上周五才出院。黃粒軍憶述，住院日子非常難受，連吃飯都遇上困難，只能每天吃稀飯。事件不單無法助黃粒軍在網上紅起來，還花掉3,000多元人民幣的醫藥費，生意亦暫停了20多天，損失慘重，黃坦然感到後悔。為黃粒軍提供治療的威遠縣人民醫院醫生唐浩培表示，病人剛到醫院時，因扁桃體兩側發炎、右側膿腫，連張嘴都十分困難。黃粒軍扁桃線膿腫比較厲害，如再遲些到醫院，膿腫的扁桃線可能阻塞呼吸道，導致呼吸困難而危及生命。唐浩培補充表示，辣椒等刺激性食物對咽喉、食道、腸胃都有刺激性作用，大量吞食輕則造成扁桃線、咽喉或腸胃發炎，重則造成胃出血、胃穿孔等。《成都商報》
來源:
http://hk.apple.nextmedia.com/international/art/20161001/19787811
【港女幸福過韓女】港女想知USB有幾爽 港男想試M到有幾痛
1 :
GS(14)@2016-10-18 08:15:28女扮男裝嘅樂瑥就咁衝入舞女房，啲舞女以為畀人睇蝕晒。(《雲畫的月光》截圖)
【三個粉絲追韓劇】熱播韓劇《雲畫的月光》劇情越嚟越緊張，女扮男裝嘅洪樂瑥（金裕貞飾）因為係逆賊之女而面臨殺身之禍，想知世子（朴寶劍飾）救唔救到佢，就要追住今晚播出嘅結局篇。樂瑥由細到大都要女扮男裝其實相當痛苦，之不過，如果有一日嘅時間畀你可以女變男、男變女，相信會係一個幾難忘嘅體驗！
如果有得變性一日，有港女話要試吓打飛機、做USB壞男人，
韓女就話想去男廁「目及」嘢。
豪邁啲嘅港女話想試吓喺叢林屙噓噓，
又話想用男人聲講粗口！咁港男呢？話想試吓M痛有幾痛，
想試吓做娘娘收兵，
兼釣吓金龜喎！
無論是港男港女，定韓男韓女，一聽到可以變性一日，都即刻諗起性事。有港女就話想試下打飛機、做「USB」壞男人，有韓女就話要去汗蒸幕沖涼，去男廁「目及」嘢，或者喺街四圍媾女。有啲女仔豪邁啲，就話要用男仔嘅聲線講粗口、喺叢林屙噓噓。男仕呢？竟然想體驗吓嚟M，話啲女仔成日講到好痛咁，想試吓係咪真係咁痛喎，又有男仔話想試吓做娘娘收兵或者釣金龜。
如果有得揀，大家想做男仔定女仔？
結果發現多數人想做男仔，覺得方便簡單啲。
不過呢位韓男就話想做女仔，因為唔使當兵喎！
雖然性別係天性嘅，不過問到如果有得揀，想做女仔定男仔，發現七成受訪者都揀做男仔。港女Charlie話因為唔想戴bra，最重要喺床上可以做主動嗰個！有男仔就話唔想做女仔，因為嚟M好辛苦，或者怕生仔好痛。viu韓劇導賞員阿愁和Daniel都話要做男仔，阿愁覺得男仔之間無咁多勾心鬥角，相處簡單啲，Daniel就話男仔唔使化妝咁麻煩，沖個涼就可以即刻出門口。而想做女仔嘅，多數本身都係女仔，覺得畀男仔遷就好啲，而且着衫又靚啲，仲可以化妝，做男仔太單調。有位韓仔都話想做女仔，因為唔使服兵役喎！
其實韓國係大男人主義社會，做男仔着數啲o架！(《雲畫的月光》截圖)
韓女就呻話如果有bb要放產假，啲同事會畀臉色你睇。
其實尤其對於韓國人嚟講，做男仔點都着數啲，因為韓國係大男人主義社會。有韓女就話女人打工最麻煩係有咗BB，佢話：「雖然放產假係好正常，但係啲同事要做埋你嗰份，就會畀臉色你睇！」韓女Choe Ji Su覺得韓國喺男女平等方面仲未做到，所以有「玻璃天花」呢個形容詞。「玻璃天花」即係睇到目標，但上唔到位。《經濟學人》由2013年起首創「玻璃天花板指數」，從教育、就業、人工、做唔做到老細等因素，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！
呢位韓女都話韓國未夠男女平等，女仔面對「玻璃天花」。
《經濟學人》有「玻璃天花板指數」，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！(網上圖片)
主持：動主播阿仙、viu韓劇導賞員阿愁和Daniel記者及繙譯：卓惠媛(Joyce)攝影：陳家文、李錦鏵《雲畫的月光》片段由Viu提供：
https://goo.gl/LCYTGt【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161018/19804243