ZKIZ Archives


恒生一姐篤信風水

2017-06-22  NM

即將出任恒生銀行行政總裁的鄭慧敏(Louisa),以前又叫鄭蔚彤,何解有兩個名行走金融界呢?呢位準恒生一姐篤信風水行內人人皆知;Louisa身份證登記名字是鄭慧敏,自二千年起,佢改用鄭蔚彤之名,在滙豐仕途猶如坐直升機,每兩、三年升職一次,佢喺滙豐個寫字樓都搵高人睇過風水,而且銀行都「就」晒佢要求嘅擺設及坐向,你估金融人唔信邪?滙豐都搵龍師傅喺地下擺支「風水米」!

然而,仕途得意情場失意,Louisa不敵女強人之宿命,於○一年與丈夫李輝堂離婚,似乎「蔚彤」呢個名唔係好利夫妻感情。及至一○年,Louisa又用番原名鄭慧敏,聽講佢家陣有位「老外」男友,用番呢個名,就學得即將交棒予她的恒生一姐李慧敏咁,人人記得其夫是袁天凡,起碼表面都愛情事業兩得意!

紡織世家出女將

上海「紡織大王」王統元女兒王培麗、王培芳兩姊妹活躍於上流社會,王培芳做過保良局主席,佢細佬「雪褸專家」王福元原來都有三個女。王氏呢兩兄弟喺香港有朵,原來佢哋仲有個兄弟叫王濂元,八八年已經仙遊,呢家人一樣出女將,阿女王培琪,唔識?佢老公馬時亨是也。

此女何來又問句妻

馬會大董利子厚與騎術高超蒙古妹閃婚後,再分道揚鑣;去年低調地與鋼鐵大王龐鼎元孫女龐卓貽拉埋天窗,總算是門當戶對,聽講咁匆忙成婚係以為中咗頭獎,點知食詐胡;早排利子厚一家三口現身馬場拉頭馬,女兒相信十歲有多,此女何來又問句妻。曾在母校聖保羅書院教英文的龐卓貽,鍾意細路仔到不得了,甚至思想前衞去「借種」懷孕,轉眼間,「何」家有女初長成,上天又賜位繼父利子厚組成個甜蜜全家福,夫復何求?

中環寸嘴奶媽之風 VS乃父之風

工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

新加坡開國總理李光耀未死前,已安排將間故居拆掉,騰番塊地起樓,等周圍地皮重建時都可以起高啲,唔好阻住新加坡長遠發展,不過現任總理李顯龍無按老父遺願,想話保留大宅,卒之細佬妹入稟告大佬,引發為國際大新聞,《金融時報》都大事報導。呢間大屋我都去?過,話晒係李光耀發跡地,老實講個江山係李顯龍乃父打返來嘅,李顯龍最多都係Lucky Sperm Club成員,要延續你老豆德政,將個地段發揮到the best land use先至係o架,香港有奶媽之風,你就要有乃父之風先得o架。等我教李顯龍點積陰德俾子孫,將間屋「隊」冧佢,重建成多層單位,兄弟姊妹按自己命格去搵啱層數及坐向,每人擸番個單位,話晒有樓揸手封住細佬妹把口先,其餘嘅可以租又可以賣,啲新加坡佬都想沾吓國父故居之旺氣,肯定有市場,又老黎,唔係搞個人崇拜,大方得體,我只係充「風水楊」,但紫微楊兩父子就係正牌嘅風水楊。上一回新加坡抄我哋嘅公屋,仲青出於藍,呢鋪會否雙城記再贏一鑊!

 
PermaLink: https://articles.zkiz.com/?id=253004

恒生一姐3.75億購OPUS

1 : GS(14)@2015-08-02 13:47:20

http://www.mpfinance.com/htm/finance/20150801/news/ec_ecc1.htm


【明報專訊】亞洲分層呎價最高紀錄保持者太古(0019)東半山OPUS(傲璇),獲「恒生一姐」、即恒生銀行(0011)副董事長兼行政總裁李慧敏,以3.754億元承接6樓單位,實用5199方呎,以成交價計,實呎約7.22萬元。

暫為樓盤成交價次低單位

傲璇現已累售8伙,值得注意的是,是次6樓成交價略高於2樓的3.686億元,屬已成交單位中次低做價。

另據價單顯示,即使以單位原先定價3.9億元計,亦較樓層更低的3樓及5樓(發展商保留作長期投資),分別定價3.95億及4億元為低。據太古公告,李慧敏現為太古公司獨立非常務董事。

包陪麗6600萬購世紀大廈

此外,已故船王包玉剛三女包陪麗,斥資6600萬元購入中半山世紀大廈一個單位。據悉,該屋苑不乏名人買家,如鄰座特色戶便由藝人張聣芝持有。

土地註冊處顯示,世紀大廈1座高層A室,實用2041方呎(建築2565方呎),本月以6600萬元成交,實呎32337元(建呎25731元)。買家為包陪麗(PAO CISSY PUI LAI),為已故船王包玉剛三女。原業主1998年以1700萬元購入,帳面獲利4900萬元或2.9倍。

另外,土地註冊處顯示,華置(0127)以9000萬元,沽出紅磡工廈駿昇中心1樓至3樓50個車位,平均每個作價180萬元。
PermaLink: https://articles.zkiz.com/?id=291917

Next Page

ZKIZ Archives @ 2019