| ||||||
現年四十歲的黎瑞恩,○二年嫁給比她大七歲的金利來三少曾智明後全面退出娛圈,奉老爺之命趕造人的她,分別於○三年及○五年誕下現已十歲的長女凱栭及八歲幼子浩儒,三年抱兩湊成「好」字。 看似幸福少奶奶,原來黎瑞恩一直啞忍老公有內地密友的傷痛。據悉,近年曾智明冷待妻兒情況變本加厲,被穿透底線的黎瑞恩,數月前一度帶埋一對子女,搬離九龍塘大宅。 面對一段褪色婚姻,丈夫又無丁點補救之心,傷痛的黎瑞恩被追問婚變,觸動傷痛神經,強忍眼淚頂住。 搭上廣州妹 豪門新抱表面風光!入門十一年,作為金利來集團新抱的黎瑞恩,無豪宅揸手,生活跟一般家庭主婦無分別,與老公的感情也一年比一年冰凍。據悉,近年曾智明與黎瑞恩的夫妻關係已有名無實。兩個月前,黎瑞恩復出舉行兩場慈善個唱,另一半完全冇影;為顧夫家面子,黎瑞恩以老公要公幹作為掩飾,但實質二人婚姻已經破裂。為父親打理集團生意及履行內地公職的曾智明,數年前開始長駐廣州總公司。分隔兩地,初期仍會每星期返港一次,與家人共聚;但兩年前開始,有指他在廣州跟一名任職投資,在飯局認識的廿二歲姓陳內地女子過從甚密後,曾智明漸漸對自己的家庭愛理不理,之後有傳該女子索性辭去工作,並過住富泰生活。「嗰個女仔個樣生得幾清純,不過手段就好犀利,又會成日周圍同人講自己遲早會坐正,只係有人霸住個正印位唔放。」知情者爆。 02年個唱陪實 臨嫁前,黎瑞恩舉行告別演唱會,曾智明由個唱記招、開騷到慶功宴陪到足。可惜十一年後此情不再。 去年個唱冇影 去年11月隱瞞婚變復出開個唱的她,唱到首本名曲之《發誓》:「強忍心裡說話,就當作算吧!」便感觸落淚。輸掉婚姻,但贏到友情,其中不做其他個唱嘉賓的學友,破例撐她。 寶記小花 當年被稱寶麗金三小花之一的黎瑞恩,憑《一人有一個夢想》成名,九七年與富二代曾智明拍拖後,她為應男家要求,放棄仍盛的幕前事業轉做保險。○二年黎瑞恩舉行告別個唱,之後嫁入曾家,並三年抱兩;○七年她再接再厲,可惜懷孕四個月便小產。貴為億萬集團的豪門新抱,黎瑞恩僅於○七年以四百萬買入曼克頓山,四個月後便微賺轉手。十一年來以家為重,但換來只是婚變傷痛。 成個月唔見人 心不在家,縱使坐中港車由廣州回港,車程只需兩小時,但曾智明返屋企見妻兒的次數愈嚟愈疏落;一年前,更加變成每個月只返港一次,很多時還是即日來回,留家半天,就急住返廣州,敷衍了事。念及一對子女,黎瑞恩一直啞忍老公冷待;可惜對方反而變本加厲,有指剛過去的聖誕及除夕,他完全無蒲頭,不顧夫妻情分,也不放一對子女上心。一家四口三缺一的場面,近年司空慣見,她在微博放上的全家福,也是前年長女九歲生日時影的。據悉,夫婦二人曾於一年前為雙方關係攤牌。「傾完都冇用,個男人依然態度照舊,根本冇放老婆在眼內。小恩子好傷心,但睇在老爺份上,仲有一對仔女,佢一直撐住忍落去。有時出嚟做慈善活動仲要扮到冇事笑晒口,其實佢好辛苦。以前老公逢場作戲,所有人都知,得佢一個唔知,佢仲話兩公婆要互相信任。直到個老公放假都唔願返屋企,一切都太遲。」知情者爆。 老爺出面苦勸 容忍有底線!據悉數月前黎瑞恩終於爆發,帶埋一對子女搬離與老爺奶奶同住的九龍塘大宅,入住方便子女上學的沙田凱悅酒店幾近一個月。老婆擺出分居姿態,但曾智明對家變照舊無動於衷。至於早已把生意交曾智明打理的七十九歲曾憲梓,唯有親自出馬,勸新抱保住頭家。「小恩子對呢段婚姻已經心淡,但老爺奶奶年紀大又錫對孫,佢唔想老人家傷心,到最後都答應老爺搬返九龍塘;所以早排小恩子舉行復出個唱,老爺奶奶都有去撐場。」 愛國家族 現為金利來集團行政總裁的曾智明,是富二代亦是官二代,職銜包括全國政協委員、中華全國青年聯合會成員之一,並擔任社會和法制委員會專委。其父是曾任港區全國人大代表及常委的曾憲梓,也是金利來集團的創辦人。92年開始至今,曾憲梓多番捐出億元給國內建立教育基金、中國航天發展,08年又以億元設立「曾憲梓體育基金」,獎勵北京奧運會中國金牌運動員。打正愛國旗號的曾家,96年集團北上發展多個項目包括香煙及眼鏡等產品,並在廣州設立集團總部,估計市值身家近百億。曾憲梓育有三子,曾智謀、曾智雄及幼子曾智明。有傳79歲的曾憲梓近年已欽點幼子曾智明為接班人。次子曾智雄於06年跟妻子吳嘉寶分居,女方在香港報章刊登一篇「分居啟事」,指丈夫與一位楊姓女藝人有婚外情,令18年的婚姻破裂。 辭公職搬英國 老父出手保住頭家,但曾智明並無珍惜,繼續不聞不問。哀莫大於心死,隱退十一年的黎瑞恩,去年忽然復出開個唱,雖然是做慈善,歌酬及百萬收益全數捐到兩個慈善機構,但黎瑞恩其實是為將來隨時復出養家試水溫。據了解,近日黎瑞恩已辭去所有慈善公職,準備隨時帶埋子女遠走英國,早前她為個唱接受訪問,也曾透露為子女學業着想,打算定居英國;甚至提到在當地搞小生意,自給自足。「一旦要分開,小恩子唔會要任何嘢,只係要對仔女,佢唔想留喺香港,搬去英國一來陪仔女讀書,二來俾自己重新開始。」知情者說。 提婚變眼紅紅 老公變了心,一對子女是黎瑞恩最後防線。上週六、日(一月十一、十二日),一連兩天她都揸車外出,先與一對仔女到尖沙咀午膳,之後再送他們返課外活動,親力親為。本週一(十三日)送完細路返學,黎瑞恩過中環約老友林漪娸午飯,離開時,本刊記者上前求證她與丈夫關係有變一事,婚變、是否忍得好辛苦等問題觸動黎瑞恩的傷痛,只見她拳頭緊握,強忍眼淚。記者追問她老公是否有第三者及長期唔願返屋企,眼都紅埋的黎瑞恩沒有否認,只拋下一句:「唔好問我!」接着黎瑞恩急call司機盡快到場,並與林漪娸去了跑馬地一間美容院,留至傍晚六時許才離開。 手尾長 女人夢想嫁個有錢人!但豪門少奶並非人人啱做,尤其當婚姻亮紅燈也大把手尾,唔似得尋常人可以快手解決,話走就走! 朱玲玲 有「最美麗的港姐」之稱的朱玲玲,77年當選香港小姐冠軍後,翌年便與霍英東長子霍震霆閃婚並誕下三名兒子。自九十年代起,屢傳二人婚變,直到06年老爺霍英東病逝前一個月,朱玲玲才讓好友葉蒨文向外公布自己早在04年已離婚及於97年已搬離霍家,九年來守住婚變事實,全為了顧全霍英東面子。 羅霖 生了三個仔的羅霖於96年嫁給香港富商劉坤銘後淡出娛樂圈,二人結婚17年,傳出婚變多年,但二人極力否認。12年,羅霖終於承認與丈夫已分居,並透露結婚以來一直強忍對方的行為,更試過被動粗。去年羅霖與劉坤銘上演一幕爭仔風波,並暗示收到恐嚇訊息,希望前夫給她一條生路。 |
| ||||||
上月被本刊爆與結婚十一年、金利來集團三少曾智明婚變,一度攜子女搬離九龍塘大宅的黎瑞恩,雖然被老爺軟化,勸掂返家,可惜老公的心和人,均已被一名年僅22歲的國產佳麗俘虜,一切再無彎轉。 年初一喜氣洋洋大日子,心死的黎瑞恩選擇這一天,帶埋仔女搬離大宅,過年與夫家 割席。仔女拜完年即撇 身為金利來集團行政總裁,又是全國政協委員的曾智明,有錢有權有地位,飛來蜢少不了。 老公逢場作興,有指懵到上心口的黎瑞恩一直不知情,直至近年曾智明長期沉醉廣州溫柔香,連一對親生仔女,一樣愛理不理;黎瑞恩才醒覺,去年中一度帶埋仔女搬離同老爺奶奶一齊住的九龍塘大宅。雖然最後由老爺曾憲梓出面補鑊,但曾智明對黎瑞恩三仔乸搬走一事卻無動於衷,全不在乎。 十一年婚姻陷於僵局,農曆年原是一家團聚的日子,但打從年廿八開始,本刊發現黎瑞恩三仔乸一直沒有現身九龍塘大宅。年三十晚,也只有曾智明蒲頭返家跟父母食團年飯。 直至年初一中午,十歲的大女凱栭及八歲幼子浩儒,在傭人陪同下乘車返九龍塘跟爺爺嫲嫲及爸爸拜年,之後不少親友到訪,唯獨黎瑞恩缺席。 一對仔女在大宅逗留個多小時後,便由司機接走,送到大埔新翠山莊。兩小時後,終於見到面容憔悴的黎瑞恩,駕着平日代步的Jeep到上址接走一對仔女,一齊返回位於沙田的凱悅酒店式住宅。 專登搬走避年 跟老公已經冇彎轉的黎瑞恩,原來在農曆新年前作出決定,不再為一段沒有出路的婚姻關係糾纏,並選擇在闔家團聚的重要日子,撤離曾家大宅,跟老公曾智明割席。據了解,去年俾面老爺搬返夫家的黎瑞恩,也曾抱過一絲希望,可惜曾智明依然故我,全無悔意。老公變心,黎瑞恩終於死心,甚至不願意與對方碰面,為此,過年前便執拾細軟,帶埋一對年幼子女,正式搬走。嫁入曾家十一年得個桔的黎瑞恩,為就近仔女返學,於是以月租三萬多,暫住沙田凱悅酒店服務式住宅。 自吹百萬贍養費 返港度歲的曾智明,對黎瑞恩及一對仔女搬走不單毫無感覺,還毫不避忌向身邊朋友宣布正在辦理離婚,已變回單身族;甚至自誇每月會俾一百萬贍養費給黎瑞恩。「Ricky(曾智明洋名)四圍同人講搞緊離婚,佢唔單只一啲傷感都冇,仲數個老婆有乜唔好,其實佢平日點玩,大家都知,但佢話每個月要俾一百萬做贍養費,又話個老婆離婚要分佢一半身家;但我哋班朋友都有眼睇,佢老婆連似樣啲嘅名牌袋都冇,樓又冇,根本唔似豪門少奶,所以大家都唔信Ricky會咁闊綽。」曾智明身邊人爆。 奶奶硬撐三少 次子曾智雄經歷婚姻失敗,幼子曾智明亦親手摧毀幸福家庭,有指年紀老邁的曾憲梓已有心無力,不再插手。至於一直盛傳睇唔起新抱黎瑞恩出身的辣奶奶曾老太,則不時在雀友前力撐兒子。「係人都知Ricky玩得好犀利,但曾老太仲成日喺我哋面前話個仔係好老公。老實講,曾老太脾氣點係人都知,輸咗牌就發脾氣,小恩子可以忍咁多年,佢先係個好新抱。」知情者爆。十一年豪門生活,黎瑞恩好睇唔好食。為夫家體面着想,她放棄事業,為滿足兩老,婚後火速三年抱兩,07年再接再厲再生第三胎,可惜懷孕四個月流產。有傳第一胎生女的黎瑞恩一直不得奶奶歡心,直至肚皮爭氣搏到慈姑椗,曾老太對新抱的態度才稍為改善。 無否認離婚 四十歲黎瑞恩,不再對變質婚姻有所留戀,唯一所有,是一對寶貝仔女,據了解,辦妥離婚手續後,她便會一家三口遷居英國,展開新生活。本週二(二月四日),記者致電曾智明,一聽到是問有關他離婚,即大耍太極:「冇咩好回應,唔好意思。」隨即掛線。至於黎瑞恩,則於截稿前仍未回覆。 好睇唔好食 豪門深似海,一般家庭出身的新抱,嫁入豪門後唔一定過得富豪,大把嘢揸手。相反婚姻失敗,下場比一般人更痛苦更煩! 羅霖去年跟仁濟主席劉坤銘結束十八年婚姻的羅霖,哭訴少奶奶生活虛有其表。前夫除了負責家用及兒子學費,她連買手袋都是用私己錢,豪宅揸手更加免問。離婚後,雙方還要因爭撫養權及贍養費訴訟花大筆律師費。 葉蘊儀當年下嫁玩具富商陳柏濠的葉蘊儀,婚後誕下一對子女,享受了幾年少奶奶生活後,在幼女出世不久發現老公有婚外情決意離婚。其時男方申請破產,冇俾贍養費又爆前妻貪慕虛榮,搞到葉蘊儀上家事法庭跟他對簿公堂,離婚後,她獨力承擔子女生活。 小雪04年在新加坡與永安旅遊太子爺陳迅元結婚的小雪,過豪門少奶奶生活只有兩年,便因老公與她及女兒同遊台灣之際,竟預先安排同36F的蔡慧敏於同一酒店偷情。忍咗一年小雪終告離婚,收唔到贍養費的她,還需獨力撫養女兒。 |
| ||||||
跟家族擁有過百億資產的金利來集團三少曾智明結婚十一年的黎瑞恩,因國產小三介入,導致婚變,年初帶同一對子女離開九龍塘大宅後,隨即搬入大埔凱悅酒店式住宅暫住。本月初,正式辦理離婚手續的黎瑞恩為讓子女重回正常生活,已搬離酒店,並以月租五萬多元,租住大埔比華利山屋苑,有指按月收二十萬贍養費的她,離婚後獲前夫分千萬身家,跟曾智明全面反枱的黎瑞恩斷然否認:「膝頭對上就俾!」㷫爆!自力搬屋 上週六,黎瑞恩揸車到大埔凱悅酒店,將存放在酒店的六大袋物品搬走,然後再返比華利山新居。 一味拖住 上週四(六月十九日)下午五點幾,黎瑞恩駕著平日用開的Jeep,載住一對子女及兩名朋友,離開新居比華利山,到附近的大埔超級城買家居日用品。之前被拍到在宜家買平價傢俬的她,跟子女在一田百貨繼續格價,三人在家居用品部行了接近一個鐘,黎瑞恩發現記者後,即發火:「唔好跟住!」掃了多款減價煮食用具及大堆文具後,一家人便折返新居。「新屋要五萬幾蚊租,得二千呎,比起以前住開嘅萬呎九龍塘大宅梗係細咗好多,但小恩子貪新屋方便仔女返學;話就話Ricky(曾智明)照跟番以前喺大宅廿萬家用一個月咁,俾三仔乸生活費,但佢哋而家搬開住,交租都唔見咗一截,Ricky又唔另外俾租,變相減咗生活費;之前連仔女嘅課外活動費都拖得就拖,三催四請先肯俾,小恩子都冇符。」知情者說。 家底厚俾多啲 就黎瑞恩與曾智明離婚,有關雙方贍養費問題,本刊諮詢了謝偉俊律師的法律意見,瞭解男方支付的贍養費數目,是否該給予女方離婚前一樣的生活水平?「呢個係儘可能,當然最重要係睇番雙方經濟條件同需要,保持番離婚前生活水平,呢個係理想化,但實際上好多時做唔到,原本一份變兩份比較困難,所以只係其中一個考慮因素。(如果男方家底顯赫,是否要提供離婚前生活水平?)可以咁講,男方如果家底厚,可以俾多啲。」謝偉俊說。 冇偈傾 多年來長駐內地的曾智明,就算放假回港,也從不爭取親子時間,與一對仔女感情十分疏離。據瞭解,女兒今個月小學畢業,缺席多次家長聚會的曾智明,為了不落人話柄,也有現身出席畢業禮。「嗰日凱栭都係黐住媽咪,冇乜點理爹哋,曾智明都有等畢業儀式完曬,同個女影完合照先走,但黎瑞恩同佢就全程冇傾過偈,連企埋少少都冇,互當透明。」有份出席的家長透露。 斤斤計較 據瞭解,黎瑞恩未有如外間所指收過千萬贍養費外,曾智明對前妻及子女的生活開支,反而斤斤計較。「當初小恩子以為自己搵到歸宿,為對方放棄事業,點知得到咁嘅結局;小恩子唔想再糾纏落去,佢覺得分開都唔緊要,只係曾智明竟然可以完全唔理對仔女,到今時今日仲同佢哋計較生活費,所以佢好傷心。」知情者說。 上週六(二十一日)下午二時,黎瑞恩將早前入住凱悅酒店期間的行裝搬走,在數名酒店職員幫忙下,將六大袋紅白藍膠袋搬上車。 20萬點分配 每月20萬生活費,一般人超級豪華好使!但對零收入、要請工人、一對仔女讀國際學校、交租都冇咗四分一的黎瑞恩來說,七除八扣下,不算好鬆動。屋租$55,000國際學校學費$15,000×2補習及課外活動費$15,000×2日常生活雜項$30,000工人$6,000總支出:約$151,000 一個笑話 本刊記者趁機上前,問她有關曾智明拒負責交租一事。壹:搬咗去比華利山?黎:係,唔通長時間住喺度(大埔凱悅酒店式住宅)。壹:有傳聞話你收咗前夫一 千萬。黎:你覺得有冇吖!壹:新屋係曾生負責俾租?黎:膝頭對上就俾。壹:你自己俾屋租?黎:梗係我自己 俾啦。壹:之前囡囡畢業禮,你同曾生一齊?黎:我見唔到佢喎。壹:有報導話你收三千萬 復出。黎:真係多謝大家俾面,到今時今日都有唱片公司肯俾面用三千萬簽我,真係一個笑話。不過好多謝大家鼓勵,我暫時未有呢個諗法,只係想全心全意照顧一對仔女。開車前,黎瑞恩校低車窗說:「唔該唔好再問我,呢啲咁負面嘅嘢,我唔會再答。」 衰收尾 一生一世的時代早已過去,夫妻關係到盡頭只有離婚,繼而爭撫養權、拗贍養費,醜惡人性暴現。 葉蘊儀 13歲出道的葉蘊儀,95年下嫁玩具商人陳柏浩,後因第三者介入,結束六年婚姻,離婚後,葉蘊儀慘被前夫爆閨房事,對方更唔肯俾贍養費,為搵錢養大一對仔女,葉蘊儀幾乎有乜做乜。 羅霖 去年羅霖和劉坤銘離婚,協議共同撫養三子,及後羅霖曾公開暗示前夫俾唔足贍養費兼倒欠她過百萬,之後劉坤銘更反口力爭三子撫養權,並倒向羅霖追討贍養費。 小雪 與家人台灣旅行期間,小雪老公陳迅元竟與大乳牛蔡慧敏在當地開房,二人06年離婚,但陳迅元一直拖欠贍養費,經常要出動律師追討;11年,小雪甚至要申請前夫破產來追贍 養費。 |