譚炳文：琴姐唔認得人
1 :
GS(14)@2017-01-24 03:00:20譚炳文、鄧英敏、米雪與曾志偉等昨現身九龍城出席敬老盆菜宴活動，問到譚炳文身體如何，他表示已83歲：「都有啲氣喘，老人家係麻煩，醫生畀啲藥我食，飲食都檢點，自己唔鍾意做運動，見到人拎枴杖，自己遲啲都要，?家工作唔會搵太重戲份，唔做嘢唔郁唔得，唔通係屋企對住兩個工人。」問到好友李香琴身體如何？譚炳文表示不清楚：「佢唔認得人，所以冇打畀佢，佢邊識講嘢，新年都唔會搵，老人家係咁，睇吓自己幾時係咁，有幾多個似修哥（胡楓）咁叻，佢仲大我兩歲。」採訪、攝影：盧妹
來源:
http://hk.apple.nextmedia.com/entertainment/art/20170123/19905657
譚炳文慨嘆琴姐受難
1 :
GS(14)@2017-04-09 10:49:38■李香琴（左）中風後不認得人，連好友譚炳文都懷疑是否記得他。
早前譚炳文女兒上載炳哥帶着氧氣罩躺在病床的照片，幸好並無大礙，最近炳哥接受商台訪問：「醫生話可能係感冒菌造成氣喘，幫我抽血驗，帶住氧氣罩吸氣吸咗十分鐘就瞓着，睇到好似好嚴重，其實冇乜大礙，本來想返工，但係醫生話我要休息。」
譚炳文（右）
李香琴年前中風，炳哥上年曾探過琴姐，他說：「琴姐唔係好認得人喇，見到佢時會『吖，係呀係呀！』其實都唔知佢係唔係認得我，原本係一個精靈嘅人，?家要喺世界上受難！」炳哥欣賞琴姐待人好，跟他合拍最有默契，緋聞更傳足數十年，炳哥說：「我唔會理人點講，當佢哋儍！炳嫂呷（醋）又好，唔呷又好，理得佢吖，都幾十年。我唔會有乜目標，嘆多幾年，就活多幾年！」撰文：非非
來源:
http://hk.apple.nextmedia.com/entertainment/art/20170409/19984256
【馮仁昭四圍超】冇見成年譚炳文話琴姐捱苦
1 :
GS(14)@2017-08-17 08:09:43■譚炳文前晚撐遮睇粵劇，精神唔錯。
譚炳文、陳寶珠、沈芝華同祥嫂等前晚去到尖沙嘴文化中心，捧場睇新編粵劇《花木蘭之巾幗英雌耀木蘭》，譚炳文今年3月曾經因為心臟有事，氣喘入院，前晚佢用把遮當枴杖撐住到場，精神睇落唔錯，影相時仲舉起V字手勢，不過佢話：「精神唔係話太好㗎咋！我頭先上樓梯都氣喘，呢幾日有幾聲咳。」
■李香琴（左）近年已甚少喺公眾場合露面。資料圖片
■陳寶珠（左）笑言抱孫心大心細，指兒子楊天經會有計劃。
「身體麻麻哋」
呢個時候，突然有個戲迷走埋嚟大讚譚炳文仲keep得好靚，好似六十幾歲咁，譚炳文笑話：「靚乜嘢？我都八十幾歲人，身體麻麻哋，仲行得走得，醫生叫我唔好捱夜，玩得就玩，?家有配音、廣告、拍戲都仲可以。」至於佢位紅顏知己李香琴嘅近況，譚炳文話已經好耐冇聯絡：「都有十一個月，冇辦法啦，又唔行得唔走得。」之前有傳琴姐唔係好認得人，譚炳文即慨嘆：「唔知喎，其實搵佢都冇用啦！可能佢捱緊苦，都費事搵佢喇！」寶珠姐一班戲迷見到偶像到場時，即大嗌：「寶珠姐嚟喇！」將佢圍到實一實，場面好墟冚，咁多年都依然係fans心目中嘅影迷公主。寶珠姐話囝囝楊天經同老婆去咗旅行，問到恨唔恨抱孫？寶珠姐坦言：「一半半，?家社會好亂，風氣又唔好，我覺得做父母、小朋友，將來會好辛苦，我諗佢哋自己會有計劃。」撰文：馮仁昭
來源:
http://hk.apple.nextmedia.com/entertainment/art/20170817/20123495
Next Page