租金跌「IC足球部」重新開舖
1 :
GS(14)@2017-06-16 01:31:06■「IC足球部」老闆黃思輝近日在旺角W Plaza商場重新開店。 陳善南攝
【本報訊】近年網購盛行，加上過去舖租高企，令不少小店索性結束實體店舖，旺角多個昔日潮場湧現吉舖。由於舖租開始回調，有個別小店「重出江湖」，再開實體舖營商。以賣Q版足球球星精品打響名堂的「IC足球部」老闆黃思輝（阿輝），闊別實體舖兩年後，近日在旺角W Plaza商場重新開店，以約9,000元租用1樓一個面積194方呎的舖位。
試業5日接近夠交月租
阿輝在2006年投資3萬元於九龍灣淘大商場創立「IC足球部」，初期專賣Q版足球球星T恤及精品。三年後遷到旺角兆萬中心開業，一個月最高營業額曾達9萬元。其後因貴租，要搬上百寶利中心樓上舖，租金由09年1萬元加至2萬元，無奈要在2015年關舖，轉做網店。雖然開網店未有舖租成本，不過每日都要分配時間去寄貨、運輸等工序。因應租金回落，萌生再開舖念頭，「睇到租金已經跌咗40%，去返較合理水平，始終實體舖可以做多啲生意，所以半年前開始出嚟搵舖」，最終以月租9,000元於W Plaza開舖。是次重新開設舖位，租金、裝修等成本合共8萬元，相信實體舖每個月可做3萬至5萬元生意，較只做網店2萬至3萬元營業額多六成。阿輝希望三個月內回本。新店於本月3日開始試業，8日正式開張，阿輝坦言，試業了4至5日左右，營業額已經差不多夠交一個月租金，大部份都是熟客捧場，八成生意來自已光顧多於一次的熟客。雖然開張時間撞正球季完結，阿輝稱影響不大，反而有時間設計經典款式，更能吸引老一輩球迷，生意不會有太大落差。記者於上周其中一個試業日下午到店舖，短短半小時，已經有兩客人購物，其中一個買了差不多500元。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170614/20055300