【add 時尚：紅人主場】方皓玟追夢一團火
1 :
GS(14)@2017-06-16 01:58:59IRO黑色斜膊針織衫IRO黑色碎花裙Zadig& Voltaire帽、手鐲、短靴
香港人人開口埋口講炒樓炒股，金錢主義社會風氣大盛，慶幸還有一小撮人仍然堅持追求自己的夢想。創作歌手方皓玟在圈中默默耕耘15年，近年終於有點成績，對她來說錢不是最重要，而是可以繼續追逐創作的夢想，今年是香港回歸二十年，荒謬事情不斷發生、是非黑白事顛倒，更激起她的創作因子，透過音樂為港人發聱，創作的一團火越燒越旺。訪問：顏英儀 攝影：郭賢興 化妝：Yannes of ND& Co. 髮型：Jimmy White of Attic Hong Kong 服裝提供：I.T今年對方皓玟來說是一個豐收年，年初獲叱咤樂壇唱作人銀獎，並憑着合唱歌《終於好天氣》打入叱咤十大第七位，又憑《一念無明》獲提名金像獎最佳女配角，提名已是一個肯定。
Ann Demeulemeester黑白背心黑色皮革袖飾白色長褸黑色長褲
N°21綴羽毛恤衫半截裙IRO高踭鞋
IROJumpsuit Zadig& Voltaire頸鏈
音樂社會良心
在樂壇默默耕耘15年，方皓玟這一切得來不易，「喺香港做創作人好難，我諗喺香港做乜工都難，好似做的士司機都唔簡單，每日都會遇到不同難處，成個社會都需要多啲鼓勵，做音樂藝術嘅人都要代表住社會良心，就係你見到一啲唔啱嘅事，我唔會去嬲，會用一啲比較軟性方法表達出嚟提醒大家，同大家去行呢條路，我好感激我仲可以創作，希望可以繼續暢所欲言，如果方皓玟得，人人都得㗎啦！」今年她將會出新碟，10月將於Star Hall舉行個唱，與支持她的歌迷分享新歌。創作人的路難行，堅持到今天，方皓玟有否想過放棄？「我有諗過唔做，但我覺得堅持舒服過放棄，唔可以將真心喜歡嘅嘢放低，所以到頭來都係繼續做，選擇去做不如做到最好。因為細細個我已知道自己鍾意創作，想將自己嘅想法實踐，內心有個原始嘅推動力，令我繼續去做，收入唔係最重要，最重要做到創作，我心中團火仲燒得好旺，燒嘅時候性格隨年紀改變，人大咗就懂得利用內心嗰團火。」
■方皓玟（右二）爭金像獎女配角獎輸了給同片的金燕玲（左二），但她認為有提名已贏了。資料圖片
做人要問點解
今年派台新歌《Common Sense》，以歌曲唱出今時今日香港發生的各種怪現象，官場、污染、政治、黑白是非被顛倒，歌詞貼地一聽就明，曲風輕鬆，沒有半點沉重的感覺，香港人聽了一定好有同感，「我想寫屬於香港人嘅歌，?家貼地好重要，首歌係講番社會現象，有好多荒謬嘅事發生，?家要好心水清，因為太多事混淆視聽，做人最緊要問點解，呢個主題我想寫好耐，結他部份好cheerful，編曲係我未唱過嘅，希望挑戰自己。」
回歸孕育創作
香港回歸後，演員和歌手紛紛到內地搵人仔，想入內地市場？「返到就返，呢個係個人取向，我自己比較土生土長，我覺得自己係個好original嘅香港人，所以將目光放喺自己嘅城市。」今年是回歸20年，作為創作歌手，創作空間有否窄了？「我反而覺得多咗話題可以寫，以前香港冇咁多事端，?家嘅話題好刺激到真正鍾意創作嘅人，最困難嘅時代會孕育出更多創作出嚟，我唔鍾意用負面角度去睇每件事，近年我覺得更加百花齊放，?家有好多唔同類嘅歌手出現，全部都好有才華，都戥香港高興。」
結婚多份能量
37歲的方皓玟今年更是人生一大轉變，4月她與日籍模特兒未婚夫安田慎吾（左圖）到婚姻註冊處入紙登記結婚，升呢安田太太的方皓玟說：「結婚係開心事，好多人都覺得結婚係個轉移，我都覺得結婚係豐富咗我人生嘅經歷，反而多咗support，工作上多咗一份能量，支持我可以更專心工作同做得更好。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170615/20056101