【壹週刊】王曼喜孖妹素顏跑街 專車接送食茶記
1 :
GS(14)@2015-02-13 00:03:02
【壹週刊】王敏德同馬詩慧兩個都擁有模特兒嘅樣貌身材，兩個囡囡王曼喜、王麗嘉當然都有番咁上下。早前佢哋兩姊妹一齊去shopping，雖然最近天氣持續寒冷，但兩位美女一於少理，照著短褲、短裙，邊晒腿邊行街。掃完一大輪衫，再去掃埋護膚品，入到去SK-II，店員一邊介紹產品，王曼喜就好專心慢慢聽，相反細妹就掛住玩手機，好似一啲興趣都冇。隔咗幾日，我哋再撞到佢兩姊妹素顏去跑步，唔使講當然都係短褲出擊啦，仲要著埋背心，不知幾癢眼。記者問到王曼喜咁勤力跑步，係咪諗住打入娛樂圈，王曼喜就笑笑口咁話：「唔係，平時同妹妹都鍾意做運動,所以約埋一齊跑步keep fit啫。」細妹麗嘉隨即趁機會笑家姐好貪靚，咁作為模特兒嘅後代，貪靚都好正常嘅。跑完步之後，司機就車咗佢哋去附近嘅茶餐廳食飯，呢兩位星二代嘅生活都並非想像中咁遙不可及嘅。特約報道
來源:
http://hk.apple.nextmedia.com/entertainment/art/20150212/19039513
王曼喜低胸女友唔Like
1 :
GS(14)@2015-03-07 09:02:34
■王曼喜前晚出席珠寶活動罕有性感，自爆女友會介意。
王曼喜和Ana R.前晚在灣仔中環廣場出席珠寶滙演，王曼喜則罕有性感，Deep V低胸露半球，被問到性感打扮，她說：「都有少少緊張，平日好少着呢類衫。」王曼喜表示媽咪馬詩慧不介意她行性感，但爹哋王敏德卻不太高興，問她的另一半介不介意？她說：「都會㗎，所以唔會send相畀佢睇，覺得女仔要保守啲，但為咗工作都可以嘅，只要唔太低胸都可以接受。」
■Ana R.指元宵節沒有時間準備性感睡衣冧老公。
Ana R.曾表示在元宵節準備性感睡衣冧老公造人，惜因工作未有時間準備，記者提議準備人體盛宴，Ana R.搞笑說：「我老公唔係好鍾意食日本嘢，如果用曲奇同朱古力佢應該會開心同享受啲。男人做嗰個場面有啲搞笑，女人就會有趣啲誘惑啲。」採訪、攝影：盧妹
來源:
http://hk.apple.nextmedia.com/entertainment/art/20150307/19066304
親密同性：王曼喜摸黑咀女
1 :
GS(14)@2016-05-08 01:44:05王曼喜
中外不少sheshe取向的女星或名人情到濃時都不避忌在公眾地方抱抱激咀。
姬絲頓史釗域
忽然變攣的「吸血女」姬絲頓史釗域（Kristen Stewart、圖右），今年3月到巴黎探當時未甩拖的法國歌手SoKo，二人於街頭攬到實，邊行邊錫。
王曼喜
2014年，王曼喜與外籍女友Lia晚上到公園談心，情到濃時激咀，其後王曼喜「出櫃」認愛，獲父母支持。
何韻詩
何韻詩與鄧九雲拍舞台劇撻着，2012年在台北街頭被影到頭貼頭，攬到實，更到女方家中過夜。
關菊英
菊姐揚言已視周偉利（Willy）為人生伴侶，她不時公然蹺實對方，或於公開場合十指緊扣。
趙式芝
趙式芝與楊如芯（Sean）一向恩愛，私下經常手拖手行街，就算在寓所的電梯口都會公然攬錫。
來源:
http://hk.apple.nextmedia.com/entertainment/art/20160506/19599430
新歡攬腰掃臀拖到實王曼喜兩姊妹樂透電音騷
1 :
GS(14)@2016-08-16 06:11:22【攬腰睇騷】■曼喜帶新歡（右）睇騷，對方更親暱地攬腰密密斟。DV圖片
王敏德大女王曼喜與細妹王麗嘉前晚去亞洲博覽館，欣賞英國電子組合Disclosure的音樂會，曼喜與外籍女友Lia分手後，是晚帶另一新歡出現。身穿貼身吊帶裙的曼喜，與女伴襯同款白布鞋，二人在場內玩得好投入，不時親暱互動，時而拖手仔，曼喜又搭實女友膊頭，而對方又出「龍抓手」摸她臀部。
■曼喜與同性新歡（中）手拖手甜蜜蜜。DV圖片
至於麗嘉就獨自悶玩手機，其間有男士上前向她搭訕兼掃她手，她都沒有理會，更轉身行開。
來源:
http://hk.apple.nextmedia.com/entertainment/art/20160815/19736765
王曼喜任新女伴攬攬
1 :
GS(14)@2016-11-08 05:54:09■王曼喜與新女伴駐足地產舖看樓盤。
名模馬詩慧和王敏德的大女王曼喜公開性向，身邊不乏女伴，早前宣佈跟同性伴侶分手後，昨日下午約5時，在跑馬地發現她跟新女伴拖手，兩人先為座駕入錶，之後沿跑馬地漫步，沿途有不少地產舖，王曼喜突然顯得對樓盤感興趣，叫停女伴一齊睇，看了近10分鐘後，兩人手挽手漫步過馬路。當女伴入洗手間時，王曼喜拿出手機影馬場靚景，之後兩人一齊行去馬場大草地附近繼續影相，然後在椅上談心，其間女伴伸手搭膊頭，還越來越親近，不過附近人流越來越多，兩人表現不敢太張揚，最後在馬場逗留45分鐘後結伴離開。採訪、攝影：朱志聰、黃曉程
來源:
http://hk.apple.nextmedia.com/entertainment/art/20161107/19824878
王曼喜追求者唔啱心水
1 :
GS(14)@2016-11-20 23:52:09王曼喜和名模媽媽馬詩慧、汪詩詩和王馨平昨日在金鐘出席時裝品牌ST. JOHN發佈會，王曼喜早前被影到跟新女伴在球場談心，她說：「嗰個係朋友嚟㗎啫，而且冇拍拖。」咁有冇追求者？她說：「唔係好啱心水囉。」汪詩詩透露老公甄子丹稍後到美國荷李活星光大道打手印，林丹被影到背妻偷食，詩詩表示並不擔心老公：「我哋關係好好，大家好坦白，我100%信任佢。」詩詩又直言想要更多私人時間：「佢成日打嚟check住我就真，有時出去同朋友食飯，啲仔女打電話嚟，點知原來係爸爸叫佢哋打。」採訪：曹家誠攝影：仇志德
來源:
http://hk.apple.nextmedia.com/entertainment/art/20161119/19838456
王曼喜撐《美女與野獸》「係一種教育」
1 :
GS(14)@2017-03-22 00:47:22王曼喜及歐鎧淳昨日在尖沙嘴出席鞋履設計大獎發佈會，王曼喜談到由愛瑪屈臣（Emma Watson）主演的《美女與野獸》加入同性戀情節，她說：「家長有唔同反應係好事，一部戲有呢啲元素，都有鼓勵性作用，慢慢去覺得呢件唔係咁大件事，雖然部戲其實小朋友都睇得，但我覺得係一種教育，等小朋友早啲知，呢個世界唔係cut走咗就當冇事發生。」同場的歐鎧淳近日開始投入游水訓練，5月底會到美國參加比賽，她自言不擔心經常要練習與男友胡子彤少了見面。採訪：黃曉妍攝影：陳慧安
來源:
http://hk.apple.nextmedia.com/entertainment/art/20170321/19964561
王曼喜搞眾籌開網店
1 :
GS(14)@2017-06-10 13:30:39王曼喜昨晚在銅鑼灣，為個人品牌Basics for Basics舉行宣傳活動，曼喜母親馬詩慧及胞弟現身撐場，同場還有琦琦等。王曼喜透露品牌去年創立，今次搞眾籌希望可以籌到八千美元、約六萬港元開網店，她說：「會以公平貿易為主，有義工獎勵計劃，做義工可以儲分喺網店買嘢。」提到早前在網上貼性感相分享，王曼喜即笑言：「靚就OK，好難講底線喺邊，妹妹畀我活躍。」在旁的馬詩慧即補充：「點解唔好、點會睇蝕，呢個時候唔晒幾時晒，知佢有自己底線。」另外，琦琦表示買了環遊世界機票去旅行，現因恐襲問題或改去夏威夷，原本安排女兒去英國讀大學，現在要再考慮。採訪：盧妹攝影：葉君海
來源:
http://hk.apple.nextmedia.com/entertainment/art/20170609/20049356
爆妹妹大量泳照王曼喜用愛開同性戀群組
1 :
GS(14)@2017-07-01 09:53:46王敏德及馬詩慧的大女王曼喜（Kayla）昨日跟名模Rosemary在觀塘出席「apm動感Summer Fun」活動。Kayla近日在facebook開了一個名為「LES Baes HK」的群組支持同性戀，而她早在兩年前已出櫃。
「為後生一代」
Kayla昨日受訪時表示建立群組，是希望為香港後生一代出一分力，她說：「係呀，我兩年前認咗出櫃，覺得LGBT（同性戀關愛群組）好貼心，我想為香港後生一代，令佢哋覺得唔係孤單嘅，係有人可以傾訴。大家經歷一樣，集合起嚟會容易接受。」被問到是否有很多人找她傾訴時，她說：「要慢慢build up，後生有講自己嘅苦衷，但係我一個幫唔晒，所以就成立群組，我想將佢變成一個小社會咁，?家有50人以內，唔算多，大家支持大家嘅圈子。」Kayla此舉是想發放正能量，目的都是為了愛，希望身邊的人不要用異樣的眼光看待同性戀者。
Kayla在Ig亦貼出一張坐在花海上的靚相，有人猜測她有新戀情，她解釋說：「唔係呀，嗰度係個event，我見好靚所以影，?家冇人追。」妹妹麗嘉兩個禮拜後會從美國返港，到時兩姊妹會出外旅行，不少宅男都希望她們到時會多拍點泳衣照，Kayla就搞笑說：「放心，我妹?家唔喺沙灘就喺泳池。」
■王曼喜的胞妹麗嘉經常在Ig貼性感泳衣照。
■Rosemary（左）與王曼喜均表示有意趁夏天外遊。
■Rosemary示範打籃球，有板有眼。
Rosemary旅行造人
另外，Rosemary透露下月將與老公旅遊，計劃的目的地是秘魯、希臘、峇里及斐濟等地，盡享二人世界，她笑言因為今年兩公婆少見面，所以會用一個月時間去旅行。至於會否趁機造人，她笑言：「要享受過程，有質素是最重要，不過我要忙完手上的工作才可以諗生小朋友。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20170629/20071847
的士車廂纏綿難分割王曼喜女密友 啜住返屋企
1 :
GS(14)@2017-08-06 11:39:00【搵食】■王曼喜（前）與女密友當晚結伴食甜品後，直踩回王曼喜的住處。
王敏德和名模老婆馬詩慧所生的大女王曼喜（Kayla）向來言行大膽，除了在網上大晒跪浴缸全裸背相，去年更加勇敢宣佈出櫃，又公開有外籍女友Lia，可惜兩人因為分隔異地，最終分手收場。
主動捉手臂
不過，Kayla回復單身後，去年被發現有中性打扮密友，但Kayla當時堅稱對方非新歡。惟本報日前影到Kayla和這位中性打扮女性密友，在車廂擁吻，大玩纏綿遊戲，情境就如大前年傅嘉莉在車廂中啜爆富商肥叔叔一樣。
【拖手】■王曼喜（左）離開甜品店後，主動拖着女密友的手。
【激咀】■王曼喜和女性密友在的士車廂內咀嘴，十分親暱。
【玩狗】■女密友在王曼喜寓所樓下見到狗即上前逗玩，與街坊頗熟絡。
當晚10時許，《蘋果》發現Kayla和女性密友現身中環歌賦街一間甜品店，二人在店內交談不多，但步出店後，Kayla即主動捉實密友手臂，行去路口截的士。或許上車後只有司機一位「外人」，二人的心情更加放鬆，除了身貼身黐到實外，女性密友不時嘟嘴錫Kayla的臉，甜蜜指數爆燈。
Kayla的女密友似乎頗健談，上的士後幾乎未停過嘴說話，又多次轉身，將頭擺落Kayla的臉錫錫，由中環到大坑的車程，二人未停過sweet，女性密友更一度將Kayla擁入懷。
■早前王曼喜在Instagram放全裸露背相，成為網民熱話。資料圖片
玩鄰居隻狗
的士抵達Kayla與父母同住的大坑柏麗園，密友付車資及率先落車，Kayla緊隨其後，當Kayla打開屋苑大閘時，密友發現有鄰居帶狗散步，即上前打招呼及逗玩狗狗，見Kayla等了良久，才急急轉身離開。採訪、攝影：吳耀輝、孔志豪
來源:
http://hk.apple.nextmedia.com/entertainment/art/20170805/20111891
Next Page