|
||||||
毛玉萍兒子Eric Yu與唐貝詩拍拖三年,早前宣布分手;兒子甩拖,相反毛玉萍卻盛傳蜜運中。本刊更發現她與一名內地男飯聚兩小時,離開時甜蜜繑晒手。原本靜心等候前上海首 富丈夫周正毅服刑十六年的毛玉萍,有指半年前被一名內地萬姓富商狂追,對方不時以私人飛機接載她外遊,感情真空期,遇上細心體貼的Mr.Right,據知 毛玉萍即使心動,但依然放不低服刑中的丈夫,對新戀情仍未肯確認。 上月,毛玉萍跟一班朋友包括商天娥夫婦(右一,二)到北京遊玩,及之後兒子亦有同行的新加坡之旅,坐的私人飛機,正是她的地產新歡所有。 兒子催拍拖 近日,社交界盛傳毛玉萍跟一名在內地從事房地產生意,年約五十歲姓萬的富商來往甚密,再有愛情滋潤,毛玉萍不單變得神采飛揚,在微博中亦忍不住露口風,自 稱心情靚爆:「人逢喜事精神爽!」。有指該內地富商為追求毛玉萍,半年來不間斷採取體貼又強烈攻勢。據了解,上月毛玉萍與一班好友,包括商天娥夫婦組隊到 北京、新加坡以及墨西哥等地旅行,縱使萬姓富商因公事未能陪伴同行,但仍預先為毛玉萍打點安排一切,甚至出動私人飛機,接載她與一眾友人出埠,細心如塵, 毛玉萍身邊朋友都封他做Mr.Right!「呢個人好有耐性,追咗毛小姐半年,到依家都仲係咁落力,係咁意提過鍾意啲乜,個男人就記喺心,之後就買嚟送俾 佢;呢份心思唔單只令毛小姐感動,連佢個仔Eric都覺得對方好錫媽咪,所有身邊人都好想毛小姐同呢個Mr.Right喺一齊!」知情者透露。 發現記者後,毛玉萍與繑住手的內地男子,及兩名同行女友即刻登上千萬坐駕Maybach離開。 放唔低前度 本刊記者早前發現毛玉萍的「I LUV U」車牌Maybach坐駕,與另一部價值千萬的Maybach停在銅鑼灣崇光百貨外,當晚,毛玉萍跟一名年約五十歲內地男子,與一眾友人在崇光百貨樓上 的日本餐廳「和三味」食日本菜;近十時半,毛玉萍與該男子雙雙步出,二人原本繑住行,見到記者先是一呆,再有默契地稍微分開。 記者問毛玉萍繑住的是否萬姓新歡?她笑住說:「朋友啫!」之後二人不避嫌與同行的兩名女友,一起登上不屬於毛玉萍登記的Maybach離開。 據了解,當晚跟毛玉萍繑住手行的內地男子,在內地從事房地產生意,早年離婚,跟近日傳聞中毛玉萍「新歡」,背景甚為相似。 Mr.Right出現,據悉毛玉萍至今仍採取拖字訣,全因她未完全放低共過患難,仍在內地服刑的丈夫周正毅。 「周正毅嘅刑期仲有十二年,雖然之前佢同楊恭如單緋聞又搞到一鑊粥,但毛小姐同人講仲係放唔低周正毅,所以個內地富商追到索晒氣,毛小姐仲係未肯正式接受 對方。」毛玉萍身邊友人說。 在微博中除有毛玉萍的貌美年輕照,還有一段她對正服刑的周正毅依戀的文字。 標尾會 名氣界的黃金剩女,有樣有身家有事業,尋常男子,未必夠膽追,要等真正的Mr.Right出現,隨時等到過四尾五頭,先成功標到尾會。 關之琳 不公開拍拖的大美人關之琳,07年跟台灣十大富商之一陳泰銘傳出戀情,男友日理萬機,卻不時放下工作,陪女友周圍旅遊歎世界,之之為遷就對方,亦不時港台 兩邊飛,有指男友為方便見面,早前豪擲1.5億在南灣道女友香閨附近購入獨立屋,距離只有五分鐘車程。近日之之亦改口風表示有意結婚,甚至隨時閃婚。 朱玲玲 身為三子之母的朱玲玲,04年跟霍震霆低調離婚,四年後跟苦戀多年的瑞安集團主席羅康瑞再婚,婚禮在新加坡四季酒店舉行,好友葉蒨文擔任伴娘,擁有幾十億 身家的羅康瑞,婚後更將一半分給愛妻。 張天愛 經歷過三次婚姻失敗的時裝設計師張天愛,最長一段也維持不到三年,直至03年重遇認識二十年,在美國做演員的羅素後再婚,婚後兼做老公經理人的她,跟隨羅 素北京、美國兩邊住。 |
來自上海嘅毛玉萍雖然同過氣上海首富已撇清關係,但作風依然「海派」,去年底斥資一億買咗個嘉慧園單位俾個仔俞俊材(Eric)結婚做新居,與前特首董建華為鄰。 下個月娶新抱喺會展大排筵席,單係睇張請帖已經夠晒派頭,未來媳婦係……「喜來登」個太子女積琪蓮,不過唔好搞錯,同尖沙咀喜來登酒店冇關係嘅,係喜來登旺鋪代理個太子女啫,其父任永賢都好均真,名片上都括住(非喜來登酒店集團成員);嗱,嫁女餅就堅係文華東方酒店餅咭,一百元正,不過以文華級數,揀兩件餅仔都可能要補水喎! 林鄭恨去大Sir壽宴 下個月三號是政壇教父鍾士元大Sir九十九歲大壽,幾個月前親友以及政壇徒子徒孫均隆而重之,為他安排生日盛宴,聽講政務司司長林鄭月娥早已放晒聲氣,希望能獲邀出席大Sir嘅生日會;有時擇日不如撞日,五年前唐唐準備辭去政務司司長參選特首,大Sir就喺十月份親往其白加道官邸面授撰寫政綱及組班意見,莫非林鄭都想藉住生日會獲大Sir指點迷津? 全港最貴雞紅韭菜 去福臨門俾人鋸到一頸血就係理所當然,不過真係冇諗到可以食到雞血。禮拜六去九福(九龍福臨門),咁高檔嘅食肆,竟然推出特色菜——雞紅韭菜,真係匪夷所思,仲要賣一百六十蚊一客,嘩,加埋一,咪一百八十蚊?真係堪稱全港最貴嘅雞紅韭菜呀,真正扮高尚菜式。雞紅韭菜或者豬紅韭菜呢啲平民化食品,都係街邊地踎館菜式,我估係啲闊佬踎喺街邊食怕俾人見到,坐喺福臨門食,夾住嚿雞紅,懷念以前未有能力食福臨門嘅日子咯!個企枱仲同我講,話冇乜幾多貨,係就快手啦,唓!我梗係冇咁笨,寧願叫番個翅啷口,加啲私家嘅XO干邑吊吓味唔過癮呀。點知原來我都跌晒眼鏡,星期六話俾我老友聽福臨門有雞紅食,佢第二日去都已經售罄!須知道家陣福臨門係「劉(大劉)落楊上」,唔鞭策吓佢哋就好難有好嘢食,有時俾一流價錢,第三梯隊嘅功架,間接都係斬到一頸血;啲老廚榮休,我都希望第三梯隊接到班! 楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。 身價最高球隊 叔李兆基以及超人李嘉誠雙雙為彤叔扶靈,三人曾經一齊往海外闖,揚名海外之作有加拿大「世博豪園」,當地人稱為「李鄭屋邨」,三位富豪更曾自組一隊高爾夫球隊,被譽為全球身價最高球隊,但打golf要四人行,故需要搵人戥腳,昔日有幸為呢隊超級球隊做戥腳王都升晒呢冒出頭來,如新進賭王呂志和、梁錦松、鄭維健以及港燈非執董佘頌平律師,彤叔都算老懷安慰。 |