ZKIZ Archives


【動畫●心理作用】夫妻相/物似主人形 只係想當然

1 : GS(14)@2017-05-27 08:55:27

四十年代開始,外國已有研究說,夫妻相處日久,彼此互相學習,樣子就會越來越相似,稱為夫妻相(Husband-wife Face)。



之前人人玩《Face Swap》,兩公婆調轉個樣零違和,被朋友們讚有夫妻相沾沾自喜。一直都有研究說,兩個人一起生活久了,彼此會互相影響,樣子、神態甚至舉手投足都會越來越似。推而廣之,咦,貓奴和狗奴都與主子餅印一樣,所謂物似主人形真有其事?



那我喜歡某韓星,日對夜對,幾年後會否得到他的英氣?我們問問心理學家陳志豪(Terry),他說:「吓……似唔似呢啲嘢,你講嘅箒。即是一個非洲黑人與韓國女生結婚,一百年後佢哋都唔會像。」冇理由!同事是個白淨靚女,但她跟她的黑面小八哥,餅印一般可愛喎!「心理學上有樣東西叫『自我實現的預言理論』,即是你會相信你想相信的事情。」例如你男友工作繁忙,成日喊累留家好少見,你會告訴自己他為了跟你結婚所以努力工作,三姑六婆講乜都聽唔入耳云云。人亦好有趣,喜歡的東西,你腦裏會自動調適他們的樣貌特徵甚至氣氛,你知道他們出雙入對,很友愛或是對很要好的朋友,你就會自動「腦補」他們是一樣的,「當我哋見到朋友之間或動物與主人之間經常喺埋一齊,知道或者想像到佢哋好友愛,就會覺得合襯又和諧,但唔認識佢哋嘅外人呢,就完全冇感覺。」佛洛伊德又講過,人出世,好容易會愛上最親近的異性,即是爸媽,將來擇偶時,都會找跟父母有共通點或相似的人為偶,叫做「戀父/戀母情結」,Terry笑說:「查實佛洛伊德唔係神,講嘅嘢都唔係絕對,佢講嘅係孩子會愛上爸爸或者媽媽,女兒會將疼錫佢嘅爸爸當作情人。」即是往後的,都是我們自己腦補出來的。「唯一可以合用嘅係關懷與愛,即是說若果女孩嘅成長過程得到好多父愛同關懷,佢長大後一定唔會揀一個唔夠愛同關懷佢嘅人做老公,如果女孩來自破碎家庭,可能佢會搵個不識愛同關顧佢嘅男人,根本就唔緊要,因為佢根本不需要呢樣嘢。」也有說是大家擇偶受DNA影響,揀個身高性格價值觀差不多的,和諧度大增,根本就是餅印們互相吸引,那總沒錯了吧。Terry只以一句總結,「講到尾其實都係由快樂指數總結一切箒,每個人嘅快樂程度都唔同,大家同聲同氣嘛,所以你會快樂,網球健將會搵個鍾意打網球嘅人、鍾意儲錢嘅人唔會配一個大花筒,你兩個人行出來都快快樂樂,其他人見到就覺得你哋有夫妻相囉。」



其實我們都愛把喜歡的東西,「腦補」他們有相似之處,特別是相處了好久的好朋友。但外人其實毫無感覺。

心理醫生陳志豪

記者:陳慧敏攝影:劉永發2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170527/20035076
PermaLink: https://articles.zkiz.com/?id=334236

Next Page

ZKIZ Archives @ 2019